Испания суперкубоги 3 йилдан буён мини-турнир кўринишида ўтказиб келинмоқда. Бу галги мусобақада "Барселона", "Реал Мадрид", "Атлетико" ва "Атлетик Бильбао" клублари иштирок этишади. Жамоалар дастлаб ярим финал босқичини ўтказишса, ғолиб клублар соврин учун финалда тўқнаш келишади.
Мусобақа Саудия Арабистони пойтахти Ар-Риёд шаҳридаги "Қирол Фаҳд" номли стадионда ўтказилади.
"Барселона" - "Реал" Мадрид
12 январь, чоршанба, 23:59, "Қирол Фаҳд" номли стадион
Бош ҳакам - Мунуэра Монтеро
Сўнгги натижалар
Каталонияликлар бошқарувида ноябрь ойида ўзгариш юз берди. Куман истеъфога чиқарилиб, Хави бош мураббийга айланди. "Кўк-анорранглилар" янги мутахассис қўлостида барча мусобақалар доирасида 12та ўйинда иштирок этиб, 5та ғалаба, 4та дуранг ва 3 мағлубият қайд этишди. Хави тажриба ва ёшликни уйғунлаштирган ҳолда келажак жамоасини қуришга ҳаракат қилмоқда.
"Барселона" Ла лигада 32 очко билан 6-ўринни эгаллаб турибди. Жамоа Испания кубогида нимчорак финалга чиққан бўлса, халқаро аренада ўз иштирокини Европа лигасида давом эттирадиган бўлди (рақиб — "Наполи").
"Реал"нинг натижалари эса жуда яхши. Карло Анчелотти бош мураббий лавозимига қайтганидан сўнг рақиблар фонида натижалар анча яхши бўлмоқда. Қишки таътилдан кейин жамоа 3та ўйин ўтказди. "Қироллик клуби" кутилмаганда "Хетафе"га имконият бой бериб қўйди. Шундан кейин "қаймоқранглилар" Испания кубоги доирасидаги баҳсда ғалаба қозониб, кетидан "Валенсия"ни тор-мор этишди (4:1).
"Реал" 49 очко билан Испания чемпионатида пешқадамлик қилмоқда. Жамоа яқин таъқибчиси "Севилья"дан 5 очко олдинда, аммо "галактикос" битта ўйин кўп ўтказган.
Таркибларнинг ҳолати
"Барселона" Суперкубокда Брэйтуэйт, Ваге, Гарсия, Демир ва Серхи Робертонинг хизматидан фойдалана олмайди. Ансу Фати ва Френки Де Йонг жамоа билан Саудия Арабистонига етиб борган. Аммо уларнинг "Реал"га қарши ўйинда иштирок этиши сўроқ остида.
Карло Анчелотти эса бу борада жиддий муаммоларга эга эмас. Фақат Гарет Бэйл ва Мариано Диас Мадридда қолишди.
Тахминий таркиблар
"Барселона": Тер Штеген - Альба, Пике, Ленгле, Алвес - Гави, Бускетс, Де Йонг (Нико) - Дембеле, Депай, Ютгла
"Реал": Куртуа - Карвахаль, Милитао, Алаба, Менди - Модрич, Каземиро, Кроос - Асенсио, Бензема, Винисиус
Қизиқ фактлар
— Сўнгги 4та "эл-класико"да "Реал" ғалаба қозонди;
— "Барселона" сўнгги 6та ўйинда ютқазмаяпти;
— "Реал" сўнгги 19та баҳснинг 17тасида мағлуб бўлмаган;
— "Реал" сўнгги бешта ўйинда 9та гол уриб, 4та гол ўтказган;
— "Барселона" сўнгги бешта ўйинда 8та гол уриб, 5та гол ўтказган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
