«Реал» нега Ашраф Ҳакимийдан воз кечган, бу катта хатолардан бири бўлди, деган фикрларни кўп эшитаман ва қўшилмайман. Мадридда Ҳакимий рақобатда Карвахалдан ютқазарди, барибир.
Гап бу ерда Карвахал Ҳакимийдан кучли эканида эмас. Бошқача эканида.
Ҳар қандай жамоага қарасангиз қанот ҳимоячилари ўзига яраша мувозанат билан танланишига гувоҳи бўламиз. Одатда, улардан бири тажовузкор, олдинга кўп чиқади, иккинчиси эса, кўпроқ позицияни ушлайди, умумий схемага амал қилади ва керак бўлганда, ортдаги уч ҳимоячидан бирига айланади. Фаол қанотдан кўпроқ жарима майдонига ёриб кириш кузатилса, қарши қанотдаги ҳимоячи кўпроқ кросслар амалга оширади.
Қанот ҳимоячиларининг характери ҳатто вингерлар танлашда ҳам рол ўйнайди. Масалан, фаол ҳимоячи билан тескари иш-оёқли, яъни чап томонда ўнг оёқда ўйнайдиган вингерлар танланади. Чунки улар кўп ҳолларда марказга ўтиб, ҳимоячига кириш коридорлари очадилар. Нариги қанотда эса, майдон охиригача тўпни олиб бориб, пас берадиган классик вингерлар танланади. «Реал»да ҳам Марсело билан Роналду, кейин Азар танланган бўлса, Карвахал қанотида Ди Мария, Бэйл каби футболчилар тўп сурган.
«Реал» Марсело (Роналду учун) туфайли, ҳужумкор томон сифатида чапни танлаган. Карвахал эса, ўша мувозанатни сақлаш учун идеал ҳимоячи эди. Ҳакимийнинг ҳужумдаги фаоллиги учун танлаш таркибда мувозанатни издан чиқариши мумкин эди. Тўғри, Карвахал жароҳатлар олди, Марсело ҳам, ҳатто Васкес ҳимоячига айланиб кетди, лекин идеалда барибир «Реал»да ўнг қанот ҳимоячиси - Карвахал.
«Реал» ёш эътибори билан айнан Марселони алмаштиришга эҳтиёж ҳис этган. Чап қанотда Регилон, Менди каби тажовузкор футболчиларни синаб кўраётганди. Бундай пайтда ўнг қанотда барқарорлик муҳим, у ерда ҳам Ҳакимий билан экспериментлар қилиш ҳолатни қийинлаштирарди. Чап қанотга интеграция бўлаётган янги футболчи учун нариги қанотдаги ҳимоячи жуда муҳим. Ҳакимий ва Карвахал бир-бирига ўхшамайдиган футболчилар. Табиийки, улардан қайси бири майдонга тушишига қараб, талаблар ўзгаради.
Ашраф Ҳакимий уч марказий ҳимоячили «Интер», бу ҳақида ўйлаш эҳтиёжи бўлмаган «ПСЖ» ёки Бундеслигадаги «Боруссия»га идеал тушиши мумкин, лекин «Реал» чап қанотни алмаштираётганда, Карвахал ўз ўрнида бўлиши талаб этилган.
Қаҳрамон АСЛАНОВ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
