Месси: «Барселона» мендан бепул ўйнашни сўрамади»
«ПСЖ» ҳужумчиси Лионель Месси «Барселона» ўзидан бепул ўйнашни сўрамаганини айтиб ўтди.
«Мен жамоада қолиш учун қўлдан келган барча ишни қилдим, аммо мендан бепул ўйнашни сўрашмади. Мендан маошни 50 фоизга камайтиришни сўрашди, мен бунга муаммосиз рози бўлдим. Бундан кейин ҳам жамоага ёрдам беришга тайёр эдим. Мен ва менинг оилам Барселонада қолишни истагандик.
Ҳеч ким мендан бепул ўйнашни сўрамади, аммо Лапорта айтган сўзлар ўринсиз. Унинг сўзлари қалбимга оғир ботди ҳамда одамларда менга нисбатан шубҳа уйғотди. Мен эса бунга лойиқ эмасман», — деди Месси.
Эслатиб ўтамиз, Месси «Барселона»даги молиявий фейр-плей билан боғлиқ муаммолар туфайли клубдан кетишга мажбур бўлди. Аргентиналик футболчининг ўзи фаолиятини "Барса"да якунлаш нияти борлигини бир неча марта таъкидлаган эди.
Манба: sport24.ru
Киритилди: 14:36, 01.11.2021. Ўқилди: 7806 марта. Фикрлар: 16 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар