Яқин орада Европада қишки трансфер ойнаси очилади. Бу вақт ичида клублар турли трансферларни амалга ошириши, футболчиларни сотиши ёки сотиб олиши мумкин.
Январь ойидаги трансфер ойнасининг ўзига хос жиҳати шундаки, кўплаб футболчиларнинг шартномалари мавсум охирида тугаши мумкин. Янги йилнинг биринчи ойидаёқ футболчи потенциал давогарлар билан дастлабки келишувни тузиш орқали музокара олиб боришлари мумкин.
Биз сизларга ҳозир Англия Премьер-лигасинингмавсум охирида клублари билан шартномаси муддати тугайдиган энг яхши футболчилар ҳақида бироз маълумот беришга қарор қилдик.
Поль Погба (“Манчестер Юнайтед”)
Жамоа аъзоси: 2016 йилдан бери
Франциялик футболчи иккинчи марта «Манчестер Юнайтед»ни тарк этишга яқин турибди. У биринчи марта 2012 йилда “қизил иблислар” лагерини тарк этиб, “Ювентус”га ўтган эди. Турин клубининг асосий ўйинчисига айланган Погбани “Юнайтед” ортга қайтаришга қарор қилди.
Инглиз клуби Погба билан 2022 йилгача шартнома имзолади ва у учун катта пул тикди. Биринчи мавсумдан то шу кунгача франциялик футболчи жамоада босим остида ўйнади. Мураббийлар ва мухлислар билан кўплаб муаммоларга дуч келди. Мутахассислар Полни тўлиқ куч билан ўйнамасликда қоралади, чунки у Франция терма жамоасида юқори савияни ўйин кўрсатади.
Погбанинг Манчестер клубидаги гуллаган даври французни клубнинг ажралмас бўлагига айлантирган Оле-Гуннар Сульшер даври ҳисобланади. Ижобий ўзгаришларга қарамай, у ҳамон танқиддан қочиб қутула олмаган.
Кўп йиллар давомида француз футболчисини қайтариб олмоқчи бўлган “Ювентус”, шунингдек “Реал”, “Барселона” клублари томонидан қизиқиш билдирилаётгани ҳақида миш-мишлар юрибди. Мадридликлар узоқ вақтдан буён футболчи сотиб олишга уриниб бўлиб келган, аммо сўнгги пайтларда унга бўлган қизиқиш пасайган. “Барселона” молиявий муаммога дуч келган. Демак, Поль “Ювентус”га ўтмаса, “Манчестер Юнайтед” билан шартнома узайтиради. Чунки, клуб уни таркибда сақлаб қолишга қарши эмас.
Антонио Рюдигер (“Челси”)
Жамоа аъзоси: 2017 йилдан бери
Рюдигер 2017 йилда Лондон клубига “Рома”дан ўтган эди. Англиядаги дастлабки мавсумлар Рюдигер учун қийин кечган бўлса-да, у ўзининг ўйинини яхшилаб борди. Унинг меҳнати Йоахим Лёвнинг эътиборидан ҳам четда қолмади, у Антониони Германия терма жамоасининг асосий футболчисига айлантирди.
Рюдигер ҳам Лондон клуби совринларини қўлга киритишда иштирок этган футболчилардан бирига айланди. Ҳозирда Антонио тез-тез “Челси”нинг асосий таркибидан жой олади, аммо клуб у билан яна шартнома имзолашга шошилмаяпти. Гап шундаки, ҳимоячи маошини оширишни талаб қилмоқда, аммо лондонликлар бунга тайёр эмас.
Антониога Европанинг кўплаб клублари қизиқиш билдирмоқда, жумладан, “Бавария”, “Реал”, “Ювентус”, “Барселона”. Демак, Рюдигерда фаолиятини давом эттириш учун кўплаб имкониятлар мавжуд. Ҳозир ҳаммаси Лондон клубининг қўлида, чунки немиснинг ўзи қолишга тайёр, аммо маошини бироз кўтарилишини истамоқда.
Александр Ляказет (“Арсенал”)
Жамоа аъзоси: 2017 йилдан бери
Франциялик футболчи 2017 йилда “Арсенал”га ўтди. Бу трансфер юқори даражадаги харидлардан бири эди. Ўша пайтда Ляказет Франциянинг “Лион” клубида ўйнар эди.
Англияда Александр ўз истеъдоди ва маҳоратини тўлиқ очиб бера олмади. Форвард мавсумларни ўртача даражада ўтказди. У бир вақтлар Премьер-лиганинг мавсумдаги энг яхши тўпурари номи учун кураш олиб борган, аммо ғалаба қозона олмаган.
Ҳозирда 30 ёшли футболчи Микель Артета жамоасининг бир қисми бўлишда давом этмоқда. Клуб раҳбарияти у билан шартномани янгилашга тайёр, аммо футболчининг юқори маоши сабаб бу қисқа муддатли келишув бўлиши мумкин. Футболчининг ўзи номзодлар унчалик кўп бўлмаса-да, Англияни тарк этишга тайёр.
Жесси Лингард (“Манчестер Юнайтед”)
Жамоа аъзоси: 2008 йилдан бери
Лингард — “Манчестер Юнайтед” тарбияланувчиси. Йиллар давомида инглиз футболчиси асосий таркибда ўйнай олмади. Кўп жиҳатдан бу Жессига барқарорлик етишмаганидан бўлди.
Англиялик футболчи бир неча бор ижарага берилган, охиргиси эса “Вест Хэм” бўлди. Лингард “болғачилар” жамоасида яхши ҳаракат қилди, аммо Евро-2020га бора олмади. Ҳозирда Жесси асосий таркибдан жой олиш учун курашни давом эттирмоқда.
“Манчестер Юнайтед” футболчини ўз таркибида фақат захира ўйинчиси сифатида сақлаб қолиши мумкин. Лингард майдондаги ўрни учун курашмоқчи, шунинг учун шартнома янгиланиши мумкин, аммо ўйин вақти етшмаслиги сабабидан 29 ёшли футболчи кўпроқ муваффақиятга эриша олмаяпти.
Сезар Аспиликуэта (“Челси”)
Жамоа аъзоси: 2012 йилдан бери
Испаниялик ҳимоячи “Челси”га фахрий Пауло Феррейранинг ўрнига келган, аммо “кўклар” раҳбарлари бу йигитни шунчаки қўлга киритмасдан, балки жамоа сардори мақомигача етишини таъминлади.
Шундай қилиб, клубга келганидан 10 йил ўтгач, Сезар жамоани уни тарк этиши мумкин. Унга қизиқиш билдирган жамоалар бор. Уларнинг орасида “Барселона” номи ҳам борлигини таъкидлаш керак. Аммо гап шундаки, футболчи “Челси”нинг ўзига ҳам керак бўлиши мумкин ва шунинг учун у билан янги шартнома имзолаши мумкин.
Уго Льорис (“Тоттенхэм”)
Жамоа аъзоси: 2012 йилдан бери
“Тоттенхэм”нинг сардори, етакчиси ва афсонаси ҳам келаси ёзда клубни текинга тарк этиши мумкин.
Бир неча кундан кейин француз 35 ёшга тўлади, лекин шу билан бирга у Премьер-лиганинг энг яхши дарвозабонларидан бири бўлиб қолмоқда ва анча юқори савияда ўйнамоқда.
Льориснинг кетиш эҳтимоли жуда кам. Клуб асосий дарвозабонга айлана оладиган бошқа кипер топса ҳам, Уго ўзи учун анчадан бери оилага айланган клубда қолиши мумкин.
Қўшимча қиламизки, Андреас Кристенсен (“Челси”), Жеймс Тарковски (“Бёрнли”), Тодд Кантвелл (“Норвич”), Дэвид Брукс (“Борнмут”), Дивок Ориги (“Ливерпуль”), Калум Чемберс (“Арсенал”) каби футболчиларнинг ҳам шартномаси ёзда тугайди.
Жамшиджон Маҳмудов таржимаси.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
