Футбол ТВ шарҳловчиси Бобур Акмалов Англия ва Германия ўртасидаги Евро-2020 нимчорак финал учрашувига анонс қилиш билан биргаликда ўйинни ким билан шарҳлаб боришини маълум қилди.
Кечаги ўйин куни Евро-2020нинг безаги бўлди, дейишяпти ва мен бунга қўшиламан. Икки ўйинда 14 гол, экстра-таймлар, пенальтилар серияси ва олам-олам эмоциялар.
Нидерландлар, португаллар ва французлар тарк этган турнир қанақа бўларкин энди? Яхши бўлади, менимча. Бельгия бор, Италия бор, қолаверса, биз кутмаганда ёрқин ўйнаб ташлаган жамоалар бор ва...
Ва Англия ёки Германия бор чоракфиналда. Бугунги нимчоракфинал ўйинидан сўнг битта гранд албатта бўлади турнирда. Ёки бир гранд аниқ бўлмайди. Буниси энди стаканнинг ярми бўшми ё ярми тўлами, деган гапга ўхшайди - қай томондан қарашга боғлиқ. Мен позитив томонидан қарайман ва инглизлар ҳам, немислар ҳам ўша бўш стаканнинг ярмини тўлдира оладиган жамоа эканига аминман.
Бугунги Англия - Германия ўйинида Даврон Файзиев билан бирга ишлаймиз. Бу тандем ҳам илк марта, дарвоқе.
Бобур Акмалов
Матнда хатолик топсангиз, ўша хатони белгилаб, бизга жўнатинг (Ctrl + Enter).