Роналду трансферлар ойнасининг сўнгги кунларида ҳамманинг диққат эътибори Мессида бўлишини хоҳламади.
Криштиану Манчестерга қайтди, “Сити”га эмас, “Юнайтед”га
Ажабланарлиси ва ҳатто баъзи шов-шувларга сабаб бўлган бир жиҳат борки, сўнгги бир неча кун ичида Криштиану Роналдунинг “Сити”га ўтишини кенг муҳокама қилдик. Кўпчилик мухлислар уни “сотқин”, дейишни ҳам бошлаб юборган эди (албатта, “Юнайтед” мухлислари). Португалиялик футболчи “Ювентус”даги шериклари билан хайрлашган пайтда ҳам унинг “Сити”га кетаётганига ҳеч кимда шубҳа йўқ эди.
Барчаси табиий жараёндек кетаётганди. Агуэро жамоадан кетган ва Кейн томонидан рад жавоби берилган Гвардиолага ҳужумчи керак эди. “Ювентус”дан ҳафсаласи пир бўлган Криштиану амбицияларга эга ва Чемпионлар лигасида ғолиб бўлишни кўзлаган лойиҳани танлаши кутилди. “Cити” учун эса унинг маошини тўлаш муаммо эмасди. Манчестернинг кўк томонига ўтиш унга қандайдир ноқулайликлар келтириб чиқариши мумкин эди.
Кўриниб турибдики, Криштианунинг агенти сўнгги сонияларда Вудворд билан келишувга эришган. Бу эса бутун дунё футбол мухлислари ҳайратига сабаб бўлди. Мендешга қарсаклар.
Шартноманинг молиявий томони
“Ювентус” буни тан олишни истамади, лекин Роналдуни ушлаб туриш учун йилига 60 миллион евро (маош + солиқлар) Италия клуби учун оғирлик қилаётганди. Барча нарсани жамоа манфаати учун ишлашга мажбур қиладиган Аллегрининг мураббийлик ўриндиғига қайтиши билан, таркибда бундай катта маош билан ажралиб турадиган футболчининг борлиги низоли вазиятларни келтириб чиқарарди. Италияда ҳатто Аллегрининг режаларига тушмай қолган Криштиану захирада ўтириши мумкин, деган фикрлар ҳам пайдо бўла бошлади. Бу эса “Ювентус” учун ҳақиқий фалокат бўларди.
Шундай қилиб, туринликлар Роналдуни “Манчестер Юнайтед”дан 15 миллион евро оладиган бўлди. Яна 8 млн бонус сифатида тақдим этилиши кўзда тутилган. Криштиану шу вазиятда ҳам рекорд қайд этди. 35+ ёшдаги футболчилар ичида тарихдаги энг қиммат ўйинчига айланди. Одатда бу ёшдаги футболчилар эркин агент мақомида ўз клубларини ўзгартирадилар. КриРонинг “Манчестер Юнайтед” билан шартномаси икки йилга мўлжалланган бўлиб, йиллик маоши 25 миллион фунт (29 миллион евро), деярли “Ювентус”даги каби.
Мессининг ПСЖга ўтиши Роналдунинг кетишига таъсир қилдими?
Балки шундай бўлгандир, лекин бундан ҳам муҳимроқ сабаблар бор эди: “Ювентус”нинг трансфер бозоридаги пассивлиги ва Аллегри билан муносабатлар. Роналду май ойида Туринни тарк этишга уриниб кўрди, кейин бир муддат қарори ўзгарди. Лекин у ўз атрофида Чемпионлар лигасида рақобат қиладиган жамоани кўрмади ва “қочиш” тугмасини босди. Роналду яна ўзини клубдан устун эканлигини кўрсатди. Ўзи хоҳлаган вақтда ва хоҳлаган жойига кетди. Худди шундай шароитда у “Манчестер Юнайтед”ни, кейин эса “Реал” ва “Ювентус”ни тарк этди.
Балки ўзининг карьерасида кескин бурилиш ясаб, миллионлаб “like”ларни тўплаган рақобатдоши Лионель Месси уни “Ювентус”дан “қочиш”га ундаган бўлиши ҳам мумкин. Аргентиналик футболчи ПСЖга ўтганидан кейин бутун футбол оммаси унга эътиборни қаратди, у барча ОАВларда бош мавзуга айланди. Роналду эса буни бир четда кузатиб ўтириши мумкин эмасди. Криштиану “Cити”га ўтганида бунчалик шов-шувга сабаб бўлмаслигини тушунган ҳолда “Олд Траффорд”га қайтишни афзал билди.
Кўриниб турибдики, “Манчестер Сити” бу ҳикояда Роналду иккита вариантдан тўғрисини қандай танлаганини кўрсатиш PR учун керак эди. Аммо бу шартнома имзоланишида Роналдунинг футболдаги отаси Сер Алекс Фергюсоннинг ҳам ўрни борлигини унатмаслик керак.
Роналду ва Премьер-лига
Ҳеч кимга сир эмаски, А Серияда кўпроқ ёши катта футболчилар ҳаракат қилишади. Роналду ва Лукаку Италияда ўйнаганларида ҳеч бир интервьюсида А Серияда ҳимоячиларга қарши ўйнаш АПЛдагига қараганда қийинроқ эканлигини айтишмаган.
Англияда футбол шиддатлироқ, лекин ҳужумкор ўйинчилар ҳар доим бундай муҳитда кўпроқ вазиятларга эга бўлади, айниқса Роналду каби вазиятларни кутиб турувчи футболчилар.
“Олд Траффорд”га қайтиш футболчининг олдига янги марралар қўйишга туртки беради. У ўзининг ёшлигини эслайди. Роналду “Юнайтед”га қайтиб яхши қарор қабул қилди, ҳеч кимга хиёнат қилмади ва 36 ёшида дунёнинг энг кучли ва энг қийин лигасида ўйнашга ўзида куч топди. Ва бу ҳурматга лойиқдир. Келинг, у ўзи ўйлаганчалик яхши спорт формасидами ёки йўқми олдинда турган мавсумга қараб баҳо берамиз. Албатта, Криштиану ҳеч бир мухлисини хафа қилмасликка ҳаракат қилади.
Руслан Максимов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
