Одатдагидек, сешанба кунлари сотувга чиқариладиган газетамизнинг янги сонида чоп этилган мақола ва материллар билан таништириб ўтамиз.
Газетамизнинг янги сони асосан олимпиячиларимизнинг Лондон олимпиадасининг сўнгги саралаш босқичида қатнашуви ва Олий Лига-2012нинг 2-тур учрашувларига бағишланади.
2-саҳифада журналист Муҳрим Аъзамхўжаев "Қайдасан, Лондон?" сарлавҳаси билан ёритилган кириш мақоласида олимпиячиларимизнинг имкониятлари, шунингдек, Уммон – Сурия ўйини ҳақида фикр юритган.
3-саҳифа пойтахтимизда бўлиб ўтган футзал бўйича клублар ўртасида қитъа чемпионати саралаш учрашувлари ва унда чемпионимиз "Ардус"нинг қатнашуви, шунингдек, Кувайтда ўтувчи ушбу чемпионатнинг қай тарзда ташкил этилиши хусусида сўз боради. Таҳлилий мақола муаллифи – Олимхўжа Бўронов.
4-саҳифада журналист Диёр Имомхўжаев бошқа терма жамоаларимизга оид янгиликлар, хабарлар билан таништириб ўтган.
5-саҳифада 2-турнинг марказий учрашуви "Локомотив"-"Насаф" Муҳрим Аъзамхўжаев томонидан шарҳланган бўлса, Қаҳрамон Асланов 2-турнинг рамзий терма жамоаси ва энг яхши 33-ликка кирган футболчиларни саралаб чиққан.
6-7-саҳифаларда 2-тур доирасида бўлиб ўтган учрашувлар шарҳи, таҳлили ва қайдномалари билан танишасиз.
8-саҳифада ёшлар лигаси натижалари, 2-турдан кейинги батафсил статистик жадваллар ёритилган, шунингдек, ушбу саҳифада сизни Қаҳрамон Аслановдан яна бир мақола кутади.
9-саҳифада Камронбек Чегабоев 1995 йилги миллий чемпионатимиз, клубларимиз ва миллий терма жамоамизнинг халқаро майдондаги ўйинларини статистика кўзгуси остидан ўтказган.
10-саҳифада Муҳрим Азамхўжаев ўзининг "Наврўзга совға" мақоласида клубларимизнинг Осиё чемпионлар Лигасидаги иштирокини таҳлил этган.
11-саҳифада "Ҳиндистонда 2 очко қолиб кетди" мақоласи, табиийки, "Нефтчи"нинг ОФК кубоги 2-туридаги иштирокига бағишланади. ОЧЛ ва ОФК кубогининг барча 8 гуруҳида 2-тур доирасида бўлиб ўтган ўйинлар, жадваллар ва аонслар ҳам шу саҳифадан ўрин олган.
12-саҳифада "Севинч"ни танқид қилган ислом Аҳмедов ҳақми ёки клубни оёққа турғизганлик даъвосидагилар?" мақоласида Қашқадарёнинг "Севинч" аёллар клуби мутасаддилари Ислом Аҳмедов интервьюсига ўзига хос раддия билдиришган.
13-саҳифада "Даҳонинг қадамлари. Мессини афсонага айлантирган 10 сана" мақоласида "Барселона" ҳужумчиси Лионель Месси киритган энг муҳим 10 та гол таҳлил этилган.
14-саҳифада журналист Аброр Қодиров ўз колонкасида "Имконсизликдан изланган имкон" сарлавҳаси остида Англия матбуотида юз бераётган даҳанаки жангларни таҳлил қилган. Шунингдек, жаҳон футболида юз берган энг муҳим янгиликлар ва хабарлар, ҳафта давомида қулоққа чалинган энг жарангдор трансфер янгиликлари ҳам шу саҳифада жойлаштирилган.
15-саҳифада "Барселона" бомбардирлари" мақоласида клуб тарихида энг кўп гол киритган 10 нафар футболчи санаб ўтилган. Мақолани Фаррух Файзиев тайёрлаган.
Одатимизга мувофиқ 16-саҳифа Қаҳрамон Асланов муаллифлигида Англия футболига, 17-саҳифа Шерзод Ражабов муаллифлигида Испания футболига, 18-саҳифа Муҳрим Аъзамхўжаев муаллифлигида Италия футболига, 19-саҳифа Фаррух Файзиев муаллифлигида Германия Бундеслигасига, 20-саҳифа эса Азамат Муродов муаллифлигида Россия Премьер-лигаси тур якунлари, янгиликлар, мини интервьюлар ва таҳлилларга бағишланган.
20-21-саҳифаларда Европа, МДҲ ва Осиёнинг энг кучли миллий чемпионатлари натижалари, жадваллари ва анонслари ҳам келтирилган.
22-саҳифада одатдагидек, спорт хабарларига ўрин ажратилган бўлса, 23-саҳифада келаётган ҳафтадаги муҳим ўйинлар превьюси, Кенни Далглиш ҳақидаги иқтибослар, қизиқарли маълумотлар, "Сиз – ҳақамсиз!" викторинаси ва Теледастурлар ўрин олган.
Сўнгги – 24-саҳифада эса ўша сиз билган ва кўникиб қолган рукнлар бўйича янги маълумот ва ижодий материаллар берилган.
Газетамизнинг янги сонини газета дўконлари, ўзингизга яқин почта алоқа бўлимлари, шунингдек хусусий тарқатувчилардан харид қилишингиз мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
