БААнинг бугунги ўйин учун тахминий таркиби
www.gulfnes.com сайти Бирлашган Араб Амирликлари олимпия терма жамоасининг бугун Ўзбекистонга қарши ўйинда тушадиган асосий таркибини тахмин қилиб кўрди.
Холид Исо Билол Саид (дарвозабон).
“Ал-Жазийра” клуби футболчиси БАА футболида янги номлардан бири. Олимпия терма жамоасининг биринчи рақамли дарвозабони Али Хасиф ўтган йили жароҳат олганидан кейин у асосий дарвозабонга айланди. Холид Ироқ ва Австралияга қарши 2та ўйинда дарвозанни қўриқлади ва гол ўтказиб юбормади.
Абдулазиз Ҳайдал ал-Балуший (ўнг қанот ҳимоячиси)
Абдулазиз ўзининг футболчилик фаолиятини отаси Ҳусайн Ҳайкал каби “Аш-Шабоб”да бошлаган. Лекин кейинчалик “Ал-Аҳли”га ўтган. У клуби ва олимпия терма жамоасининг асосий ҳимоячиси ҳисобланади. Ҳимояда ўйнашига қарамай, ҳужумга ҳам яхши қўшилади.
Ҳамдан ал-Камолий (марказий ҳимоячи, сардор)
Аввал “Ал-Ваҳда”да ўйнаган. Камолий БААнинг Европада (“Лион”, Франция) ўйнайдиган ягона футболчиси ҳисобланади. У ҳаво курашида яхши иштирок этади ва кучли зарбага эга. У жарима зарбалари орқали ва бош билан кўп голлар урган.
Муҳаммад Аҳмад Жума (марказий ҳимоячи)
Аҳмад “Аш-Шабоб”нинг кучли ҳимоячиларидан бири ҳисобланади. Жисмонан бақувват. У ҳам бош билан голлар уриб туради.
Абдулазиз Сангур ал-Мазам (ўнг қанот ҳимоячиси)
Сангур “Шаржа” клубидан олимпия терма жамоасига таклиф этилган ягона футболчи ҳисобланади. У тезкор ва чаққон. Абдулазиз ҳужумга яхши қўшлиши орқали доимо рақиб дарвозага хавф солиб туради.
Амир Абдулраҳмон (ярим ҳимоячи)
Абдулраҳмон жамоа билан 2006 йилдан бери бирга. Ушбу футболчи 2009 йили 20 ёшгача бўлган ёшлар ўртасидаги жаҳон чемпионатида БААнинг ягона вакили сифатида рамзий терма жамоага киритилган. Унга кўплаб таклифлар бўлишига қарамай, у “Бани Яс”да қолишга қарор қилди. Абдулраҳмон тўпни рақиблардан олиб қўйиш бўйича БААнинг энг кучли футболчиси ҳисобланади.
Хамис Исмоил Зайид (таянч ярим ҳимоячиси)
Исмоил футболчилик фаолиятини “Эмирейтс”да бошлаб, ўтган йили “Ал-Жазийра”га ўтди. Бу жамоа орқали у олимпия терма жамоасига қўшилди ва асосий таркиб футболчиларидан бирига айланди.
Умар Абдулраҳмон ал-Амаудий (чап қанот ярим ҳимоячи, плеймейкер)
Умар “Ал-Айн”да тўп суради. Тўп билан яхши муомала қилади ва майдонни яхши кўра олади. У биргина пас орқали рақиб ҳимоя чизиғини доғда қолдириши мумкин. Айнан Австралия дарвозасига киритилган гол унинг пасидан сўнг дарвоза тўридан жой олганди. У майдоннинг чап қанотида ўйнайди.
Рашид Исо ал-Фаласий (ўнг қанот ярим ҳимоячи)
Эйса ўнг қанотдаги тезкорлиги ва футболчиларни алдаб ўтиш қобилияти орқали “Ал-Васл”да Марадонанинг севимли футболчиларидан бирига айланди.
Али Мабхут ал-Ҳажерий (ҳужумчи)
Ушбу ҳужумчи Аҳмад Халил ва бошқа ҳужумчилар жароҳат олганида майдонга тушишига қарамай, доимо рақиб ҳимоячиларига етарлича бошоғриқ бўлади. У таслим бўлишни истамайдиган футболчилар тоифасига киради. Бош билан ҳам яхши ўйнайди.
Аҳмад Али ал-Абрий (ҳужумчи)
Бу футболчи “Бани Яс”нинг “сеҳрли таёқчаси” ҳисобланади. Тезкор ва жисмонан бақувват. 2-3 нафар футболчидан бемалол ўтиб кета олади. Унинг паслари доимо Халил ёки Мабхутга гол уришга ёрдам бериб келган.
Манба: www.gulfnews.com
Киритилди: 11:32, 14.03.2012. Ўқилди: 8551 марта. Фикрлар: 21 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
