Бугун ЕВРО-2020 иштирокчилари орасидан Англия терма жамоаси ҳақида қисқача маълумот ва фикрларимни эълон қиламан.
2019 йил март ойида саралаш турнирида иштирокини бошлаган Гарет Саутгейт шогирдлари “А” гуруҳида Чехия, Косово, Болгария ва Монтенегро (Черногория) терма жамоаларига қарши ўйинаши лозим эди. Табиийки – инглизлар фаворит. Амалда 8 ўйинда 7 та ғалаба қилган бу жамоа ғалабали ҳар бир ўйинда камида 4 маротаба (!) рақиб дарвозасини ишғол қилган. Даҳшат кўрсаткич. Албатта бу рақибларнинг даражасидан келиб чиқаётган тафовут эди. Аммо шундай бўлсада бу циклда Кейн ва унинг жамоадошларини тўхтатиш амри маҳол эди. Лекин тўхтатишни уддалаган бир терма жамоа бор – Чехия. Биргина мағлубият чехлардан қабул қилиб олинган.
Футбол пайдо бўлибди-ки, англияликлар ҳар қайси халқаро катта турнирга ғолиблик учун асосий номзодлар қаторида боради, менимча. Бироқ аксар ҳолда кутилмалар ўзини кескин оқламайди. Ҳозирча улар Европа чемпиони бўлишмаган. Энг яхши кўрсатикич 1996 йилдаги яримфинал. 1966 йилда мундиалда қозонилган ғалаба эса футбол ватани терма жамоаси учун тарихдаги энг ёрқин нуқта бўлиб қолмоқда. Аммо Саутгейт терма жамоани ўзгартиргани айтилмоқда. Бу 2018 йил Россиядаги ўйинлардаёқ сезилган эди. Классик инглизча узун узатмалар ва қанотдан жарима майдонига йўналтирмалар орасига марказдаги фаоллик билан кучайтирилган. Ҳозир таркибда жуда кучли рақобат мавжуд. Қуйидаги суратдан ҳам кўришингиз мумкин мураббий танловларда қийналади. Буни саралашда ҳам кўрдик. Аниқ 11 футболчиси борлигини мен сезмадим.
“Муаммолар” дарвозадан бошланади. Ким биринчи Дин Хендерсонми ёки Жордан Пикфорд. Ҳимояда эса энг катта зичлик кузатилмоқда. Дарвоқе, бу Саутгейтга жуда эластик мудофаани тақдим этади. Масалан, мумтоз 4 ҳимоячи варианти замонамизда урфда бўлган 3+2 кўринишига осон ўтиши мумкин. Магуайр, Стоунз, Мингс, Чилвелл, Шоу, Трипье, Жеймс – буларнинг барчаси якунига етган клублар ўртасидаги мавсум ўта юқорида даражада ўтказишди. Маунт, Райс, Ҳендерсон, Санчо, Фоден ва Грилиш ва бошқалар – ҳужумга мойил ярим ҳимоя. Деклан Райс бўлак қадрли футболчи. У жамоанинг “ахилл товони” деб баҳоланаётган таянчда нуқтасида ас қотиши лозим.
Ҳужум ҳақида алоҳида тўхталишга ҳожат бормикан – Ҳарри Кейн. Агар сиз у фақат “Тоттенҳэм”да шундай “эплаб бўлмас” мавсум ўтказди деб ўйласангиз адашасиз. Ҳарри саралашда ҳам порлаган. Терманинг жами 37 голидан 12 та унинг ҳисобида бўлса, 5 та голга ассист ҳам берган. Рэшфорд, Стерлинг ва Калверт-Льюин — бонус.
ЕВРО-2020даги “D” гуруҳида вазият ўйинлар бошланмасданоқ чигал. Сўнгги ЖЧ финалчиси Хорватия (айнан Англияни енгиб финалга чиққан), Чехия (юқорида эслаб ўтдик) ва сиёсий-принципиал Шотландия.
Осонми? Менимча – асло йўқ!
Қизиқми? Менимча – худди шундай!
Кўрамизми? Менимча – албатта!
Қаерда – УзРепорт ТВ/Футбол ТВ
Ориф Толипов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
