Италиядан яна йирик бир можаро иси келмоқда ва масала яна "Ювентус" атрофида. Воқеалар жамоанинг бугунги вакилларидан ташқари собиқ аъзоларига ҳам таъсир этиши мумкин. Мисол учун - Криштиану Роналдуга!
Икки муҳим савол ва унга жавоблар:
1. Турин прокуратураси Роналдуни нега сўроқ қилишни истаяпти?
2. "Ювентус" яна Б серияга тушириб юбориладими?
1. Турин шаҳри прокуратураси “Манчестер Юнайтед” ҳужумчиси Криштиану Роналдуни сўроқ қилишни режалаштирмоқда, деб хабар бермоқда "La Gazette Dello Sport". Тергов 36 ёшли португалияликнинг Турин клуби билан молиявий ҳамкорлиги тафсилотлари билан қизиқмоқда. Аввалроқ ОАВда Италия ҳуқуқ-тартибот идоралари Криштиану Роналду ва "Ювентус" ўртасидаги шартномасининг молиявий тафсилотларини ўрганаётгани, ўтган йили карантин пайтида футболчига молиявий ҳисоботларга киритмасдан тўловларни амалга оширилган бўлиши мумкинлиги ҳақида маълумотлар пайдо бўлган эди. Клуб вакиллари солиқ тўлашдан бўйин товлаш ва ноқонуний тўловлар ҳақидаги шубҳаларга ҳеч қандай муносабат билдирмадилар. Эслатиб ўтамиз, аввалроқ полиция “Ювентус” бош қароргоҳида тергов учун зарур бўлган ҳужжатларни олиб қўйиш учун тинтув ўтказган эди.
Италия матбуотида бу ўринда “Ювентус”да жиддий муаммолар юзага келиши мумкинлиги айтилмоқда.
2. Энди "Ювентус"нинг вазияти бўйича батафсилроқ. Клубнинг ўтган йил учун тақдим этган молиявий ҳисоботлари бир эмас икки тегишли орган эътиборига тушган. Тергов клубдаги юқори лавозимли 6 нафар кишини солиқдан қочиш, шартномаларда нотўғри маълуморларни келтириш каби ишларда гумонлаяпти. Булар "Ювентус" президенти Андреа Аниьели, вице-президент Павел Недвед, собиқ Спорт бўлими раҳбари Фабио Паратичи, амалдаги ва собиқ Молиявий директор Стефано Чератто ҳамда Стефано Бертола ва менежер Марко Ре.
Бундан ташқари, клубнинг ўзи юридик шахс сифатида ҳам терговда ҳисобланади.
Миралем Пьянич ва Артур трансферлари ҳам алоҳида тафтиш қилинмоқда. Ёдингизда бўлса ўша вақтнинг ўзида бу трансфер жуда катта таажжубга сабаб бўлганди. Пьянич 70 млн. евро, Артур 80 млн. еврога сотилган ва бу рақамлар атрофида "қора буҳгалтерия" олиб борилгани айтилмоқда.
Агар жамоага қўйилаётган айбловлар ўз исботини топса енгил ҳолатда жарималар билан қутилиш мумкин. Аммо иш жазонинг энг кескин ҳолатига етиб борса шахсларнинг жавобгарлигидан ташқари "Ювентус"нинг ўзи ҳам Б серияга тушириб юборилиши мумкин. Бунинг юз бериш эҳтимоли паст. Аммо бу Италия...
Кузатамиз...
Ориф Толипов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
