Яшил майдонга кўз ойнак тақиб тушиши ва ғалати соч турмаклари билан машҳур бўлган голландиялик футболчи Эдгар Давидсни мухлислар жуда яхши билишади. Ушбу футболчи куни кеча бир тадбир баҳона Истанбулга ташриф буюрди. Фурсатдан фойдаланган журналистлар ундан кичик интервью олишди. Ҳа, айтганча, Луиш Фигу билан мастер-класс ташкиллаштирган Эдгар Давидс Туркияга куёв бўлиш арафасида, яъни Ўлжай Гулшен исмли қизга уйланмоқчи.
- Истанбулга кейинги пайтларда серқатнов бўлиб қолдингиз, бунинг боиси не?
- Бу ерда жуда кўплаб тўқимачилик фирмалари билан ҳамкорликда фаолият олиб бормоқдаман. Шу боис ишлаб чиқариш жараёнини назорат қилиш мақсадида тез-тез келиб турибман.
- Газетага "Давидс футболни ташлаб, тўқимачилик бизнеси билан шуғулланмоқда" деб ёзаверайликми?
- Ихтиёрингиз.
- Ўлжай хоним рашкчими?
- Туркияга келсак мени ўз ҳолимга қўяди (тиржаяди). Ҳа, бироз рашкчи, қаерда юрганимни ҳисобот шаклда айтиб туришим керак. Лекин жуда ақлли, мени бу жиҳати ўзига мафтун этган.
- Оила қуриш ҳақида ўйлаяпсизларми?
- Ҳа, тўйимизга оз қолди, яқинда бўлиб қолар.
- "Галатасарой"нинг бразилиялик футболчиси Мелони танийсизми? У кейинги пайтда гол киритгач, Питбул тақлидини қиляпи, ўзига Питбул лақабини қўйиб олган.
- Уни танийман. Ҳали жуда ёш, катта марраларни забт этишига ишонаман. Менга Питбул лақабини мухлислар қўйган. Ҳеч кимга мени шу лақаб билан чақиринглар, деб илтимос қилмаганман. Лекин сиз айтган гапга ишонмайман. Худди ўзингиз ўйлаб топгандек туюляпти менга. Агар шу рост бўлса, ўзим Туркияда келиб, яшил майдонга тушаман ва мухлисларга ҳақиқий Питбул ким эканлигини кўрсатиб қўяман.
- Фаолиятингиз якунига етиш арафасида. Бугунги футбол учрашувларини томоша қилаётиб, ёш футболчиларга "Чиқ майдондан, ўзим ўйнайман ўрнингда" деган пайтларингиз ҳам бўладими?
- Ҳа, кўп бўлган. Кейинги пайтларда 3 та ўйинда мувафаққиятли тўп сурганлар ўзини дунё юлдузиман, деб ҳисоблаяпти, буларни кўрсам жаҳлим чиқади. Футбол фақат жисмоний кучдан иборат ўйин эмас. Баъзи футболчиларнинг ўйини ғашимни келтиради. Чунки мен бармоқларимни бурнимга тиқиб ҳам футбол ўйнай оламан.
- Голландия билан жаҳон чемпиони бўла олмаганингиз армон бўлиб қолганми?
- Жаҳон чемпионатида чемпион бўлиб, кубокни қўлга киритиш мумкин, лекин у ҳамма нарсани ҳал қиладиган жуда муҳим мукофот эмас. Муҳими у кубокни қандай қилиб қўлга киритилганлини йилллар ўтиб, одамлар томонидан хотирланиши. Италия терма жамоасига қаранг... Жаҳон чемпиони бўлишди, аммо ишонаманки, кўпчилик буни эслолмайди ҳам. Чунки очиғи, улар ўйнаган футбол мухлисларга завқ бермади. Шундай экан, мен "ўлик футбол" ўйнаб, кубокни музейга олиб боргандан кўра мағлуб бўлсанг ҳам мардонавор курашиб, мухлислар ёдида яхши хотиралар билан сақланиб қолишни маъқул кўраман. Агар эслашмаса бари бир тийин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
