Ўйиндан кейинги матбуот анжуманига биринчи бўлиб “Бунёдкор” устози ташриф буюрди.
- Кутилмаган стандартдан ўтказиб юборган гол кўп нарсани ўзгартириб юборди. Шогирдларим тезроқ ҳисобни тенглаштириш учун олдинга ўта бошлашди. Шошилишди. Оқибатда тўп оширишларда ҳатолар қилдик. “Аделаида Юнайтед” эса анча интизомли ва тартибли ўйин кўрсатди. Иккинчи бўлимда эса рақиб бор эътиборини ҳимояга қаратиб, қарши ҳужумда пайт пойлади. Биз эса вақт ўтган сари ўйинимизни жонлантириб бордик. Ўйин суръати бўйича ҳаракатларимизда иккинчи бўлимда анча ижобий ўзгаришлар бўлди. Лекин омад биздан очиқчасига юз ўгирди. Австралияликларни ғалаба билан табриклайман. Ҳаёт давом этади, - деб ўз фикрларини бошлади Миржалол Қосимов.
- Эмиль Кенжисариев ўйинга мослаша олмади. Шундай эмасми?
- Унда ҳис-ҳаяжон сезилди. Ҳақиқатдан ҳам Эмилнинг биринчи бўлимдаги ўйини қовушмади. Кенжисариев ёмон ўйинчи эмас. Ҳали мавсум давомида у жамоамиз учун фойда келтиради, деб ўйлайман.
- Марказда ўйинни ўз қўлига оладиган футболчи топилмагандек кўринди...
- Тезкор гол ўтказиб юборганимиз учун шошма-шошарликка йўл қўйдик. Натижада майдон марказида тўп оширишларда кўп бор ҳато қилдик.
- Хайрулла Каримов, Анвар Ғофуров ва Анвар Солиевни бошқа жамоага ижарага бериш пайти келмадими?
- Каримов бугун яхши ўйин кўрсатди. Ғофуровнинг ҳаракатлари ҳам ёмон чиққани йўқ. Бу ўйинчилар ўйин сифати борасида ҳам, жисмоний жиҳатдан ҳам ҳеч кимдан кам эмаслар. Бугунги кунда ким яхшироқ формада бўлса ана ўшалар майдонга туширилди.
- Эмиль Кенжисариевни асосан қанот ўйинчиси деб биламиз. У бугун марказда ўйнади. Ўнг қанотда ўйинни бошлаган Виктор Карпенко эса иккинчи таймда марказга кўчди.
- Футбол – трамвай эмас! Футболчилар майдоннинг турли хил нуқталарида ўйнашлари мумкин.
- Ўтказиб юборилган иккинчи голдан сўнг Анвар Ғофуровга эътироз билдирдингиз. Нега айнан унга?
- Ўша вазиятда жарима зарбасини аввалдан ўйлаб қўйган комбинациямиз асосида бошлашимиз керак эди.
- Сизнингча, бугун “Бунёдкор”нинг ҳимоя чизиғи бўш ўйин кўрсатмадими?
- Агарда иккита гол ўтказиб юбормаганимизда бу савол юзага келмасди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
