10. Аллисон Бекер
Бразилиялик посбон узун ва мураккаб йўлни босиб ўтди. Аммо унинг сўнгги тўрт йилда кўрсатаётган ўйинларини, шунчаки даҳшатли дейиш мумкин. У 2018 йилда «Рома» билан биргаликда ЕЧЛнинг ярим финал босқичигача етиб келади. Энг асосийси эса, чорак финалда «Барселона» комбек эвазига тор-мор этилгани эди. Ўша йилнинг ёзида Клопп уни 75 миллион фунт эвазига сотиб олади. Аллисон бу орқали тарихдаги энг қиммат иккинчи дарвозабонга айланган(Кепа Аррисабалага кейинчалик ундан ўтиб кетди). У «Ливерпуль»га ташрифини биринчи йилида ЕЧЛ, кейингисида эса, АПЛ бош соврини қўлга киритади. Айтганча, у Бразилия билан Копа Америкада ҳам зафар қучган.
9. Петр Чех
Чех Чехиянинг ҳақиқий фахрига айланган футболчилардан бири. Уни ушбу рўйхатга киритмаслик мумкин эмас. Дарвозабон сўнгги ўн йиллик аввалида «Челси» билан ЕЧЛ ғолиби бўлган эди. Ўшанда Чех қўшиб берилган дақиқада рақиб пенальти зарбасини бартараф этади ва жамоасини ғалабага бошлайди. У ўз фаолиятининг сўнгини «Арсенал»да ўтказади. Унинг охирги расмий баҳси Европа Лигаси финалида «Челси»га қарши кечган эди(4-1). Ҳозирда Чех «Челси»да фаолият олиб бормоқда. У жамоаси билан ўн йиллик сўнгида фаолиятидаги иккинчи ЕЧЛ финалида ғолиб чиқди.
8. Икер Касильяс
Испания афсонаси ўн йилликни Моуриньо жамоаси билан бошлаган эди ва лигани «Реал» билан 100 очко тўплаган ҳолда якунлайди. Ўша йили ёзда у Испания термаси билан Европа чемпионатига боради. Касильяс турнирнинг энг яхши дарвозабони бўлган ҳолда, Европа чемпионига айланади. Кейинчалик эса, дарвозабон ва Мауриньо ўртасида келишмовчиликлар келиб чиқади. Бироқ, у Анчелотти билан яна «Реал» етакчиси сифатида Испания кубоги ҳамда Суперкубогини қўлга киритади. Тўғри, Икернинг иккинчи беш йилликдаги фаолияти унчалик ҳам юқори даражада кечмади. У «Порту»да бир неча мавсум ўтказди. Кейин эса, соғлиғидаги мауммолар сабаб, ўтган йили футболдан кетганини эълон қилди.
7. Буффон
Жанлуижи Буффон ўнг йиллик аввалида нафақат Италияда ёки Европада, балки бутун дунёда ҳам юлдуз футболчи эди. У «Ювентус» ҳамда терма жамоада узоқ йиллар барқарор ўйнаб келди. Хусусан, афсонавий футболчи охирги 9 йилда 8 марта Италия чемпионига айланди. Халқаро майдонда эса Испаниянинг ҳамласи сабаб, 2012 йилги Европа ҳамда 2013 йилги Конфедерациялар кубогини бой бериб қўйди. Буффон фаолиятинининг энг сўнгги пайтлари ўзининг қадрдон жамоаси «Парма»да кечди. Ушбу клуб бундан чорак аср аввал Буффон каби дарвозабонни жаҳон футболига тақдим этган эди.
6. Де Хеа
Бельгиялик дарвозабон Куртуани «Атлетико»га келиши, Де Хеани «Манчестер Юнайтед»га кетиши билан боғлиқ эди. Ўша пайтда манкунянликлар устози Фергюсон Де Хеани Ван дер Сарга рақобатчи сифатида Мадриддан олиб келганди. Ҳозирга келиб, ўн йил давомида «қизил иблислар» сафида энг яхши ҳаракат қилиб келаётган футболчи айнан Де Хеа бўлиб қолмоқда. Клуб испаниялик дарвозабонни АПЛдаги энг яхши футболчи сифатида мавсумлар сўнгида бир неча бор тақдирлашган.
5. Тибо Куртуа
Куртуа декадани «Челси»дан «Атлетико»га кўчиш билан бошлади. Симеоне келгунига қадар, дарвозабон унчалик ҳам кўзга кўринмаган эди. Аммо аргентиналик мутахассис келиши биланоқ(3 ойдан кейин) Куртуа жаҳондаги энг яхши дарвозабонлардан бирига айланди. У буни «Челси»га қайтишидан сал илгари, «Бернабео Кубоги»да исботлаб кетади. Куртуа «Челси» сафида Англия чемпионига айланади. У ҳозирда «Реал»нинг энг асосий футболчиси саналади. Тўғри, у 10 йил давомида Бельгия терма жамоасида ҳеч нарса юта олмаган бўлиши мумкин, аммо ўз клубларида беназирлигича қолмоқда.
4. Тер Штеген
Тер Штеген «Барселона» тарихидаги энг яхши дарвозабонлардан бири бўлган Виктор Вальдес ўрнига олиб келиниши керак эди. Унинг Каталонияга келган йили Клаудио Браво асосий постда эди. Шу сабаб, немис посбони заҳирада бўлиб турди. Тер Штеген келиши биланоқ, 2015 йилда «Барселона» требл қайд этади. Кейинги мавсумдан тер Штеген ишга киришди.У сўнгги беш йилда «Барселона»нинг энг асосий фигураси бўлиб қолмоқда. Афсуски, Марк-Андре Германия терма жамоасида ортиқ ўйнай олмайди.
3. Кейлор Навас
Ўн йилликни ажойиб ўтказган яна бир дарвозабонлардан бири бу Навасдир. У декада аввалида «Леванте» клубида заҳира дарвозабони бўлиб ўтирар эди. Мураббий Навасни фақат Европа лигаси баҳслари пайтида майдонга туширган. Кейлор 2014 йилда Коста-Рика билан Жаҳон чемпионатида фантастик ўйин намойиш этади. Бу эса уни «Реал»га йўл олишини таъминлади. У ерда Навас Касильяс каби шуҳратга сазовар бўлди. Уч маротаба кетма-кет ЕЧЛ соҳибига айланган дарвозабон, икки йил илгари «ПСЖ» таркибига бориб қўшилди. Ҳозирда эса ўша ерда зафарли одимларини давом эттирмоқда.
2. Ян Облак
Облак йиллар давомида дунёнинг энг яхши дарвозабони сифатида эътироф этилиб келинади. Бу жуда ҳам тўғри изоҳ. У «Атлетико»нинг энг меҳнаткаш футболчилари қаторида. Диего Симеоне уни ҳеч қачон алмаштирмайди ва унга тўлиқ ишонади. Унинг эришган катта ютуқлари қаторида ўтган мавсумдаги Испания чемпионлиги келтириш мумкин. Облак бунга муносиб эди.
1. Мануэль Нойер
Очиғи, ҳар қанақасига қарашингиздан қатъий назар, Нойердан каттароқ ютуқларга эришган дарвозабонни топа олмайсиз. Ҳатто, бутун футбол тарихида ҳам. У футбол оламида ниманики ютиш керак бўлса, барчасини қилди. У 2011 йилда «Шалке 04»дан «Бавария»га йўл олади. Мана, ўн йилдирки, Нойер топ дарвозабон сифатида эътироф этилмоқда. У ушбу ўн йил ичида 9 карра Германия чемпионлигини, 7 та Германия кубогини, 2 марта ЕЧЛ бош совринини қўлга киритди. Орада Жаҳон чемпионатида ҳам зафар қучиб қайтди. У «Олтин тўп»га номзод футболчилар рўйхатидан жой олган дарвозабонлардан биридир. Нойер мана шундай совринлар жамғармаси билан ҳали-ҳамон олдинга интилмоқда.
Жалолиддин ИСМАТОВ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
