Кеча Европа лигасининг илк гуруҳ баҳслари ўтказилди. Унда бир қатор кучли рақиблар ўртасида тўқнашувлар бўлиб ўтди.Янги мавсумда кўплаб топ жамоалар иккинчи ўринда турувчи турнирда қатнашишга мажбур бўлмоқда. Англиянинг «Лестер Сити» ҳамда Италиянинг «Наполи» клублари ана шундай савияли клублар саналади. Ушбу рақиблар ЕЛнинг «C» гуруҳидан жой олган бўлиб, улар биринчи турни бир-бирига қарши ўтказди.
«Лестер» ва «Наполи» кечаги «King Power»даги тўқнашувда очко бўлишди. Аммо у ерда битта ҳақиқий ғолиб бор эди. Неаполликларнинг 22 ёшли нигериялик ҳужумчиси Виктор Осимхен кечаги баҳсда «Лестер»нинг ғалабага бўлган ишончини, кейинчалик, баҳс сўнгида умидини бутунлай парчалаб ташлади. 2-2 ҳисобидаги жанговар дуранг билан якунланган баҳсда «Лестер Сити» сафида Аёзе Перез ҳамда Харви Барнснинг голларига 20 дақиқа ичида итальянларнинг Осимхен исмли футболчиси жавоб қайтарди. Бренден Рожерс шогирдлари ўз уйида Перез ва Барнснинг икки таймда биттадан урган голлари эвазига 2-0 ҳисобида олдинда бораётган эди. Шунга қарамасдан, италияликлар Европа лигасида ўз фаворитлигини исбот эта олди. Улар 2 тўп фарқини ҳужумчи Викторнинг дубли билан йўққа чиқарди. «Тулкилар» сафида Уилфрид Ндидининг қўшиб берилган дақиқаларда икки сариқ карточка олиб, четлатилгани эса мезбонлар учун худди «ўлганни устига тепган» бўлди. Виктор Осимхеннинг голлари мезбон мухлисларини «Қирол қудрати» деб ном олган ўйингоҳни хомуш ҳолда тарк этишга мажбур қилди.
Шубҳасиз, ушбу баҳс Чемпионлар лигаси даражасида ўтказилди. Аммо унинг номи ва мадҳияси ўзга эди. Ўйин «Наполи»нинг катта устунлиги остида ўтди. Бутун учрашув давомида италияликларнинг дарвоза томон 22 маротаба зарба берганлиги буни яққол исботлайди. Бу борада мезбонларда атиги умумий 7 та зарба бор эди, холос.
Ўйиндаги дастлабки гол жуда эрта, 9-дақиқада Аёзе Перез томонидан амалга оширилди. Бу испанияликнинг Еврокубоклардаги дастлабки, «Лестер» сафидаги 15 та ўйинда урилган биринчи голи бўлди. Иҳяначонинг узатмаси Ҳарви Барнс томонидан 67-дақиқада голга айлантирилди. Орада «тулкилар»нинг Патсон Дака исмли футболчиси ҳам гол урган эди, бироқ VAR текшируви бу вазиятда офсайд қайд этди.
«Наполи» сафида Осимхеннинг иккита голи юқорида айтилганидек, ҳисобни 2-2 кўринишига келишига сабаб бўлди.
Ўйиннинг умумий статистикаси:
«Лестер» - «Наполи».
Ҳисоб: 2-2 (Перез, 9ʼ, Барнс, 67ʼ; Осимхен 69ʼ, 87ʼ);
Тўпга эгалик қилиш: 45% - 55%;
Дарвоза томон зарбалар: 7 - 22;
Аниқ зарбалар: 5 - 7;
Фоллар: 14 - 7;
Сариқ карточкалар: 3 - 2;
Қизил карточкалар: 1 - 0(Ндиди, 93ʼ).
Жалолиддин ИСМАТОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
