Бугун Европа лигаси гуруҳ босқичига қуръа ташланади. Қуръа маросими ҳақида батафсил маълумот бериб ўтаамиз.
Қачон?
Қуръа ташлаш маросими 27 август куни Тошкент вақти билан 16:00да бошланади. Тадбир Истанбулда бўлиб ўтади.
Кимлар иштирок этади?
Бу галги гуруҳ баҳсларида 32та жамоа иштирок этади (аввалги йилларда 48та эди). 12та жамоа гуруҳ босқичи йўлланмасини тўғридан-тўғри қўлга киритган бўлса, 10та жамоа саралаш босқичи орқали ушбу босқичга чиқди. Яна 10та жамоа эса Европа чемпионлар лигаси саралаш босқичида муваффақиятсизликка учрагани учун ўз иштирокини Европа лигасида давом эттиради.
Англия: "Лестер", "Вест Хэм"
Испания: "Реал Сосьедад", "Бетис"
Италия: "Наполи", "Лацио"
Германия: "Айнтрахт", "Байер"
Франция: "Лион", "Олимпик", "Монако"**
Португалия: "Брага"
Нидерландия: ПСВ**
Шотландия: "Селтик"*, "Рейнжерс"*
Австрия: "Рапид" Вена*, "Штурм"*
Россия: "Локомотив", "Спартак"**
Сербия: "Црвена звезда"*
Бельгия: "Антверпен"*, "Генк"**
Туркия: "Фенербахче"*, "Галатасарой"*
Греция: "Олимпиакос"*
Дания: "Митьюлланд"**, "Брондбю"**
Чехия: "Спарта"**
Хорватия: "Динамо" Загреб**
Болгария: "Лудогорец"**
Венгрия: "Ференцварош"**
Польша: "Легия"*
Изоҳ:
* — Европа лигаси саралаш босқичи ғолиблари;
** — Европа чемпионлар лигаси плей-офф ва 3-саралаш босқичидан чиқиб кетиб, Европа лигасига ўтган жамоалар.
Саватчалар
Қуръадан олдин жамоалар УЕФА клублар рейтинги асосида 4та саватчага қуйидагича тақсимланишган:
1-саватча: «Лион» (Франция), «Наполи» (Италия), «Байер» (Германия), «Динамо» Загреб (Хорватия), «Лацио» (Италия), «Олимпиакос» (Греция), «Монако» (Франция), «Брага» (Португалия).
2-саватча: «Селтик» (Шотландия), «Айнтрахт» Франкфурт (Германия), «Црвена Звезда» (Сербия), «Лестер» (Англия), «Рейнжерс» (Шотландия), «Локомотив» (Россия), «Генк» (Бельгия), ПСВ (Нидерландия).
3-саватча: «Марсель» (Франция), «Лудогорец» (Болгария), «Вест Хэм» (Англия), «Реал Сосьедад (Испания), «Бетис» (Испания), «Фенербахче» (Туркия), «Спартак» (Россия), «Спарта» Прага (Чехия).
4-саватча: «Рапид» (Австрия), «Галатасарой» (Туркия), «Легия» (Польша), «Мидтьюлланд» (Дания), «Ференцварош» (Венгрия), «Штурм» (Австрия), «Брондбю» (Дания), «Антверпен» (Бельгия).
Қуръа механизми
Қуръа жараёнида финал учрашуви элчиси Андрес Палоп ва махсус меҳмон Маркос Сенна иштирок этишади.
Бир гуруҳда бир мамлакатнинг икки жамоаси иштирок этиши мумкин эмас. Бошқа чекловлар ҳақида қуръа жараёнида маълум қилинади.
Маросимда Европа лигаси мавсум-2020/21нинг энг яхши футболчисига соврин топширилади. Ўтган йилларда ушбу совринни Ромелу Лукаку, Эден Азар, Антуан Гризманн ва Поль Погба қўлга киритишган.
Тақвим
Гуруҳ босқичи ўйинлари қуйидаги саналарда бўлиб ўтади:
1-тур: 16 сентябрь
2-тур: 30 сентябрь
3-тур: 21 октябрь
4-тур: 4 ноябрь
5-тур: 25 ноябрь
6-тур: 9 декабрь
Мусобақа формати
Гуруҳларда жамоалар "уй-сафар" тизимида ўзаро 2 мартадан тўқнаш келишади. Гуруҳда дастлабки 3та ўринни эгаллаган жамоа еврокубоклардаги ўз иштирокини давом эттиришади.
1. Гуруҳ ғолиблари Европа лигаси нимчорак финалига чиқади.
2. Гуруҳларда 2-ўринни эгаллаган клублар ЕЧЛ гуруҳ босқичида 3-ўринни банд этган жамоалар билан плей-офф босқичида иштирок этишади. Ушбу ўйинлар ғолиблари Европа лигаси 1/8 финалига чиқади.
3. Гуруҳларда 3-ўринни банд этган жамоалар эса Европа конференциялар лигаси гуруҳ босқичида 2-ўринни эгаллаган жамоа билан плей-офф баҳсларида иштирок этишади. Унда ғолиб чиққан клублар эса ўз иштирокини Конференциялар лигаси нимчорак финал босқичида давом эттиришади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
