Бунёдкор" бош мураббийи Миржалол Қосимов матбуот анжуманига, дарвозабон Игнатий Нестеров ҳамроҳлигида кириб келди.
"Аввало мухлисларимизни янги мавсум бошланаётганлиги билан табрикламоқчи эдим. Эртaнги ўйинга тўхталадиган бўлсак, биз жиддий рақибга қарши майдонга тушамиз. Ушбу ўйинда мухлисларимизни ҳурсанд қилишга ва илк расмий ўйинимизни ғалаба билан бошлашга ҳаракат қиламиз",- дейди Миржалол Қосимов.
- "Аделаида"нинг сўнгги натижаларига қараб, жамоа аввалгидек ҳолатда эмасдек таассурот қолдираяпти. Уларни сўнгги ўйинларини кузатишга муввафақ бўлдингизми? ОАВ тарқатилган маълумотларда улар, бизнинг айрим футболчиларимиздан хавфсирашиётган экан. Уларнинг ҳам таркибида шундай, етарлича ҳаф туғдириш мумикн бўлган футболчилар борми?
- Албатта. Бу жамоанинг ҳозир Австралия чемпионатида 9-ўринда бораётганлигини эътиборга олмаслик керак. Бу умуман бошқа турнир ва бу турнирга жамоа бошқача тайёргарлик кўрганига шубҳа йўқ. Жамоа ўйинларини кузатдик. Ҳужум чизиғида юқори савияли футболчилар тўп суришига гувоҳ бўлдик. Масалан 9 ва 11 рақамдаги ҳужумчиларнинг ҳаракатлари шахсан менда илиқ таассурот қолдирди. Шунингдек 10 рақамдаги ярим ҳимоячиси ва иккита қанот ҳимоячиларининг ўйинини алоҳида тилга олган бўлар эдим. Қайтариб айтаман, рақиб анча жиддий. Уларнинг ўйинин пухта ўрганиб чиқдик.
- Жамоага янги келиб қўшилган футболчиларнинг аҳволи қандай. Уларни эртага асосий таркибда кўришимиз мумкинми?
- Ҳозирдан бир нарса айта олмайман. Асосий таркибни ўйин арафасида аниқлаймиз. Янги футболчиларнинг майдонга тушиш-тушмасликлари, айнан ўйиндан олдин маълум бўлади. Улар ҳали таркибимизга тўлиқ кета олишмаган бўлсада, бизда яхши таассурот қолдиришмоқда. Карни ҳам Кенжисариев ҳам, Ян Козак ҳам юқори савиядаги футболчилар эканлигига шубҳа йўқ. Улар албатта бизга ёрдам беришларига ишонаман.
-Маълумотларга қараганда, Кенжисариевнинг ҳужжатлари билан боғлиқ муаммо юзага келган экан. Унинг ОЧЛда майдонга тушадиган футболчиларнинг рўйхати орасида учратмадик.
-Йўқ, Кенжисариев рўйхатда бор ва у албатта майдонга тушиши керак. Шунчаки унинг трансфери билан боғлиқ айрим ҳужжатлар ҳали бизга етиб келгани йўқ. Бу масалага бугун нуқта қўйилиши керак. Кутаяпмиз. ОФК унинг ҳужжaтларини текшириб, бизга бугун жўнатиши керак. Бугун бу ишлар ҳал бўладиган бўлса, футболчи албатта ОЧЛда жамоамиз таркибида майдонга тушиши мумкин бўлади.
- Мавсум олдидан таркибга хорижлик ҳужумчилардан бирининг келиб қўшилиши кутилганди. Аммо "Бунёдкор" ҳужумчи сотиб олмади. Ҳозирги таркибдаги ҳужумчиларни жамоа учун етарли деб ҳисобласизми?
- Албатта! Мен четдан ҳужумчи таклиф қилиш ўрнига ўзимизнинг ҳужумчиларга таянишни маъқул кўрдим. Биз бир қатор ҳужумчиларни кузатдик, ўйинларини кўрдик. Тўғрисини айтадиган бўлсам, уларнинг бизнинг ҳужумчилардан ортиқ жойини кўрмадик. Шунинг учун ҳам, таркибимиздаги мавжуд ҳужумчилардан фойдаланишни маъқул, деб ҳисобладик. Баҳодир Пардаев, Анвар Солиев, Камолиддин Мурзоевлардан умидимиз катта. Ўйлайманки, улар бу йилги мавсумда умидимизни оқлайдилар.
Шундан сўнг "Бунёдкор" ҳамда миллий терма жамоамиз дарвозабони Игнатий Нестеров ҳам эртага бўлиб ўтадиган ўйин ҳақида икки оғиз фикр билдириб ўтди.
- Рақибни жуда кучли ва яхши тайёргарликка эга жамоа деб ҳисоблайман. Австралияликлар ҳар қандай ҳолатда, ҳар қандай жамоага жиддий рақиб бўла олади. Биз эратага фақат ғалаба учун майдонга тушамиз ва албатта ғалаба қозонишимизга ишонаман.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
