Хабарингиз бор, 25 март куни Ўзбекистон 21-миллий чемпионатининг 2-тур доирасидан ўрин олган “Шўртан”-“Навбаҳор” жамоалари ўзаро баҳс олиб борадилар.
Ҳар икки жамоа ушбу баҳсга икки хил кайфиятда ташриф буюради. Сабаби, “Навбаҳор” ўтган турда Зарафшоннинг “Қизилқум” жамоасини қабул қилиб, ўз мухлислари кўз ўнгида “олтин изловчилар”ни мағлуб этишни уддалай олмай, чемпионат бошида муҳим икки очкони йўқотган ҳолда Ғузорга ташриф буюрадиган бўлса, майдон эгалари биринчи турни ўз майдонида Тошкентнинг “Локомотив” жамоасига қарши ўтказиб, Игорь Тараннинг сўнгги дақиқада киритган голи эвазига янги чемпионатдаги илк уч очкони киритиб, кейинги турги учрашувга кўтаринки кайфиятда тайёргарлик кўрадиган бўлди.
“Шўртан” клуби матбуот хизмати ходимлари ўз анъаналарига содиқ қолган ҳолда, 25 март куни Ғузор шаҳридаги марказий “Ғузор” стадионида бўлиб ўтадиган “Шўртан”-“Навбаҳор” жамоалари ўртасида бўлиб ўтган аввалги учрашувлар статистикасини ҳавола этади.
Ушбу жамоалар шу кунгача ўзаро 14 маротаба беллашганлар. Ўтказилган ўн тўрт учрашувнинг саккизтасида “Навбаҳор” жамоаси фойдасига ҳал бўлган бўлса, тўрт учрашувда “оқ бўрилар”нинг қўллари баланд келганди. Қолган икки учрашувда жамоалар муроса кўчасини танлагандилар.
Дарвозаларга жами бўлиб 35 маротаба тўп киритилган. Киритилган голларнинг 20 таси “Навбаҳор” жамоаси фойдасига ёзилган бўлса, қолган 15 та гол “Шўртан” фойдасига хизмат қилган.
Учрашувларни бошқариб борган ҳакамлар жами бўлиб 68 нафар футболчиларга сариқ карточка кўрсатишга мажбур бўлганлар.
Олти нафар футболчилар эса майдонни эрта тарк этишга “муваффақ” бўлган. Майдондан четлатилган футболчиларнинг иккитаси “Навбаҳор” жамоаси аъзолари бўлса, қолган тўрт нафари эса “Шўртан” футболчиларидир.
2005 йили “Шўртан” жамоаси аъзоси Иван Гужва ўз дарвозасини кутилмаганда ишғол этиб, ҳозиргача ягона бўлиб турган автогол муаллифига айланган.
2005
ШЎРТАН - НАВБАҲОР - 3:1 (0:0)
Голлар: Таран Игорь, 60 (1:0), Иномов Ислом, 72 (1:1), Усманходжаев Собир, 74 (2:1), Таран Игорь, 85 (3:1).
НАВБАҲОР - ШЎРТАН - 3:2 (0:1)
Голлар: Боев Константин, 42 (0:1), Назаров Ёркин, 58 (1:1), Назаров Ёркин - пен, 65 (2:1), Мочинов Александр, 83 (2:2), Гужва Иван (ўз дарвозасига), 87 (3:2)
2006
ШЎРТАН - НАВБАҲОР - 1:2 (1:2)
Голлар: Мочинов Александр, 22 (1:0), Асымов Азиз, 39 (1:1), Атаев Довлетмурат, 41 (1:2).
НАВБАҲОР - ШЎРТАН - 3:2 (1:0)
2007
ШЎРТАН - НАВБАҲОР - 1:2 (0:1)
Голлар: Боев Константин, 30 (0:1), Курбанов Мухтар - пен, 82 (1:1), Хаджиев Дидар, 90+3 (1:2)
НАВБАҲОР - ШЎРТАН - 2:1 (0:0)
Голлар: Хаджиев Дидар, 50 (1:0), Боев Константин, 86 (2:0), Алламов Хамза, 90 (2:1).
2008
ШЎРТАН - НАВБАҲОР - 1:0 (0:0)
Голлар: Атаев Довлетмурат, 50 (1:0).
НАВБАҲОР - ШЎРТАН - 0:0
2009
"ШЎРТАН" - "НАВБАҲОР" - 0:1 (0:0)
Голлар: Отақўзиев Носир, 83 (0:1)
НАВБАҲОР - ШЎРТАН - 2:1 (2:0)
Голлар: 1:0 - Султанов Абдулазиз, 30, 2:0 - Джураев Гайрат, 37, 2:1 - Павлов Павел, 72.
2010
НАВБАҲОР – ШЎРТАН – 4:0.
Голлар: Ю. Целих (5, 13, 45), О. Валиджанов (30).
ШЎРТАН - НАВБАҲОР 2:0 (1:0)
Голлар: Ш. Эркинов 1:0, В. Клишин 90+3.
2011
НАВБАҲОР – ШЎРТАН 0:0
ШЎРТАН – НАВБАҲОР – 1:0(0:0
Гол: И. Таран (49).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
