"Барселона" сафидаги омадсизликдан сўнг, кўпчилик Филиппе Коутиньони юлдузлар сафидан чиқариб қўйган эди. Аммо бразилиялик АПЛга қайтгач яна ўз ўйинини топиб олмоқда. "Ливерпуль"сафидагига ўхшаш ёрқин ўйинлари қайтиши учун унга Жерард кўмаклашаётгани ҳам бор гап.
Энди “Лидс” бразилияликдан жабр кўрди – Филиппедан бир гол ва иккита голли узатма.
"Астон Вилла" билан учта ўйинда у иккита гол ва иккита голли узатмани амалга оширди. Бунгача эса бу мавсумда "Барселона" сафида 17 та ўйинда атиги иккита гол урган. Ушбу трансформация қандай содир бўлди?
У қандай қилиб Премьер-лигага қайтгани ёдингиздами?
"Барселона" кераксиз футболчилардан қутулиш учун ҳар томонлама ҳаракат қилди. Улардан бири Филиппе Коутиньо эди. Узоқ вақт давомида ҳеч бир клуб унинг талабларини қондиришга тайёр эмас эди. Январь ойига келиб даъвогарлар пайдо бўлди: матбуот "Арсенал", "Фламенго" ва "Тоттенхэм"нинг қизиқиши ҳақида гапирди. Кейин эса кутилмаганда Стивен Жеррард ва “Астон Вилла” унга қизиқиб қолди.
"Ливерпуль" афсонаси ва ўша жамоа таркибида юлдуз бўлган футболчи бирга ишлай бошлади. Бирмингем жамоаси бразилияликни мавсум охиригача ижарага олди. “Астон Вилла” футболчи маошининг 65 фоизини тўлайди, Коутиньо эса қолган 35 фоиздан воз кечди. Жеррард уни ўзига хос деб атади ва “Астон Вилла” мухлислари унинг дебютидан ҳаяжонланишди ва у "Манчестер Юнайтед"га қарши уй учрашувида майдонга тушди.
Майдонга иккинчи бўлимда туширилган Филиппе битта гол киритиб, жамоасини мағлубиятдан сақлаб қолди.
Жеррард Коутиньони дастлабки дақиқаларда майдонга туширмади, балки қийин паллада унга етакчиликни ва майдондаги ўрнини топширди. “Астон Вилла” 2:0 ҳисобида мағлуб бўлаётганди ва 13 дақиқада ўйинни ўзгартирди. 77-дақиқада Ремси битта гол урган бўлса, 81-дақиқада Коутиньо Англияга қайтганидан кейин илк голини урди.
Учрашув 2:2 ҳисобидаги дуранг билан якунланди ва Филиппе дебютдан ва айниқса Жеррард билан бирга ишлаётганидан хурсандлигини яширмади: “Бу ерда эканлигимдан жуда хурсандман, бу катта клуб. Мен Стивни анчадан бери биламан, у билан ўйнадим ва ундан кўп нарсаларни ўргандим. Умид қиламанки, биз муваффақиятли ҳамкорлик қиламиз”.
Жеррард эса ортиқча ҳаяжонга берилмади: «У учун яхши бошланиш. Биз сифатли футболчи билан шартнома имзоладик. Энди унинг ўйин тезлиги устида ишлайлик”.
Жеррард ўзгариш сирини очди, Коутиньо эса қайтганидан хурсанд бўлди
“Манчестер Юнайтед”га қарши ўйиндан сўнг Коутиньо Инстаграмда ўз миннатдорчилигини қолдирди: “Қайноқ қабул учун раҳмат. Бугун кечқурун Вилла Паркда ажойиб муҳит”.
Ҳиссиётлар ҳақиқатан ҳам Коутиньони босиб олди. BBC билан суҳбатда у ўйин олдидан бироз асабийлашгани ва бундай ўйинларни ўтказиб юборганини айтди. Бразилия терма жамоасидаги ўйинлардаги эйфория ҳақида гапирди: Коутиньо 2021 йилнинг октябридан бери илк бор чақирув олди ва у Парагвай дарвозасига гол урди.
Коутиньо қайтганидан кейин АПЛнинг учинчи ўйинида ҳам яхши ўйин кўрсатди (у “Эвертон” билан ўйинда гол ура олмади). "Астон Вилла" биринчи бўлимда "Лидс"дан тезкор гол ўтказиб юборди. Кейин эса Коутиньо аввалига ўзи гол урди ва 6 дақиқада иккита голли узатма амалга оширди.
Коутиньо Астон Вилла билан 3 ўйинда майдонга тушиб, 4 та голда иштирок этди. Коутиньо АПЛни умуман тарк этмаслиги керак эди шекилли.
Жеррард ўзгариш сирини очиб берди: “Филиппе ўзини севишини ва қўллаб-қувватланишини ҳис қилиши керак, мен ҳам худди шундай эдим. Агар биз ўйиндан завқланадиган бахтли Филиппени олсак, унинг истеъдодини кўрамиз."
Ҳаммаси амалга ошгунча. Тўғри, жамоанинг қолган қисми порламайди. Коутиньонинг уринишларига қарамай, “Астон Вилла” устунликни сақлаб қола олмади ва “Лидс” билан 3:3 ҳисобида дуранг ўйнади. Жеррард қўл остида клуб 11 учрашувдан бештасида ғалаба қозониб, ўртача 1,45 очко жамғарган.
Миржалол Пардабоев тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
