Алан Ширер Гарет Саутгейт ва Англия ҳақида фикр билдирди.
Машҳур «Ньюкасл Юнайтед»нинг собиқ ҳужумчиси Алан Ширер Англия терма жамоасининг тарихдаги ўйинлари ва мураббийи Саутгейт ҳақида гапирди. Англия Германияни мағлуб этгандан сўнг у қуйидаги фикрларни билдириб ўтди:
«Евро 96да Германияга қарши ўйинда Саутгейт пенальтидан фойдалана олмаган ва Англия мағлубиятига сабаб бўлган эди. Мен бунда Гаретни ҳеч қачон айбламаганман. Шунингдек, ўша муваффақиятсизликда уни ўрни катта деб ҳам айтмаган бўлардим. Бунда бутун жамоани айби бор эди, мени ҳам.
Ярим финалда ўйнаганимиз учун балки ҳаммада ҳаяжон бўлгандир. Лекин барчасини экстра бўлимларда ҳал қилиш имконимиз бор эди. Биз бундан фойдалана олмагандик. Пенальтилар церийасида эса ҳамма адашиши мумкин. Ўша хатони Саутгейт қилганди. Аммо кеча Германияни мағлуб этиб, ўз айбини қайсидир маънода юва олди. Мен Украинани ҳам юта олишимизга ишонаман».
Саутгейт 25 йил олдин йўл қўйган хатосини юва олди ва ҳозирда Украинага қарши ўйинга тайёргарлик кўрмоқда. У ҳам Германия устидан қозонилган ғалабадан сўнг ўз фикрлари билан ўртоқлашди: «Мен 96 йилда Англия сафида эдим. Мен тарихий фактни ўзгартира олмайман. Ҳа, мен ўша пенальтидан фойдалана олмай, жамоамга панд бергандим. Бу нарса абадий мен билан яшайди.
Лекин мен бугун бошқараётган жамоа ва ундаги йигитлар салоҳияти жуда юқори, мен уларни янги тарих ёза олишларига мутлақо ишонаман. Кечаги ўйинда улар буни намойиш эта олишди».
Ширер ўз сўзида давом этар экан Саутгейтнинг ўтмишдаги фаолияти ва шахсиятига ҳам тўхталиб ўтди: «Мен терма жамоадаги фаолиятим давомида кўплаб буюк инсонлар билан тўп сурдим. Улар жуда кўп. Лекин ҳимоячилар орасида Гарет ажралиб турарди. 96 йилги чемпионатда ярим финалгача жуда осон етиб келгандик. Кучли тўртталикка киришимизда Соутгейтни ҳам беқиёс ўрни бўлган, албатта.
У энг мураккаб пайтларда ўзини ёрдамга таклиф қила оладиган футболчи эди. Менга футбол ва ҳаёт битта нарсани ўргатди: яхши нарсаларни қадрлаш учун сиз ёмонлик кўришингиз керак бўларкан. Ўша ондаги пенальтини бажара олмай балки, Соутгейт йиқилганди. Лекин асосийси тура олди ва йўлда давом этди. Мана ҳозир исботламоқда, ўзининг ҳақиқий қийматини. Футболда ҳам ҳаётда ҳам ўрнак олса арзийдиган хос ҳарактерга эга инсон».
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
