Тома Лемарнинг сўнгги дақиқада киритган голи Ла-лига тарихидан жой олди
Мадриднинг "Атлетико" клуби яримҳимоячиси Тома Лемар "Эспаньол"га қарши 4-тур доирасидаги учрашувда рақиб дарвозасига ғалаба голини киритди. Мазкур гол Ла-лига тарихидаги сўнги дақиқаларда киритилган ғалаба голи сифатида тарихдан жой олди, деб ёзди журналист Алексис Мартин-Тамайо твиттердаги саҳифасида.
Ғалаба тўпи 98:55 дақиқада киритилди. "Атлетико" эса сафардан 2:1 ҳисобидаги иродали ғалабага эришди. Лемарднинг бу голи 2019/2020 йилги мавсумда "Хетафе"га қарши учрашувнинг 98:41 дақиқасида "Леванте" ҳимоячиси Кокенинг рекордини ортда қолдирди.
Испания чемпионатининг янги мавсумида Лемар 4 та ўйин ўтказиб, битта гол урди ва битта голли узатмани амалга оширди.
Франциялик яримҳимоячи 2018 йилдан буён "Атлетико"да ўйнайди, у "матрасчилар" сафига "Монако"дан 72 миллион еврога кўчиб ўтган.
Киритилди: 21:33, 12.09.2021. Ўқилди: 4015 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар