Шу йилнинг ёзги трансфер бозори ҳақиқатдан ҳам тарихда қоладиган бўлди. Сабаби, бу икки футбол даҳолари ўз жамоаларини ўзгартиришди. Лекин, бу мақола улар ҳақида эмас.
Жек Грилиш ("Астон Вилла"дан "Манчестер Сити"га, Трансфер нархи 117,5 миллион евро)
Жек Грилиш — ёзги трансфер бозорининг энг кўзга кўринган харидларидан бири. Лекин, Жек ҳозирча ўзига сарфланган маблағларни оқлай олмаяпти. Агар Transfermarkt портали хабарига таянадиган бўлсак, у ҳолда "Манчестер Сити" англиялик ярим ҳимоячига 117,5 миллион евро сарфлади, бу — энди футбол тарихидаги энг йирик трансферларнинг бири саналади.
Хосеп Гвардиола Грилишга ишонишда давом этмоқда, аммо, англиялик футболчи "шаҳарликлар" таркибида шу кунгача 20 та ўйинда майдонга тушиб, 3 та гол киритди ва учта голли узатмани амалга оширди. "Манчестер Сити"нинг ўйини ва таркибини ҳисобга оладиган бўлсак, бу натижа Грилиш учун камлик қилади.
Грилишнинг "шаҳарликлар" таркибида бундай хира ўйин намойиш этиаётганини сабаби маълум. У "Астон Вилла" таркибида етакчи бўлиб ўрганиб қолган, бироқ у Хосеп Гвардиоланинг тишли механизми бўлган юлдузлар йиғилган таркибга тушиб қолди.
Албатта, Жек Грилиш катта эҳтимол билан "Манчестер Сити" муҳитига кўникиб кетади ва ўз даражасини сезиларли даражада яхшилайди, аммо у ҳозирча ўзига сарфланган маблағларни оқлай олмаяпти.
Сауль Ньигес ("Атлетико"дан "Челси"га ижара асосида. Ижара нархи 5 миллион евро)
Сауль Ньигес "Челси" клубига Мадриднинг "Атлетико" жамоасидан кейинчалик сотиб олиш шарти билан ижара асосида кўчиб ўтди, аммо, у ҳозир ўзига билдирилган ишочнни умуман оқлай олмаяпти. Испаниялик ярим ҳимоячининг лондонга кўчиб ўтиши "Челси"га лотореяда катта ютуқ чиқиб қолгандек туюлганди, лекин Сауль Томас Тухелнинг футболига мослаша олмаяпти. Шундай бўлсада, германиялик мутахассис Саулни матбуотда ҳимоя қилиб келмоқда.
"Сауль хавотирга тушмаса бўлади. У қаттиқ меҳнат қилишда ва мослашишда давом этиши керак, шундагина имкониятга эга бўлади. Биз 11 нафар футболчиинг барчасига имконият берамиз. Мен бу масалага ижобий муносабатда бўлишни хоҳлайман. Агар бошқача қарайдиган бўлсак, у ҳолда йил бошидан бери 8 нафар футболчига асосий таркибдан жой бермаган бўлардим. Бу ҳақиқат, уни ўзгартириб бўлмайди" - дейди Тухель.
Сауль жорий мавсум "Челси" таркибида 12 та учрашувда майдонга тушди (597 минут) ва бир қатор ўйинларга голли узатмаларни амалга оширди. Албатта, Канте ва Жоржиньолар билан рақобатлашиш муаммоли, лекин испаниялик футболчи Лондонга кўчиб ўтаётганида буларнинг барчасидан хабардор эди. У "Челси"га келиб заҳира ўриндиғида ўтиришни режалаштирмаган.
Қандайдир вазиятда Сауль чап қанот ярим ҳимоясида ўйнаш имкониятига эга бўлди. Сауль бу позицияда ЕЧЛ доирасида "Зенит" жамоасига қарши ўйинда майдонга тушганди, лекин ўша учрашувда 3:3 ҳисоби қайд этилганди. Ҳозирча ҳаммаси испаниялик футболчининг "Атлетико"га қайтиб кетишига қараб кетмоқда.
Дензел Думфрис ("ПСВ"дан "Интер"га. Трансфер баҳоси 12,5 миллион евро)
Дензел Думфрис ўтган мавсум "ПСВ" таркибида жуда яхши ўйин намойиш этди, кейин Европа чемпионатида ҳам ўзини кўрсатишга эришди, шунинг учун унинг "Интер"га ўтиши мантиқий кўрилди. Ўнг қанот футболчисида ҳеч қандай муаммо юзага келмайдигандек кўринганди, лекин нимадир нотўғри кетди. Шубҳасиз, "Интер" Думфрисни "ПСЖ"га кетган Хакимига муносиб ўринбосар сифатида кўрилганди.
Хакими бор пайтда асосан вақтини заҳира ўриндиғида ўтказган Дармиан асосий таркиб учун рақобатда Думфрисдан устун келди. Италиялик футболчи ноябрь ойида жароҳат олганидан кейин Думфрис мунтазам равишда асосий таркибда майдонга туша бошлади. Лекин шунга қарамасдан, жорий мавсумда Дармиан "Интер"нинг асосий таркибида кўп майдонга тушган футболчи бўлиб қолмоқда.
Думфрис Дармианга қараганда, кўпроқ ҳужумкор футболчи саналади, айнан мана шу нарса ҳозирги "Интер"га жуда зарур, бироқ, Симоне Индзаги ҳозирча ўз ватандошига кўпроқ ишонч билдирмоқда.
Хердан Шакири ("Ливерпул"дан "Лион"га. Трансфер нархи 6 миллион евро)
Франциянинг "Лион" клуби раҳбарияти жорий йилнинг ёзида таркибни сезиларли даражада кучайтиришга ҳаракат қилишди. Жамоага Петер Бош таклиф этилди, шунингдек, бир қатор тажрибали футболчилар сотиб олинди ва уларнинг орасида Шакири ҳам бор. Швейцариялик футболчи "Ливерпул"да заҳирадан майдонга тушиб, ёрқин ўйин намойиш этаверарди, шунингдек, ўз терма жамоаси таркибида ҳам самарали ўйин кўрсатарди, шу сабабли, кўпчилик Херданни "Лион"нинг етакчи футболчисига бўлишини тахмин қилишганди.
Бироқ, кутилган натижа рўй бермади. Шакири ўзининг голлари ва голли узатмалари билан мухлисларни хурсанд қила олмаяпти. У 13 учрашувда 1 та гол киритди ва иккита голга асистентлик қилди. Қолаверса, Шакирининг асосий таркиб футболчиси дейиш қийин. Мавсум бошида Хердан асосий таркибдан жой олаётганди, лекин у ҳозирги келиб заҳира футболчисига айланиб қолди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
