Италия матбуоти "Женоа" ҳужумчиси Элдор Шомуродов "Рома"га ўтиши мумкинлиги ҳақида ёзмоқда. Шу хабардан кейин, "Женоа" мухлислари ушбу трансфер ҳақида турлича фикрлар билдиришмоқда. Ижтимоий тармоқлардаги, ушбу мавзу бўйича келтирилган энг қизиқарли изоҳларни тақдим этамиз:
Carla Prando
Ҳар доимгидек, қандайдир иқтидор бизда ўйнашни бошлаши билан, бойроқ клуб дарҳол ушбу футболчимизни сотиб олади.
Бу нафақат Генуяда. балки бутун дунёда содир бўлмоқда.
Norma Pecoraro
Агар "Рома" бу Шомуродов учун 15-20 миллион тўлашга рози бўлса, у ҳолда бу трансфер муҳокама қилиниши мумкин.
Giovanna Squarzina (Norma Pecoraro-нинг изоҳига жавобан)
"Рома" ўтган ёзда ҳеч ким учун 20 миллион тўламади. Улар Шомуродов учун ҳам трансфер сиёсатини ўзгартирмайди деб ўйлайман.
Римликларнинг Элдор учун 20 миллион тўлашга тайёр эканлигига шубҳа қиламан.
Chiara Puccini
Агар биз Элдорни сотадиган бўлсак, унда жамоада муаммолар бўлади. Скамакка ижарага олинган, Дестро беқарор ўйнамоқда ва Пандев аллақачон қариган. "Эль узбеко"ни сотсак, биз энг истиқболли ҳужумчини йўқотамиз.
Enrico Incarnato
Умид қиламанки, Шомуродов Пёнтек биздан "Милан"га кетганидан кейин нима бўлганини билади.
Пёнтек "Женоа"ни тарк этиб, аста-секин гол уриш хислатини йўқотди ва шундан кейин, бироз ўтиб "Милан" уни сотиб юборди - таҳририят
Giorgio Ravenna
"Эль Узбеко" 5 та ўйинда 4 та гол урди ва тамом - дарров "Рома"га ўтиши ҳақидаги миш-мишлар тарқалди. Эсимда, бундан бир неча ой олдин "Ювентус"га ўтиш ҳақида миш-мишлар тарқалганди. Ва Шомуродов у ерга борганми? Менимча, бу миш-миш.
Alessandra de Bellis
Умид қиламанки, бу миш-мишлар. Элдор яхши салоҳиятга эга футболчи. У ўз фаолиятини Италияда қийинчилик билан бошлади, аммо аста-секин ўз ўйинини топди. Менимча, Шомуродов ўзимизга керак. Ва Моуриньо Пандевни олсин, чунки улар аввал "Интер"да бирга ишлаган.
Luca Vitello
Афтидан, Элдорнинг "Лацио"га киритган голи "Рома" етакчиларини шунчалик илҳомлантирдики, улар дарҳол футболчини сотиб олишга қарор қилишди.
("Рома" учун "Лацио"га қарши дерби учрашуви мавсумнинг энг муҳим баҳси ҳисобланади - таҳририят).
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
