Индонезия чемпиони ва Таиланд вице-чемпиони «Бунёдкор»нинг гуруҳдошига айланиши мумкин.
ОФК Чемпионлар лигасининг 2012 йилги баҳсларига 2011 йилнинг 6 декабрь куни қуръа ташланган ва ўшанда Индонезия чемпиони «Персипура Жаяпура» — жамоа иштирок этган маҳаллий мусобақа натижалари Индонезия футбол федерацияси томонидан тан олинмагани учун, ОЧЛдан четлатилгани маълум қилинганди. Шу сабаб, қуръага кўра, Австралиянинг «Аделаида Юнайтед» клуби тўғридан-тўғри «Е» гуруҳи вакилига айланганди.
Ўтган ҳафта «Персипура» Спорт арбитраж суди орқали Чемпионлар Лигасидаги ўрнини қайта тиклади ва энди ОЧЛ саралаш плей-оффи доирасида Австралия клубига қарши майдонга тушади. ОФК 13 февраль куни «Аделаида Юнайтед» ва «Персипура Жаяпура» ўртасидаги ўйин вақтини эълон қилди: «Хиндмарш» стадионидаги баҳс 16 февраль, пайшанба куни ўтказилади. Қайд этиш жоиз, бир учрашувдан иборат баҳс ғолиби ОЧЛнинг «Е» гуруҳидан ўрин олади, мағлубиятга учраган жамоа эса, ОФКнинг айнан шу учрашув учун қабул қилган қарорига кўра, ушбу мавсум қитъа кубокларидаги иштирокини якунлайди.
ОЧЛ саралаш плей-офф финал раунидадан ўрин олган қолган барча ўйинлар 18 февраль, шанба куни бўлиб ўтади. Шарқий минтақадаги Жанубий Кореянинг «Поханг Стилерз» ва Таиланднинг «Чонбури» жамоалари ўртасидаги ўйин Ўзбекистон чемпиони «Бунёдкор»нинг яна бир рақибини танлаб беради. Учрашув ғолиби «Е» гуруҳидан ўрин олса, мағлубиятга учраган жамоа ОФК Кубоги «G» гуруҳи вакилига айланади.
Ғарбий минтақадаги ҳар иккала плей-офф учрашувида ўзбекистонликлар бевосита иштирок этишади. 2011 йилги Олий лига баҳсларида тўртинчи ўрин эгасига айланган Фарғонанинг «Нефтчи» жамоаси Дубайда БААнинг «Аш-Шабоб» клубига қарши ОЧЛ «D» гуруҳидаги ўрин учун майдонга тушса, Теҳрондаги «Озоди» стадионида бўлиб ўтадиган Эроннинг «Истиқлол» ва Саудия Арабистонининг «Ал-Иттифоқ» клублари ўртасидаги ўйинни Валентин Коваленко бошлиқ ўзбекистонлик ҳакамлар бригадаси бошқариб боради.
«Аш-Шабоб» – «Нефтчи» ўйинида мағлубиятга учраган жамоа ОФК Кубоги «D» гуруҳи аъзосига айланади. «Истиқлол» – «Ал-Иттифоқ» жуфтлиги ғолиби ОЧЛ «А» гуруҳидаги Ўзбекистон вице-чемпиони «Насаф»нинг рақибига айланса, имкониятни бой берган жамоа курашни ОФК Кубоги «С» гуруҳида давом эттиради.
Эслатиб ўтамиз, бу йилги ОЧЛ баҳсларида Ўзбекистондан жами тўртта клуб иштирок этмоқда. Ўзбекистон Кубоги соҳиби ҳисобланган Тошкентнинг «Пахтакор» клуби ОЧЛнинг «B» гуруҳидан ўрин олган.
ОЧЛ Саралаш плей-офф
Финал раунди
Шарқий минтақа
16 февраль, пайшанба
«АДЕЛАИДА ЮНАЙТЕД» (Австралия) – «ПЕРСИПУРА ЖАЯПУРА» (Индонезия)
Аделаида. «Хиндмарш» стадиони.
18 февраль, шанба
«ПОХАНГ СТИЛЕРЗ» (Жанубий Корея) – «ЧОНБУРИ» (Таиланд)
Поханг. «Поханг Стил Ярд» стадиони.
Ғарбий минтақа
18 февраль, шанба
«ИСТИҚЛОЛ» (Эрон) – «АЛ-ИТТИФОҚ» (Саудия Арабистони)
Теҳрон. «Озоди» стадиони.
«АШ-ШАБОБ» (БАА) – «НЕФТЧИ» (Ўзбекистон)
Дубай. «Мактум Бин Рашид ал-Мактум» стадиони.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
