"Арсенал" ҳужумчиси Тео Уолкот янги мавсумдан бошлаб соф ҳужумчи сифатида ўйнашни кўзламоқда.
"Мен тажовузкор ўйин кўрсатишни хоҳлайман, мураббий мендан шуни кутмоқда. Бунда куч ишлатишни эмас, ҳужумга киришишни назарда тутяпман. Айнан шу услубда ўз ўйинимни кучайтиришим керак. Ўзимнинг энг яхши ўйинимни кўрсатсам, мен тажовузкорга айланаман ва оёқларимга жароҳат етишидан ҳайиқмайман.
Мен ҳар бир ўйинда қанотлардан учта қулай тўп оширишни ва камида икки марта дарвоза томон зарба беришни мақсад қиламан. Жамоа учун бурчак тўплар ва жарима зарбалари керак нарсалар, бунда жамоанинг гол уришга бўлган имкониятлари ошади.
Биз мавсумнинг бу палласида жамоамиз тактикасига ўзгартириш киритмоқчи эмасмиз, негаки, учинчи ўрин учун курашяпмиз. Ўйлашимча, мен ҳужум чизиғида ўйнашим керак. Лекин менга ёлғиз ҳужумчи роли ёқмайди, шунинг учун менга жуфт бўлиб ёрдам берадиган яхши ҳужумчи керак. Аммо "Арсенал" бундай схемада ўйнамайди.
Мен мураббийга ўзимни ҳужумга қўйишини талаб қилаверадиганлар сирасидан эмасман. Венгер менга нима учун ўнг қанода ўйнашимни тушунтирган. Лекин умид қиламанки, янги мавсумдан ҳужум марказидан жой оламан", - дея Уолкотнинг сўзларини келтиради Evening Standard.
Матнда хатолик топсангиз, ўша хатони белгилаб, бизга жўнатинг (Ctrl + Enter).