Валижон Раҳимов: «Реал» ва «Барселона» тўқнашганда уйимизда ҳам «эл-класико» муҳити руй беради»
Айни пайтда Ўзбекистон миллий жамоаси сафида Иорланияда ўтаётган йиғинда қатнашаётган иқтидорли дарвозабонимиз Валижон Раҳимов билан уюштирилган суҳбатни эътиборингизга тақдим қиламиз.
— Валижон, Иорданияда ўтаётган йиғин таассуротлари қандай?
— Катанец бошқарувидаги иккинчи йиғин кўтаринки руҳда ўтмоқда. Иорданияда ўтаётган йиғинда мураббийлар асосан терма жамоанинг ўйин услуби қандай бўлишини тушунтиришга ҳаракат қилиб назарий ва амалий машғулотлар ўтишмоқда.
— Катанец кўпроқ нималарга эътибор қаратмоқда?
— Катанец биринчи навбатда майдонда ҳам ва унинг ташқарисида ҳам тартиб-интизом бўлиши кераклигини талаб қилмоқда. Ўртоқлик ўйинларига жиддий қараб, миллий жамоада ҳар бир баҳсга охирги ўйинга тушгандек ҳаракат қилишни талаб қилмоқда. Машғулотларда барча футболчилар аъло кайфиятда чин дилдин шуғулланишмоқда.
— Хонадошингиз ким?
— Элдорбек Суюнов.
— Машғулотлардан бўш вақтни қандай ўтказяпсиз?
— Очиғи, деярли бўш вақт йўқ. Эрталаб назарий машғулот бўлса, тушдан сўнг амалий машғулотга кетамиз. Машғулотдан қайтгач эса тикланиш жараёнлари билан банд бўламиз.
— Валижон Раҳимов талқини бўйича айни пайтда энг кучли 3 нафар дарвозабонлар кимлар?
— Фикримча, Нойер, Алиссон ва Облак.
— Мухлисларни қизиқтирадиган савол: Валижон қайси жамоага мухлислик қилади?
— Ёшлигимдан «Реал» жамоасига мухлисман. Отам эса «Барселона» мухлиси. Бу икки жамоа тўқнаш келганда бизнинг хонадонда ҳам Испанияда қолишмаган ҳолда «Эл класико» муҳити руй беради.
— АГМК жамоасидаги энг қувноқ футболчи ким?
— Мирғиёс Сулаймонов ва Санжар Шоаҳмедов.
— Бўлажак ўйинларда омад ва сизнинг миллий терма жамоа сафидаги дебютингизни кутиб қоламиз. Муҳими, жароҳатларсиз АГМК жамоаси ихтиёрига саломат ҳолда қайтишнигизни тилаб қоламиз.
— Шу фурсатдан фойдаланиб АГМК жамоаси аҳил оиласига салом йўллаб қоламан.
АГМК жамоаси матбуот хизмати
Манба: https://t.me/pfcagmk
Киритилди: 21:09, 10.10.2021. Ўқилди: 5045 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
