Хабарингиз бор, “Барселона”нинг 18 ёшли испаниялик футболчиси Педри Италиянинг “Tuttosport” нашри томонидан Европанинг энг яхши ёш футболчисига бериладиган “Golden Boy” мукофотига эга чиқди. Катлония клуби аъзоси мазкур совринни қўлга киритган 19-футболчи бўлди. Педри ушбу мукофотни 15 декабрь куни Туринда бўлиб ўтадиган маросимда қабул қилиб олади. Шу муносабат билан мазкур совринга эга чиққан 18 нафар футболчини кимлар қўлга киритгани ҳақида эслашга қарор қилдик.
2020. Эрлинг Ҳоланд
Норвегиялик ёш ҳужумчининг фаолияти ҳали унчалик кўп ютуқларга эришмаганган. Аммо, унинг муваффақиятли йиллари олдинда. Чунки, ҳозирда Ҳоландга ПСЖ ва “Реал” бошчилигидаги кўплаб гигант клублар “совчи қўйишмоқда”. Эрлинг катта эҳтимол билан мавсум сўнггида жамоадан кетади. У ўтган мавсумда “Боруссия Д” сафида ажойиб ўйин кўрсатган. Норвегиялик дортмундликлар сафида 69 учрашувда майдонга тушиб, 70 та гол ва 19 та голли узатма муаллифига айланган. Статистикалардан кўриниб турибдики, Эрлинг яқин келажакда дунёнинг энг яхши футболчиларидан бирига айланади.
2019. Жоау Фелиш
Ҳоланд сингари, Фелишнинг ҳам футболда катта чўққиларни забт этиш учун кўп вақти бор. Бу “Атлетико Мадрид” тарихидаги энг қиммат харид бўлиб, “матрасчилар” португалиялик футболчи учун 126 миллион евро тўлаган. Бироқ, у “Атлетико”да кутилган каби ўйин намойиш этмаяпти. Аммо, у ўз ўйинини намойиш эта олса, Мадрид клубига керагиданда кўпроқ нарса бера олади.
2018. Маттейс де Лигт
“Аякс” тарихидаги энг ёш сардор ва Голландиянинг асосий таркибидаги алмаштириб бўлмайдиган футболчи. Бугунги кунда Маттейс дунёдаги энг истиқболли ҳимоячилардан бири бўлиб қолмоқда. У ўйинни аъло даражада ўқийди, яхши пас беради, жисмонан кучли ва ақлий футбол ўйнашга ҳаракат қилади. Аммо, у “Golden Boy” мукофотини айнан амстердамликлар сафида кўрсатган ўйинлари эвазига қўлга киритган. Аммо, “Ювентус”да у ўз ўйинини намойиш эта олмаяпти.
2017. Килиан Мбаппе
Француз ҳали ёш, аммо шунга қарамай, у аллақачон Европа ва жаҳон миқёсидаги юлдуз футболчи ҳисобланади. 2018 йилда Мбаппе Франция терма жамоаси билан жаҳон чемпиони бўлди, ПСЖ сафида эса бир неча бор Франция чемпионлик унвонлари, кубок ва суперкубокларни қўлга киритди. Агар, Килиан шу темпда давом этса, яқин келажакда “Олтин тўп”ни қўлга кирити ҳам мумкин.
2016. Ренату Санчес
Португалия терма жамоаси ва “Лилль”нинг 24 ёшли яримҳимоячини буюк келажак кутаётганини тахмин қилишганди. Аммо, 2016 йилдан сўнг унинг ўйинида бироз пасайиш бўлди. Аммо, Ренату “Лилль” сафида ажойиб ўйин намойиш этмоқда ва ўтган мавсумда Франция чемпионлигини қўлга киритди. Унинг энг яхши даражасига қайтиш учун ҳали вақти бор. Сабаби, яна кўплаб гранд клублар Санчесни сотиб олишга ҳаракат қилибкўрмоқда. Катта, эҳтимол билан португалиялик қишда, ёки мавсум сўнггида “Лилль”ни тарк этади.
2015. Энтони Марсьял
2015 йил сентябрида “Манчестер Юнайтед” Франциянинг “Монако” клуби футболчиси Марсьял учун 36 миллион фунт стерлинг тўлаган, бу ўша пайтда 20 ёшгача бўлган футболчи учун рекорд сумма ҳисобланарди. Қолаверса, унинг трансфер суммаси маълум шартларда 58 миллион фунт стерлинггача кўтарилиши мумкин. Дахшат! Антони вақти-вақти билан харид қилинган пулни оқлади. Бироқ, у ҳозирда мухлисар тахмин қилгандек футболчи эмас ва ўртамиёналар қаторида туради.
2014. Раҳим Стерлинг
Стерлингнинг тақдири Марсьялникига бироз ўхшаб кетади. Инглиз футболчиси ҳам етарлича жамоавий кубок ва совринларга эга, бироқ индивидуал тарзда у аллақачон тескари йўналишда ҳаракат қилаётганга ўхшайди. Ёрқин далил сифатида эса охирги 5-6 йил ичида Стерлинг исми ҳеч қандай индивидуал соврилар қаторида эътироф этилмаётганини айтишимиз мумкин. Яқин вақт ичида унинг “Манчестер Сити”ни тарк этиши ҳақидаги миш-мишлар ОАВ орқали тилга олинмоқда. Кўрамиз, бошқа жамоага ўтиш, Раҳим учун омадли келар.
2013 йил. Поль Погба
Француз ҳеч қачон орзусидаги футболчига айланмаган ва унинг фаолиятининг кўп қисмида бундай юқори савияда ўйнаган деб бўлмайди. Поль “Манчестер Юнайтед”ни Алекс Фергюсон бошқараётган пайтда жамоанинг юрагига айланиши қийин эди. Шу сабаб, Погба Манчестерни Туринга алмаштиришга қарор қилди. Ҳа, плеймекер “Ювентус” сафида ажойиб ўйин кўрсатган ва шу сабаб кейинчалик МЮ сафига келиб қўшилди. Аммо, ҳамон Погба “қизил иблислар”нинг алмаштириб бўлмас футболчиси деб айтиб бўлмайди.
2012. Иско
Иско – ўзига хос футболчи. 2012 йилда унинг келажаги буюк деб тахмин қилишганди.Ҳа, у “Реал” сафида кўплаб кубокларни қўлга киритган. Бироқ, ушбу ютуқларнинг ҳеч бирида Иско ўзининг лидерлиги билан ажралиб турмаган. У мазкур мукофотни “Малага” сафида ўйнаб юрган пайтда қўлга киритган.
2011. Марио Гётце
Гётце Дортмунднинг “Боруссия” жамоаси сафида ажойиб ўйин кўрсатган.Шу сабаб 2011 йила “тилла бола” совринига эга чиқди. Ўша йилда халқаро майдонда Гётцега тенг келадиган ёш футболчи йўқ эди. Аммо 2013 йилда “Бавария”га ўтиши билан Марио кўп нарсаларни йўқотди ва унинг ўйинида катта пасайиш кузатилди. Шундан кейин, у яна Дортмундга қайтди, лекин биз олдинги Гётцени кўрмадик. Айни пайтда немис футболчиси ПСВда тўп тепмоқда. Шунингдек, 2014 йилги жаҳон чемпионати финалидаги Марио Гйтценинг голини унутмаслик керак.
Тўлиқ рўйхат:
2010. Марио Балотелли
2009. Алесандро Пато
2008. Андерсон Оливейра
2007. Серхио Агуэро
2006. Сеск Фабрегас
2005. Лионель Месси
2004. Уэйн Руни
2003. Рафаэль ван дер Ваарт
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
