"МЮ"га янги юлдузлар келиб қўшилгач, ҳаммаси ўзгариши кутилганди. Охирги баҳсда "Лестер"га мағлуб бўлиниши эса Сульшерга босимларни янада кучайтириб юборди. Ҳозирги вақтда жамоа кийиниш хонасида муҳит унчалик ҳам яхши дея олмаймиз. Буни қуйидаги воқеада ҳам кўришимиз мумкин. Оле-Гунар Сульшер "тулкилар"га мағлубиятдан кейин жамоа футболчилари билан "King Power" стадиони кийиниш хонасида нақ 45 дақиқа суҳбат қурган. Унда нималар дейилгани эса ҳали очиқлангани йўқ. Лекин бир нарса аниқ: чемпионликка даъвогар сифатида кўрилаётган клуб саккизта турдан кейин ҳозирда биринчи ўриндаги "Челси"дан 5 очкога ортда қолмоқда. Манкунянликлар 14 очко билан турнир жадвалининг 6 ўрнидан жой олиб турибди.
Европа матбуотида тарқалган хабарларда норвегиялик мутахассис клуб ёзда сифатли ярим ҳимоячи сотиб олмаганидан хафсаласи пир бўлгани айтилади. Шу зайлда жамоа мухлисларида умидсизлик ва бетоқатлик тобора ортиб бормоқда. Унинг истеъфоси билан боғлиқ фикрлар кўпайиб қолди. Аммо раҳбарият Олега ишонишда давом этмоқда. "МЮ" кийиниш хонасида эса футболчиларда ишончсизлик кучайган. Бунинг оқибатида мавсумнинг муҳим палласида жамоа пастга тушиб кетиши ва инқироз келиб чиқиши мумкин. Сульшер сўнгги еттита ўйиндан тўрттасида мағлуб бўлди. Энг аламлиси эса "Лестер"га. Агар мана шу баҳс ғалаба билан якунланганда ҳаммаси жойида бўларди, аммо ундай бўлмади. "The Times" газетасида таъкидланишича, клуб футболчилари орасида муносабатлар мураккаб ва бу кийиниш хонасида яққол намоён бўлмоқда.
Шунга қарамай, раҳбарият фикри бўйича жамоа тўғри йўлда. Сульшер иши узоқ муддатлик лойиҳа сифатида кўрилган. Бунда тез орада АПЛ ғолиблигини кўзланиши ҳам айтиб ўтилган. Аммо бундан буён на Сульшерга ва на жамоа футболчиларига осон бўлади. Негаки, улар 3 та тур давомида мумкин бўлган 9 очкодан атиги 1 очкогина тўплай олди, холос. Аксига олиб, тақвим ҳам ўта мураккаблашиб кетди. Хусусан, жамоа келаётган бешта баҳсда "Аталанта"дан ташқари "Манчестер Сити", "Тоттенхэм" ҳамда "Ливерпуль" билан куч синашишига тўғри келади. Машҳур футболчи, "Астон Вилла" клуби афсоналаридан бири Габриель Агбонлахор фикрича, Сульшер тез орада ишдан бўшатилиши ва унинг ўрни Антонио Конте билан тўлдирилиши лозим.
У бу ҳақида "talkSPORT" радиосига шундай дейди: "Оле-Гунар Сульшер "МЮ" учун Англия чемпионлигини олиб бера олмайди. Айниқса, бу йили. Мен бунга ишонмайман. Жамоа уни умумий штабга ўтказиб, ўрнига Контени олиб келиши даркор. Оленинг баъзи қарорлари жамоага умуман мос келмасди. У яхши менежерлик қила олмаяпти. Клуб ундан тезда қутулиши ва Конте билан битим тузиши керак. У юлдузлар билан ишлашни Сульшердан кўра яхши эплайди".
Шундай фикрлар янграши, босимлар, негативлар ва умидсизликлардан кейин ҳам Сульшер истеъфоси эҳтимоли унчалик ҳам юқори эмас. Хусусан, у АПЛнинг 20 та жамоаси мураббийларидан кетиши кутилаётганлар орасида 4 ўринда турибди.
инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
