Жаҳон чемпионати ҳамда Осиё кубоги мусобақалари йўлланмалари учун қўшма саралашининг иккинчи босқичи якунига етди. Унда миллий терма жамоамиз ҳам иштирок этди ва ўз гуруҳида 2-ўринни эгаллаб, Жаҳон чемпионати учун курашни шу ерда тўхтатишга мажбур бўлди. Ўзбекистон эса энди фақатгина Осиё чемпионати йўлланмаси учун кураш олиб боради.
Якунланган иккинчи босқич саралаш ўйинлари натижаларига биноан, саккизта гуруҳ ғолиблари ҳамда энг яхши натижа қайд этган 4та иккинчи ўрин эгалари учинчи саралаш циклига қадам қўйишди. Ушбу босқичга йўл олган ўн иккита (мезбон — Хитой терма жамоасини ҳисобга олганда — 13та) жамоа тўғридан-тўғри 2023 йилги Осиё кубоги йўлланмаси эгасига айландилар. Ўзбекистон эса сўнгги ўйиндаги мағлубияти сабабли, иккинчи ўринлар орасида умумий ҳисобда 7-поғонани эгаллаб, қўшимча тўртта (амалда бешта) йўлланма эгалари рўйхатидан жой ола билмади.
2023 йилги Осиё кубоги учун саралаш баҳслари 2022 йил 1 февралидан 2022 йил 27 сентябрига қадар давом эттирилади. Аслида 2020/2021 йилги мавсумлар давомида ўтказилиши керак бўлган ўйинлар, Осиёдаги пандемия ҳолати туфайли қолдирилган эди. Ушбу саралаш циклида жами 24 та жамоа (16 таси 2-босқич саралаш ўйинларидан ўтган, 8 таси плей-офф баҳсларидан ўтадиган жамоалар) қатнашиши кўзда тутилган. Унда жамоалар 4тадан 6та гуруҳга бўлинишади. Термалар уй-сафар тизимида ўзаро 2 мартадан тўқнаш келишади.
Улар тўртта жамоадан иборат, 6 та гуруҳга бўлинишади. Сўнгра, шу зайлда Осиё чемпионати финал босқичи учун курашни давом эттирадилар. Ҳар бир гуруҳдан 2 та энг яхши натижа эгалари қитъа чемпионати йўлланмасини қўлга киритишади. Гуруҳлардаги иккинчи ўринлар орасида энг ёмон натижа қайд этган битта жамоа, ОФК қарорига кўра, гуруҳда қолиб кетади. Чунки, иккинчи босқичдан ўтган жамоалар сони 12 та эмас, балки 13 та саралашдан ўтган ҳисобланишади. Улар яқинда якунига етган – 2-босқични муваффақиятли якунлаган ўн учта терма жамоалар сафига қўшилишади. Шунда, жами 24 та Осиёнинг энг яхши жамоалари сараланиб, улар Хитойдаги турнирда қанташиш ҳуқуқини қўлга киритадилар.
Шуни ҳам айтиб ўтишимиз керакки, Осиё кубоги учун саралаш плей-офф босқичи баҳсларига қуръа ташлаш маросими бўлиб ўтади. Унда терма жамоалар ФИФА таснифидаги ўринларига кўра, саватчаларга жойланишади. Ўзбекистон бу борада қолган жамоалар ичида шу кеча-кундузда энг яхши кўрсаткичга эга бўлиб турибди (86-ўрин) ва шу сабабдан, биринчи саватчадан жой олади.
Жалолиддин ИСМАТОВ тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
