Якшанба оқшомида "Ньюкасл" ўз майдонида Лондоннинг "Тоттенхэм" жамоасини қабул қилди. Ушбу баҳс мезбонларнинг янги эгалар қўлига ўтгач, дастлабкиси бўлди. Ўйин олдидан стадион саудияликларни олқишлаган ва алқаган мухлислар билан байрам атмосферасида эди. Умуман олганда, учрашув старти Брюс жамоаси учун яхши бошланди. Мезбонлар иккинчи дақиқадаёқ Каллум Уилсоннинг ҳаракати эвазига олдинга ўтиб олишди. Шунга қарамай, "қарғалар"нинг устунлиги узоққа чўзилмади. Лондонликлар сафида Тангуй Ндомбеле, Ҳарри Кейн ва Сон Ҳён-Минларнинг голи танаффусдан илгарироқ "Ньюкасл"нинг енгилганини англатарди.
Ўйин шу зайлда давом этди ва учрашув сўнгида Эрик Дайернинг автоголи ҳисоб қисқаришига сабаб бўлди. Бу гол баҳс сўнгида "Ньюкасл"га умид бергандек эди. Майдонга Жонжо Шелви туширилди ва яхши имкониятни кўкка совурди. Бу эса ньюкаслликларни бир очкодан маҳрум қилди. Ушбу ўйин сўнгигача стадион кузатувчилари Стив Брюснинг истеъфосини талаб қилиб, еътироз билдириб туришди. "Ньюкасл" устози эса бу ҳайқириқларни эшитиш ва қабул қилиш осон бўлмаганини тан олди. У ўйиндан кейинги матбуот анжуманида шундай фикрлар билдирди:
"Бу осон бўлмади. Мен мухлислардан қандай ҳислар ўтаётганини ва уларнинг умидсизликка тушганини яхши тушунаман. Бу ҳолатни узоқ давом этганини ҳам. Шу билан бирга тан олиш керак, мавсум бошидан бери биз ўзимизга керакли бўлган очколарни тўплай олмаяпмиз. Шу сабаб, исталган мураббийда ғалабалар бўлмаса, улар етарлича бўлмаса, натижа учун жавобгарликни ўз бўйнига олишга мажбур бўлади".
Стив Брюсга "Сеинт-Жеймс Парк"даги келажаги ҳақида савол берилганда, қуйидагича жавоб беради: "Сиз буни мендан эмас, бошқалардан сўрашингиз керак. Мен эса яхшироқ имкониятларга эга бўлганимда, балки ҳозиргидай аҳволга тушмаган бўлардик. Мен бу билан ўзимни оқламоқчи эмасман, бунга ҳаққим ҳам йўқ. Зеро, бизнинг ҳозирги ўрнимиз жадвалнинг пастида ва бу - реаллик".
Учрашувнинг биринчи бўлимида мухлислар ичида тиббий ёрдамга муҳтож одам пайдо бўлди. Бу ўйиннинг бироз тўхталишига олиб келди. Яхшиямки, беморнинг аҳволи тезда барқарорлашди. Уни ҳозирда шифохонада даволанаётгани айтилган. Ушбу ҳолатда "шпорлар" футболчиси Серхио Регилон ҳамда Эрик Дайерлар жонбозлик кўрсатишди. Улар воқеа ҳақида ўйин ҳаками ва тиббий штабни тезда хабардор қилишди. Бу ҳолат ҳақида Стив Брюс ҳам ўз интервьюсида тўхталиб ўтди ва бунда қатнашган ҳамманинг инсоний фазилатларини юқори баҳолади: "Бунда ҳамма : футболчилар, тиббиёт ҳодимлари, докторлар яхши ишлашди. Бундай ҳодисалар футболни келажагини янада равшанлаштиради. Бахтимизга майдон четида ҳар эҳтимолга қарши дефибрилятор бор экан. Шу орқали докторлар инсон ҳаётини сақлаб қолишди. Биз бу воқеадан таъсирландик. Мен мухлислардан бирининг ҳаёти қутқарилганидан бахтиёрман. У билан ҳаммаси жойида бўлади деб умид қиламан. Унинг оиласига эса омад тилайман ва умид қиламанки, бемор тезда соғайиб кетади".
Ҳа, ўйин мана шундай драматик воқеаларга бой кечди. Аммо якунда ҳаммаси меҳмонлар фойдасига ҳал бўлди. Дунёдаги энг бой клуб эса яна бир бор мағлубият аламини таътиб кўришга мажбур қилинди. Стив Брюснинг вазияти ҳам янада оғирлашди. Эндиликда унга қаттиқ босимлар бўлади. Аммо янги раҳбатият ҳам ҳаммасини билиб турибди. Вазиятдан англашиладики, барчаси фақат мураббий омилига боғлиқ эмас. Клуб таркибини ўзгартириш, кучайтириш керак. Бу жамоа ўзгаришга муҳтож бўлиб турибди. Янги раҳбариятнинг мақсади ҳам аслида шу.
инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Хоразм
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
