Бугун Непал пойтахти Катманду шаҳрида Чақирув кубоги-2012 мусобақасига старт берилди. Эслатиш жоиз, мусобақа ғолиби 2015 йил бўлиб ўтадиган Осиё кубогига ягона йўлланмани қўлга киритади.
Ғолиблик учун 8 терма жамоа икки гуруҳда баҳс олиб боради. "А" гуруҳида Непал, Фаластин, Мальдив ороллари ва Туркманистон жой олган.
"В" гуруҳидан Тожикистон, КХДР, Ҳиндистон ва Филлипин ўрин олган, кўпчилик мутахассислар бу гуруҳни "ўлим гуруҳи" деб атамоқдалар. Негаки, бу гуруҳдан ушбу мусобақанинг турли йиллардаги ғолиблари - Тожикистон (2006), Ҳиндистон (2008) ва КХДР (2010) жамоалари жой олган.
"В" гуруҳи жамоалари бош мураббийлари мусобақа олдидан фикрлари билан ўртоқлашдилар:
Кемал Алиспахич, Тожикистон бош мураббийи:
- Жамоамиз мусобақага яхши тайёргарлик кўрди. Ҳамма йигитларимиз жангга тайёр. Яримҳимоячи Хуршед Маҳмудов ва ҳимочи Эраж Ражабовлар жароҳатларидан қутулиб, сафимизга қўшилишди. Бизнинг гуруҳимиз мусобақа биринчи босқичининг энг кучлиси. Биз рақибларни ҳурмат қиламиз, лекин ҳеч кимнинг олдида қўрқув ҳис қилмаймиз. Ҳамма жамоанинг плей-оффга чиқиш имконияти бор. Кўп нарса Ҳиндистон термасига қарши кечадиганбиринчи ўйинга боғлиқ бўлади. Рақибимиз кучли, лекин биз мусобақани кўтаринки кайфиятда бошлаш учун максимал даражада ҳаракат қиламиз.
Савио Мадейра, Ҳиндистон бош мураббийи:
- Чақирув кубогига биз Дубайда тайёргарлик кўрдик. Йиғин вақтида иккита ўртоқлик учрашуви ўтказдик ва мағлубиятга учрадик: Уммон- 1:5, Озарбойжон- 0:3. Ўртоқлик учрашувларда мағлубиятга учраш - расмий учрашувларда учрагандан кўра яхши. Жамоамиз яхши жисмоний тайёргарликка эга. Ишончим комил, биз ҳар қандай рақибга қарши қаттиқ курашамиз. Биз ҳам деярли барча жамоалар сингари Непалга кубок учун келганмиз. Фаворит деб КХДР термасини ҳисоблайман.
Ҳанс Михаел Вайсс, Филиппин бош мураббийи:
- Чақирув кубогида иштирок этиш учун барча кучли футболчиларимизни жамлай олдик, шу жумладан Исландия, Германия, Голландия ва Англияда иштирок этаётган легионерларимизни ҳам. Бугун эрталаб Англиянинг "Фулҳэм" клубининг дарвозабони Нил Леонард Этериж етиб келди, унинг иштироки сўнгги вақтгача сўроқ остида эди. Бизнинг минимал вазифамиз - гуруҳдан чиқиш.
Юн Жонг Су, КХДР бош мураббийи:
- Табиийки, бизнинг олдимизда ушбу совринни ўз қўлимизда сақлаб қолиш вазифаси турибди. Лекин буни амалга ошири жуда қийин бўлади. Ҳозир барча жамоалар тенглашган, ҳамма жонини бериб ўйнайди.
Бугун «А» гуруҳида дастлабки тур учрашувлари бўлиб ўтди. Туркманистон терма жамоаси Мальдив ороллари термаси устидан 3:1 ҳисобида ғалаба қозонган бўлса, яқиндагина Озарбойжон терма жамоасини ўртоқлик учрашувида 2:0 ҳисобида енгган Фаластин терма жамоаси мезбон – Непал термаси устидан худди шу ҳисобда ғолиб чиқди.
Эртага «В» гуруҳида Тожикистон – Ҳиндистон, КХДР – Филиппин учрашувлари бўлиб ўтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
