АҚШнинг Лас-Вегас шаҳрида Тошкент вақти билан 10 октябрь тонгида оғир вазн тоифасида WBC камари соҳиби Тайсон Фьюри (32-0-1, 21 КО) ва собиқ жаҳон чемпиони Деонтей Уайлдер (42-2-1, 41 КО) ўртасидаги жанг бўлиб ўтди.
Қизиқарли ўтган жанг 11 раунд давом этди ва чемпионлик раундида Фьюри рақибини нокаутга учратди.
Дастлабки раундлар Уайлдернинг фаоллиги остида ўтди, бироқ 3-раундда Деонтей кучли зарба ўтказиб юборди ва нокдаун ҳолатига тушди. 4-раундда эса Тайсон Фьюри икки марта нокдаун ҳолатига тушди ва бонг «лўлилар қироли»ни мағлубиятдан қутулиб қолди.
Кейинги икки раунд нисбатан тенг курашлар остида ўтди. 7-раунддан бошлаб устунлик мутлақ Фьюри томонига ўтди. 10-раундда Фьюри рақибини яна бир бор нокдаун ҳолатига туширди. 11-раундда эса Уайлдер навбатдаги кучли зарбадан кейин ўзига кела олмади ва нокаут қайд этилди.
Шу тариқа, Фьюри мазкур қарама-қаршиликнинг учинчини жангини ҳам ўз фойдасига ҳал қилди. Дастлабки жангда (2018 йил) дуранг қайд этилган бўлса, 2020 йилги реваншда Фьюри техник нокаут эвазига ғалаба қозонган.
Матнда хатолик топсангиз, ўша хатони белгилаб, бизга жўнатинг (Ctrl + Enter).