Португалия терма жамоаси нимчорак финалда Бельгияга мағлуб бўлганидан кейин, Жозе Моуриньо Англияга мухлислик қилишини маълум қилди. У «The Sun» нашрига берган итервюсида ўзининг бу борадаги таҳминлари билан ўртоқлашди.
«Агарда Англия Германия билан баҳсда ғолиб чиқса, улар финалгача етиб бора олади. Мен Харри Кейнни Европа кубогини қўлга киритишини кўришни хоҳлайман. Шахсан мен учун бу ўйин нимчорак эмас балки ярим финал баҳсига тенг. Ким ютишидан қатъий назар ўйин ўта шиддатли ўтади. Англия бугунги ўйинни ютса, чорак финалда Швеция ёки Украина билан, ундан кейинги босқичда эса Чехия ёхуд Дания билан тўқнаш келади. Tўрттала жамоага xaм ҳурматни сақлаган ҳолда айтишим мумкинки, бугунги Англия термасининг салоҳияти юкoридаги терма жамоаларни мағлуб қилиш учун бемалол етади. Барчаси мураббий Гарет Саутгейтнинг танловларига боғлиқ.
Тўғри, келажакни олдиндан айта олмайман. Лекин тарихда хар ҳил ҳолатлар бўлган. Айримлар «Англияни пенальтилар сериясида омадсиз жамоа дейишади. Бўлмаган гап! Масалан, 2018 йилги мундиалда Англия Колумбияни айнан пенальтилар сериясида мағлуб этган эди. Албатта, бу билан Германиядан қўрқмаслик керак дея олмайман. Немисларда доимо кучли руҳий тайёргарлик бўлган. Қолаверса, улар узоқ йиллардан буён ёзги турнирларда идеал спорт формасидаги футболчилар билан иштирок этишади.
Аммо сўнгги пайтлардаги натижаларига қарайдиган бўлсак, омадсиз ўйинлари кўпайиб қолган. Масалан, Миллатлар лигасида Испанияга 6-0 ҳисобида мағлуб бўлишди ва кутилмаган ҳолда Шимолий Македонияга ЖЧга саралаш баҳсларида ўз уйида имкониятни бой берди. Шунга қарамасдан, Йоахим Лёв термани бошқаришда давом этди. Жорий мусобақа ўтгач эса ўрнини Ҳанси Фликка бўшатиб беришини эълон қилди.
Германия қанчалик шаклланган жамоа бўлмасин, ҳозирги кунда олд чизиқда супер ҳужумчиси мавжуд эмас. Англиянинг ҳимояси эса ҳозирги немислар жамоаси учун етарлича мустаҳкам. Англия гуруҳ босқичи давомида 3 та асосий ҳимоячи ва қанот ҳимоячилари билан ўйнади. Бу тўғри йўл эди. 3 та ўйинда бирорта гол ўтказиб юбормагани бунинг исботи. Охирги пайтларда, Германия таркибида мувозанатни ушлаб турувчи футболчилар Киммих ва Госенс бўлиб қолмоқда. Португалия билан ўйинда ҳам кўриндики, немисларнинг қанот ҳимоячилари ўз рақибини мағлуб этишда катта роль ўйнади.
Кейн, Маунт, Раҳим Стерлинг каби ҳужумчилар билан «немис машинаси»ни ишдан чиқариш мумкин. Хархолда, мен бунга ишонаман!
Жалолиддин Исматов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
