Бугун Чемпионлар Лигаси гуруҳ босқич 4-тур учрашувлари старт олади. Мазкур баҳслардан кейин 5 жамоа плей-офф йўлланмасини муддатидан олдин ижобий ҳал қилиш имкониятига эга.
Ушбу жамоалар қаторига: «Аякс», «Бавария», «Ливерпуль», «Ювентус» ҳамда Австриянинг «Залцбург» киришади.
Сешанба, 2 ноябрь
E гуруҳи: «Бавария» (9 очко) - «Бенфика» (4), "Динамо Киев" (1) - «Барселона» (3)
«Бавария» ушбу турда «Бенфика»га мағлуб бўлмаса, гуруҳдан чиқиш масаласини ҳал қилади. Мазкур баҳсда мюнхенликлар ғалаба қозонса ҳамда каталонияликлар Украина клубига қарши ўйинда очко йўқотса, Германия гранди гуруҳда биринчи ўринни муддатидан олдин расмийлаштириши мумкин.
"Динамо Киев" Европа Лигаси йўлланмаси учун курашиш имкониятига эга бўлса ҳам, «Барселона» билан ўйинда мағлуб бўлса ҳамда «Бенфика» «Бавария» устидан ғалаба қозонса, улар ЕЧЛ плей-офф йўлланмасидан муддатидан олдин қуруқ қолишади.
F гуруҳи: «Вилярреал» (4 очко) - "Янг Бойс" (3), «Аталанта» (4) - "Манчестер Юнайтед" (6)
Ушбу гуруҳда 4-турдан кейин ҳеч нарса ҳал бўлмайди. Барча жамоаларда имконият сақланиб турибди.
G гуруҳи: «Севилья» (3 очко) - «Лилль» (2), «Волфсбург» (2) - «Залцбург» (7)
Мазкур гуруҳда «Залцбург» «Волфбург» майдонидан ғалаба билан қайтса, плей-офф йўлланмасини муддатидан олдин ҳал қилади.
H гуруҳи: «Ювентус» (9 очко) - «Зенит» (3), «Малмё» (0) - «Челси» (6)
«Ювентус» Россия клубига қарши баҳсда мағлубиятдан қутулиб қолишса, муддатидан олдин нимчорак финал йўлланмасига эга чиқишади.
«Малмё» ўз майдонида лондонликлардан 3 очкони олишни уддалай олмаса, муддатидан олдин плей-офф йўлланмасидан қуруқ қолишади. Аммо, уларда Европа Лигаси йўлланмаси учун имконият сақлаб қолинади.
Чоршанба, 3 ноябрь
A гуруҳи: «Лейпциг» (0) - ПСЖ (7), "Манчестер Сити" (6) - «Брюгге» (4)
«Лейпциг» Париж клубига баҳсда яна мағлубиятга учраса, гуруҳда топ-2 ўрин учун курашиш имкониятидан маҳрум бўлади. Иккинчи ҳолатда Германия клуби ПСЖ билан дуранг ўйнаган тақдирда ва «Сити» «Брюгге»ни таслим қилганда ҳам улар гуруҳдан чиқа олишмайди. Бироқ, Европа Лигаси йўлланмаси учун курашишлари мумкин.
B гуруҳи: «Милан» (0 очко) - «Порту» (4), «Ливерпуль» (9) - «Атлетико» (4)
«Ливерпуль» Мадрид клубини мағлуб этса ёки дуранг ўйнаса ва «Порту» «Милан» устидан ғалаба қозона олмаса, мерсисайдликлар муддатидан олдин кейинги босқичга чиқишади. «Ливерпуль» 4-турдан кейин гуруҳда биринчи ўринни расмийлаштириши мумкин. Бунинг учун, улар дастлаб Диего Симеоне жамоасини мағлуб этишлари ҳамда Португалия клуби Ибраҳимович етакчилигидаги клуби юта олмаслиги керак бўлади.
«Милан» мазкур турдан кейин муддатидан олдин ЕЧЛ плей-офф йўлланмасидан қуруқ қолиши мумкин. Жамоа «Порту»га ютқазиб қўйса ёки дуранг ўйнаса ва «Атлетико» «Энфилд»да ғалаба қозонса Пиоли шогирдлари мусобақани эрта тарк этишгани маълум бўлади.
«Милан» клубини аҳволига ҳавас қилиб бўлмайди. Италия жамоаси мағлубиятга учраса ҳамда «Атлетико» ғалаба қозонган тақдирда улар Европа Лигаси йўлланмаси учун курашиш имкониятидан ҳам қуруқ қолишади.
C гуруҳи: "Боруссия Дортмунд" (6 очко) - «Аякс» (9), «Спортинг» (3) - «Бешиктош» (0)
«Аякс» 4-турда дортмундликларни ютса ёки дуранг ўйнаб, «Спортинг» Туркия клубини мағлуб эта олмаса, муддатидан олдин кейинги босқич масаласини ижобий ҳал қилади. Амстердамликлар ғалаба қозонса ва Португалия жамоаси очко йўқотса, муддатидан олдин гуруҳда биринчи ўринга эга чиқишгани маълум бўлади.
«Бешиктош» клуби мағлубиятга учраса ёки дуранг ўйнаган тақдирда Дортмунд жамоаси «Аякс»дан очко олса, мусобақа туркияликлар учун муддатион олдин тугайди. «Боруссия» мағлуб бўлмаса ҳамда «Бешиктош» имкониятни бой бериб қўйса, Туркия клуби Европа Лигаси учун курашиш имкониятидан ҳам маҳрум бўлишади.
D гуруҳи: «Шерифф» (6 очко) - «Интер», "Реал Мадрид" - «Шахтёр» (1)
«Шахтёр» сафарда «Реал»га имкониятни бой берса ва «Шерифф» «Интер» устидан ғалаба қозонишни уддаласа, донетскликлар гуруҳдан чиқа олишмайди. Аммо, уларда Европа Лигаси учун курашиш имконияти сақлаб қолинади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
