2012 йилда Мюнхенда бўлиб ўтган Чемпионлар лигаси финали турнир тарихидаги энг эсда қоларли учрашувлардан бирига айланди. «Бавария» бутун қуръа фаворити бўлди. Немислар финал ўйинини ўз уй стадиони «Альянс Арена»да ўтказишди, аммо «Челси» якунда драматик кечган пенальтилар сериясида мюнхенликларни мағлуб этиб, УЕФА Чемпионлар лигаси кубогини «Бавария»дан тортиб олди.
Орадан 9 йил ўтди. Бироқ, ушбу баҳс ҳамон мухлислар ёдида. Шу сабабли, «Stadion.uz» нашри Мюнхен финалида иштирок этган футболчиларнинг кейинги тақдири ҳақида ҳикоя қилади.
«Бавария» — «Челси»
Мураббий
Ўша пайтда «Бавария»ни таниқли мутахассис Юпп Хайнкес бошқарар эди. Кейинги йили немис мутахассиси Чемпионлар лигаси финалида Дортмунднинг «Боруссия» клубини мағлуб этиб, ўз мақсадига эришди. Хайнкес 2018 йилда мураббийлик фаолиятини якунлаган. Ҳозир у 75 ёшда.
Ҳамон «Бавария»да.
Мюнхен клубида ҳамон «Челси»дан учралган аламли мағлубиятни эслаётган иккита футболчи бор. Мануэль Нойер - «Бавария»нинг ҳозирги сардори. Томас Мюллер - барқарор ўйин кўрсатаётган асосий таркиб футболчиси.
Фаолиятини якунлаган.
Саккиз нафар футболчи аллақачон фаолиятини якунлаган. Улар орасида Мюнхен клубининг Бастиан Швайнштайгер, Арьен Роббен ва Филипп Лам каби афсонавий футболчилари бор. Таниқли ижрочилардан ташқари, Анатолий Тимощук, Ханс Бут, Даниэль ван Бюйтен, Марио ва Ивица Олич ҳам бутсаларини михга илиб қўйишди.
Бошқа жамоаларда.
Бу таркибдан яна етти нафар ижрочи ҳамон профессионал даражада ўйнаяпти, аммо «Бавария»да эмас. Тони Кроос «Реал Мадрид» етакчиларидан бири. 36 ёшли Франк Рибери А Серия дебютанти «Салернитана» клубини забт этиш учун ҳаракат қилмоқда. Бразилиялик Рафинья ўз ватанига қайтди ва ҳозирда «Гремио» шарафини ҳимоя қилиб келмоқда. Бундан ташқари, Диего Контенто «Фортуна Дюсселдорф» футболчиси ҳисобланади, Нильс Петерсен эса2015 йилдан буён «Фрайбург» аъзоси. 38 ёшли Даниэль Пянич эса Кипр чемпионатини забт этишга йўл олди.
Кўпчилик билади, аммо «Бавария»нинг «Челси»га қарши финал ўйинида япониялик Такаши Усаме ҳам бор эди. Ҳозир у 28 ёшда бўлиб, Япония J лигаси аъзоси «Гамба Осака» клубида ўйнамоқда.
«Челси»
«Челси» бош мураббийсиз Чемпионлар лигасининг тарихий финалида ғалаба қозонди. Март ойида Андре Виллаш-Боаш истефога чиқарилди ва Роберто Ди Маттео мавсум охиригача вақтинчалик бош мураббий лавозимида ишлади. Швейцариялик мутахасси Европани забт эта олишига кимдир ишониши мумкинми? Кейинчалик Ди Маттео «Челси»нинг тўлақонли мураббийига айланди, лекин у бу лавозимда атиги 21 та ўйин ўтказди. 2016 йилдан бери Роберто Ди Маттео ишсиз.
Бу таркибдан саккиз нафар футболчи аллақачон фаолиятини якунлаган: клуб афсоналари Дидье Дрогба ва Петр Чех, шунингдек, Эшли Коул, Босингва, Пауло Феррейра, Флоран Малуда, Фернандо Торрес ва Росс Турнбул ўтган вақт давомида карьерасини тугатди.
Тўққиз нафар футболчи ҳамон профессионал даражада ўйнамоқда. Хуан Мата клубнинг асосий рақиби «Манчестер Юнайтед»га ўтди. Давид Луис ватанига қайтишга қарор қилди ва ҳозирда «Фламенгр»да фаолиятини давом эттирмоқда. Аммо, «Челси» 2019 йилнинг ёзида янги шартнома таклиф қилмагандан сўнг, Гарри Кэйхилл бошқа жамоага ўтди ва ҳозирда «Борнмут» шарафини ҳимоя қилмоқда.
Шунингдек, бошқа футболчилар ҳам фаолиятини турли жамоаларда давом эттирмоқда. Хусусан, Райан Бертран «Лестер», Ореол Ромелу («Саутгемптон»), Саломон Калу («Ботафаго», Бразилия), Жон Оби Микель («Ал-Қувайт») Даниэль Старриж («Перт Глори», Австралия) ҳам ҳамон ўз ўйинлари билан мухлисларни хурсанд этмоқда.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
