Болгариянинг София шаҳрида 23 февраль, чоршанба куни бокс бўйича халқаро анъанавий Странжа кубогининг тўртинчи кунги баҳслари бўлиб ўтди.
-75 кг вазн тоифасида Саиджамшид Жаъфаров швециялик Мажд Алсафади устидан ғалаба қозониб, чорак финалга йўл олди. +92 кг кг вазн тоифасидаги Лазизбек Муллажонов эса россиялик Ярослав Дороничев 5:0 ҳисобида мағлуб этди. Муллажонов ярим финалда қозоғистонлик Сапарбай Нурлан билан баҳс олиб боради.
Аввалроқ, Ҳасанбой Дўстматов россиялик Евгений Мартиновни 5:0 ҳисобида енгиб, ярим финалга йўл олганди.
Шу ва бошқа натижалар билан қуйида танишинг:
Эркаклар:
-51 кг: Ҳасанбой Дўстматов – Евгений Мартинов (Россия) 5:0
-75 кг: Саиджамшид Жаъфаров – Мажд Алсафади (Швеция) 5:0
+92 кг: Лазизбек Муллажонов – Ярослав Дороничев (Россия) 5:0
Аёллар:
-57 кг: Ситора Турдибекова – Даря Абрамова (Россия) 0:5
-75 кг: Мавлуда Мавлонова – Анастасия Шамонова (Россия) 1:4.
Эслатиб ўтамиз, мусобақанинг биринчи кунги баҳсларида олти нафар ўзбекистонлик боксчи жанг қилди ва барчаси ғалаба қозонди. Иккинчи кунги баҳсларда 5 нафар боксчи ўз жангини ғалаба билан якунлади. 22 февраль кунги баҳсларда 4 ўзбекистонлик боксчи рингга кўтарилди. Абдумалик Ҳалоков, Одилжон Аслонов ва Мадиёр Саидраҳимов кейинга босқичга йўл олган бўлса, Райҳона Қодирова Косово вакилига ютқазиб қўйди.
Матнда хатолик топсангиз, ўша хатони белгилаб, бизга жўнатинг (Ctrl + Enter).