Бугун Испания Суперкубоги яримфинал учрашуви доирасида Мадриднинг “Реал” клуби Хави Эрнандес бошчилигидаги “Барселона”га қарши майдонга тушади. Шу сабаб, “эл-класико” деб номланувчи марказий баҳс олдидан ўйин ҳақидаги тахминларимиз билан ўртоқлашишга қарор қилдик.
“Барселона” ҳақида
- Хави “Барселона” бош мураббийи сифатида ўтказилган 11 учрашувнинг атиги 5 тасида ғалаба қозонди. Гарчи, “кўк-анорранглилар” иккита мағлубиятга учраган бўлса-да, Ла Лига ғолиблиги учун курашда “Реал”га мағлуб бўлди. Сабаби, Каталония клуби ва мадридликлар орасидаги фарқ 17 очкога етди. “Барселона” Чемпионлар лигаси зонасига яқин, аммо турнир жадвалида олтинчи ўринни эгаллаб турибди. Испания Суперкубоги ярим финали каталонияликларга Ла Лига доирасидаги мағлубият аламини олиш учун имконият.
- Каталонияликлар жамоаси ҳужумида муаммолар бор. Охирги 10 ўйинда улар бор йўғи 13 та гол уришган, улардан 6 таси иккита ўйинда. Қолган 8 ўйинда эса атиги 7 та аниқ зарба. Клубнинг охирги марта иккитадан кўпроқ гол урган ўйини декабрь ўрталарида бўлиб ўтган ва ҳатто “Линарес”га қарши Испания кубоги баҳсида ҳам 2:1 ҳисобида ғалаба қолҳзонган. “Гранада”га қарши баҳсда эса каталонияликлар Де Йонгнинг аниқ зарбаси эвазига дуранг натижага эришди.
- Люк Де Йонгнинг ортга қайтиши ҳақида миш-мишлар тарқалди ва голландиялик футболчи дарҳол гол уришни бошлади. “Мальорка” устидан қозонилган ғалаба, айнан Де Йонг голи эвазига қўлга киритилди.
- Гигант сифатида “Барселона” ҳимояда жуда кўп муаммоларга дуч келмоқда. Дани Алвес ҳужумни кучайтиради, аммо унинг зонаси орқали кучли рақиблар Тер Штеген дарвозасига йўл топишга ҳаракат қилишлари аниқ. Немис футболчиси анчадан буён “Барселона” дарвозасини қўриқлайди ва етарлича тажриба бор, шу сабаб Марк Андре жамоадаги сўнгги ҳимоячи позициясида ўйнашга мажбур. Албатта, каталонияликлар ҳар доим ўз дарвозаларида олдида рақиб ҳужум қилишига йўл қўйишмайди, лекин улар жорий мавсумда деярли ҳар бир учрашувда тўп ўтказиб юборишмоқда. 10 та ўйин - 12 та хато.
- Бугун Хави илк бор “эл-класико”да мураббийи сифатида қатнашади. Каталонияликлар 3-4-3 тактик схемада ўйнаши мумкин, аммо бу баҳсда ҳимоявироқ, яъни 4-3-3 кўриншида ўйнашлари ишончлироқ. Ҳимояда тажрибали футболчилар жангга киришади - Албьа, Пике ва Алвес, шунингдек, етакчи футболчилар билан ўйнаб тажриба тўплаётган Араухонинг ҳам тушиши кутилмоқда. Учрашув шу қадар муҳимки, уругвайлик футболчи жароҳат олган бўлса-да, майдонга тушади, чунки у бирданига иккита кафт суягини синдириб олган. Шунингдек, Френки Де Йонг, Педри каби футболчилар жароҳатидан фориғ бўлди. Гави ҳам баҳсга тайёр.
“Барселона”нинг тахминий таркиби (4-3-3): Тер Штеген - Алвес, Араухо, Пике, Альба - Бускетс, Ф. Де Ёнг, Педри (Н. Гонсалес) - Дембеле, Л. Де Ёнг (Гави), Депай.
“Реал” ҳақида
- “Қаймоқранглилар” “Бавария” билан бирга - дунёдаги энг профессионал жамоалардан бири. Педри ва Гави қаерда “ўқиса”, Кроос ва Модрич ўша ерда “дарс бера олади”. Ҳатто ҳужумчи Васкеснинг ҳимояда ўнг қанотда ўйнаши ҳам Анчелотти шогирдларининг мақсад ва вазифаларга бўлган муносабати кўрсаткичидир.
- “Реал Мадрид” жуда яхши ҳаракат қилмоқда, шунинг учун улар доимо мотивация излашлари керак. “Барселона” жадвалда шунчалик ортда қолиб кетганки, бугунги кунда уларнинг кучини кам баҳолаб қўйиши мумкин. Агар рақиб юқори темп таклиф қилса, фаворитга қийин бўлади. “Реал” таркибида ҳам кўплаб фахрий футболчилар бор, ҳатто Алаба ҳам бу йил ўттиз ёшга тўлади, у қарийб ўн уч йилдан бери катта футболда ўйнаб келмоқда.
- Кадрлар йўқотиш билан боғлиқ муаммо деярли йўқ. Бэйл деярли унутилди, Карвахал тайёр. Анчелотти ротацияга қилиши мумкин. Ахир, Саудия Арабистонига парвоз катта куч талаб қилади, мавсум эса шиддатли, баъзи футболчиларга дам бериш имконияти ҳам бор. Лекин, олдинда “эл класико” бор ва бундай ўйинда максимал ўйин кўрсатиш керак. Яримҳимояда ҳар доимгидек, Кроос, Модрич ва Каземиро триоси. Биз ҳужумнинг ўнг томонида Асенсио ёки Родригони кўришимиз мумкин. Қолган икки ҳужумчи эса аниқ – Вини ва Бензема
- Тактик жиҳатдан Анчелотти доимо “4-3-3” схемасидан фойдаланади.
“Реал Мадрид”нинг тахминий таркиби (4-3-3): Куртуа - Васкес (Начо; Карвахал), Милитао, Алаба, Менди - Модрич, Каземиро, Кроос - Родриго (Асенсио), Бензема, Винисиус.
Қарама-қаршилик ҳақида
- 2019 йилнинг март ойидан бери, аниқроғи салкам уч йил давомида “Барселона” “Реал” устидан ғалаба қозона олмади. Серия бешта ўйин ва тўртта мағлубиятдан иборат бўлиб, бу каталонияликлар учун 2008 йилдан бери “эл-класико”даги энг ёмон натижа бўлиб қолмоқда, ўшанда Гвардиола пайдо бўлгунга қадар худди шундай кетма-кет бешта ўйинда ғалабасиз серия қайд этилгана (2 дуранг ва 3 мағлубият).
- “Реал Мадрид” Ла Лига доирасида инқироздаги “Барселона”ни 2:1 ҳисобида мағлуб этди. Пойтахтликлар учун бу рақиб қанчалик ноқулай эканини ҳисобга олиш керак. Хави ҳеч бўлмаганда янги нарсаларни режалаштириб қўйгани аниқ ва эсда тутингки, каталонияликлар сафида Бускетс Пике каби жаҳон ва Европа чемпиони, Френки Де Йонг каби ажойиб истеъдод, Педри ва Гавидек иқтидорлар бор.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
