Андижоннинг "Андижон" жамоаси таркибига янги футболчи келиб қўшилди. Бу ҳақда "Стадион" "Андижон" мухлислар сайти тарқатган маълумотларга таяниб хабар бермоқда.
Жамоага қайтган украиналик Александр Половковва беларуслик дарвозабон Александр Петуховдан сўнг учинчи легионер футболчи сифатида яна бир беларуслик футболчи Константин Якубовский ҳам жамоа ихтиёрига етиб келди.
"Жамоа бош мураббий Александр Аверьянов қишки ўқув-машғулот йиғини давомида таркибни шакллантиришга алоҳида эътибор қаратмоқда. Россиялик мутахассис селекция борасида пухталик билан иш кўришни яхши кўради. Мураббийимиз жамоадаги маҳаллий ўйинчилардан яхшигина жамоа тузишга кўзи етиб турибди. Шунинг учун таркибга олдинги йиллардагидек кўплаб ўйинчилар таклиф этилмаяпти. Тўғри, бир қатор футболчилар келиб кўрикда иштирок этишяпти. Лекин улар Аверьянов талабига жавоб бера олмаяптилар", деб ёзади Burgutlar.com интернет нашри.
Таъкидлаб ўтиш жоиз, Якубовский 1984 йилнинг 5 сентябр куни Минск шаҳрида таваллуд топган. Унинг футболдаги биринчи мураббий Леонид Иванович Данейко ҳисобланади. Константин фаолиятини 2004 йили Белоруссия олий дивизони вакили - «Молодечно-2000» клуби сафида бошлаган. Ўша йили Минскнинг «МТЗ-РИПО» клуби учун ҳам тўп сурган. 2004 йили «Звезда-ВА-БГУ»га ўтган ва сўнгра Борисовнинг «БАТЭ» таркибидан ўрин олди. Якубовский 2005 йилдан 2008 йилга қадар Новополоцкнинг «Нафтан» жамоаси билан мамлакат олий дивизионида тўп сурди. Айтиш керакки, у ўша йиллар мобайнида жамоанинг асосий таркибида фаолият олиб борган. Кейинчалик олий дивизионнинг яна бир иштирокчиси – Минкснинг «Локомотив» аъзосига айланган. 2009 ҳамда 2010 йиллар давомида Слуцкнинг «Слуцксахар» жамоасида ўйин кўрсатган. 2011 йилги мавсумни эса биринчи дивизион қатнашчиси — «Городея» клубида тўп сурган. У жамоаси билан 3-ўринни эгаллаган. 26та учрашувда майдонга тушиб рақиблар дарвозасига 2та тўп киритган.
Манбада қайд этилишича, футболчи билан ҳали битим имзоланмаган. Агар битим Константин Якубовский мураббийларда илиқ таассурот қолдириб шартнома имзолайдиган бўлса, жамоада легионерлар лимити тўлади. Сабаби, Петухов, Половков ва Якубовский учлиги ташкил этади. Алексей Касьян гарчи жамоани расман тарк этмаган бўлса-да, унинг бошқа жамоага кетиш эҳтимоли юқори.
Бундан ташқари «Андижон»га «Локомотив-БФК»дан маҳаллий футболчимиз Тимур Васильев ҳам қўшилди. У бундан аввал «Хоразм», «Локомотив» каби клубларда ўйнаганди. Ўз вақтида «Андижон»нинг йиғинида ҳам иштирок этган. Шунингдек, «Бунёдкор» жамоасидан Дониёр Ҳасанов ҳам таклиф этилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
