Бугун Чемпионлар Лигасининг асосий фаворитларидан бири ПСЖ клуби Бельгияда «Брюгге» клуби меҳмони бўлади ва жорий мавсум мусобақадаги илк учрашувини ўтказади.
Олдинги учрашувлар
Жамоалар шу пайтга қадар ўзаро икки бор тўқнаш келишган. Иккала учрашувда ҳам парижликлар ғалаба қозонишган. Ушбу ўйинлар ҳам гуруҳ босқичига тўғри келган. Бельгияда ўтган биринчи баҳсда 5:0 ҳисоби қайд этилган. Килиан Мбаппенинг хет-трики ҳамда Мауро Икардининг дубли Франция клубига уч очкони тақдим этган. Парижда ўтган баҳсда эса Мауро Икардининг 22-дақиқада киритган голи учрашув тақдирини ҳал қилганди.
Ушбу 6 очко ПСЖга А гуруҳида 16 очко билан биринчи бўлишни таъминлаб берганди. Кейинчалик, жамоа мусобақа финалига қадар етиб борган ва якунда «Бавария»га минимал ҳисобда (0:1) имкониятни бой бериб қўйганди. «Брюгге» эса ўша мавсум 3 очко билан учинчи бўлган ва гуруҳ босқичидан Европа Лигаси 1/16 финал босқичига йўл олганди.
Биласизми?
ПСЖ ЕЧЛда охирги 9 мавсумининг барчасида плей-оффга чиқишга муваффақ бўлган. «Брюгге» эса сўнгги 8 мавсумида гуруҳдан чиқишга уддалай олмаган.
Жорий мавсум А гуруҳидан ўтган мавсум финалчиси - "Манчестер Сити"нинг ҳам жой олиши, охирги иккита мавсум финалчилари гуруҳ босқичидаёқ тўқнаш келишлигини билдиради. Бундан ташқари, сўнгги мавсум кашфиётларидан бири - «Лейпциг» ҳам уларга муносиб қаршилик қилишга ҳаракат қилади.
ПСЖнинг мазкур учрашув учун берган қайдномаси билан танишиб олинг:
Таркибда халқаро ўйинлардан бироз кеч етиб келган Неймар ва Лео Месси ҳам бор. Идрисса Гее ҳамда Анхель Ди Мария дисквалификация муддатини ўташга мажбур бўлса, Марко Вератти жароҳати боис учрашувни ўтказиб юборади.
Тахминий таркиблар
Брюгге - Миньоле, Мата, Мичеле, Нсоки, Соболь, Вормер, Ритс, Ванакен, Ланг, Сова,Кетелаэре
ПСЖ - Доннарумма, Ҳакими, Маркинёс, Кимпембе, Диалло, Эррера, Паредес, Вейналдум, Месси, Мбаппе, Неймар
Йўқотишлар
Бельгияликлар таркибида Баланта ва Изкидерода жароҳат мавжуд,Уэслининг жисмоний ҳолати эса ўйинга тайёр эмас.
Парижликлар сафида юқорида айтиб ўтилганидек, Анхель Ди Мария ва Идриссе Гее (дисквалификация), Серхио Рамос ҳамда Марко Вератти (жароҳат), шунингдек Лейвин Кюрзава ҳам жароҳати боис баҳсда қатнаша олишмайди.
Рақамлар
«Брюгге»нинг Чемпионлар Лигасидаги охирги 7 учрашувидан олтитасида 2,5 тадан кўпроқ гол киритилган.
ПСЖ сўнгги 3 учрашувида фақат мағлубиятга учради (Чемпионлар Лигаси).
Баҳс расмийлари
Бош ҳакам: Сандро Шарер (Швейцария)
Қанот ҳакамлари: Стефан де Алмеида, Беким Зогаж (Швейцария)
Захира ҳаками: Федайи Сан (Швейцария)
ВАР: Массимилиано Иррати (Италия)
ВАР ёрдамчиси: Стюарт Атуэлл (Англия)
Эслатиб ўтамиз, «Брюгге» - ПСЖ учрашуви бугун Тошкент вақти билан 00:00да бошланиши режалаштирилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
