Сайтимизнинг иш бошлаганига эндигина бир ярим ойдан кўпроқ вақт бўлган бўлса-да, кундан-кунга мухлислар оқими кўпаймоқда. Бу ҳолни камтарона меҳнатларимизга ўзбек футбол ишқибозлари томонидан берилган эътибор ўлароқ баҳолаймиз, албатта.
Мухлисларнинг футболимиз бўлган қизиқишларини рағбатлантириш, миллий чемпионатимиз, умуман, футболимизга бўлган муносабатларини шакллантириш мақсадида «Стадион» газетаси таҳририяти янги лойиҳалар устида иш олиб бормоқда.
Лойиҳаларнинг биринчиси «Фентези Футбол» деб аталади. Унинг қисқача мазмун-моҳияти шундан иборатки, мухлисларга Олий лигамизда қатнашаётган 14 та клуб таркиблари ичидан 15 футболчидан иборат юлдузли таркиб (1 та жамоадан кўпи билан 3 та футболчи олинади) териш тавсия этилади.
Улар терган таркибдаги футболчиларга белгиланган турда ҳақиқий футбол майдонидаги хатти-ҳаракатларига кўра баллар бериб борилади. Масалан, гол урган ва ассистентлик қилган (пенальти ишлаган) футболчиларга, пенальтини қайтарган дарвозабонга балл берилса, сариқ ёки қизил карточка олган ўйинчилардан балл айрилади. Шунингдек, ўз дарвозаси дахлсизлигини сақлаган дарвозабон, ҳимочилар ва ярим ҳимоячиларга қўшимча баллар тақдим этилади. Таркибда исталган футболчи сардор сифатида танланиши мумкин, бу ҳолда ўша футболчи тўплаган балл 2 га кўпайтирилади.
«Футбол башорати» лойиҳаси эса миллий чемпионатимизнинг ҳар бир тури олдидан ўтказилади. Тўғри топилган ҳисобга 3 очко, тўплар фарқига 2 очко, ютган жамоани топганга 1 очко берилади. Яна битта янгилик: сиз ўзингиз учун муҳим дея битта учрашувни белгилаб олишингиз мумкин. Шу ўйин натижасига кўра тўплаган очколарингиз 2 га кўпайтирилади.
Сайтда рўйхатдан ўтган фойдаланувчиларга «Фентези Футбол» ва «Футбол башорати» лойиҳаларида ҳам хос лига (жадвал) тузиш имконияти тақдим этилади: умумий рўйхатдан ташқари, регистрация жараёнида сиз ўзингизнинг севимли жамоангизни (буниси мажбурий) танлайсиз. Масалан, «Динамо» (Самарқанд)ни танласангиз динамочиларга мухлислик қилаётган фойдаланувчилар учун алоҳида жадвал тузиб чиқарилади.
Устига устак, ҳар бир фойдаланувчи ўзининг битта шахсий лигасини тузиши ва яна бошқа юзер (дўстингиз) томонидан тузилган бирор лигада қатнашиш имкониятига эга бўлади. Яъниким, чемпионатнинг 1-туридан кечиккан фойдаланувчилар исталган турдан ўз лигаларини тузиб олиб, қатнашаверишлари мумкин бўлади.
Дарвоқе, айни кунларда сайтимизда хизмат кўрсатмаётган онлайн ҳисоблар, анонс, тақвим ва турнир жадвалларининг барчаси ана шу лойиҳалар билан чамбарчас боғлиқ бўлади ва улар ҳамжиҳатликда фаолият кўрсатади.
Ҳозирча «Фентези Фунтбол» ва «Футбол башорати» фақат Ўзбекистон Олий лигаси учунгина хизмат кўрсатиб туради. Ёз ойларидан Англия, Испания, Италия ва Россия чемпионатлари, ЕЧЛ учун ҳам ясалган вариантлари тақдим этилади.
Умумий рўйхатда ғолиб чиққанлар, албатта, «Стадион» газетаси томонидан рағбатлантирилади ва эсдалик совғалари топширилади. Шунингдек, «Стадион» газетасига 1 йил бепул обуна қилдирилади.
«Фентези Футбол»нинг мобил версияда қилишнинг техник имконияти йўқ, «Футбол башорати» лойиҳаси эса мобил версияда ҳам тақдим этилади.
Учинчи лойиҳага «StadiOnline» номи берилган бўлиб, бу лойиҳада куннинг исталган қисмида (вазиятга қараб) маълум бир вақт ичида мухлислар ва сайт администраторлари жонли мулоқотга киришишади.
«StadiOnline» лойиҳаси ҳар куни маълум бир вақтда камида 3 соат мобайнида ўтказилади ва кун давомида ёки ўша кунларда долзарб бўлиб турган турли мавзулар ўртага ташланади ҳамда 3 нафар журналист томонидан бошқариб боради. Бу лойиҳага футболимизда меҳнат қилаётган турли меҳмонлар чақирилиши ҳам мумкин.
Бу лойиҳа ҳам мобил версияда ҳам тақдим этилади. Мухлислар билан ўзига хос мулоқот ва мунозара шаклида ўтадиган ушбу лойиҳа барчага манзур бўлади, деган умиддамиз.
ТАҲРИРИЯТ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
