Бугун сиз билан жаҳон футболида содир бўлмайдиган воқеалар ҳақида гаплашамиз. Футболдаги воқеаларни олдиндан айтиб бўлмаслиги ҳаммага маълум, шубҳаланишга мутлақо асос йўқ. Аммо шундай ҳолатлар борки, улар ҳеч қачон амалга ошмаслигини сиз ҳам биласиз.
Энди футболда ҳеч қачон ва ҳеч қандай шароитда бўлмайдиган воқеалар ҳақида сўз юритамиз.
Неймар ҳеч қачон "Олтин тўп"ни қўлга кирита олмайди
"ПСЖ"нинг бразилиялик ҳужумчиси аллақачон 30 ёшда. Неймар ўзининг ёши, мавжуд хизматлари ва шон-шарафига қарамай, кўпчилик томонидан ҳали ҳам истиқболли деб ҳисобланади. Улар ундан ақл бовар қилмайдиган ва ҳақиқатан ҳам муҳим нарсани кутишда давом этадилар. Бироқ, унинг максимал ютуқлари Франция чемпионати доирасида қолиб кетмоқда. Агар сиз "ПСЖ" каби клубнинг ўйинчиси бўлсангиз, унда мақтанишнинг маъноси йўқ, шунингдек, 2019 йилда Бразилия терма жамоаси билан қитъа чемпионлиги ва 2016 йилги Олимпия ўйинлари олтин медали Неймарнинг терма жамоа учун қўлга киритган ютуқлари сирасидан.
Ҳужумчининг шахсий муваффақиятига келсак, у 2012 йилда дунёнинг энг яхши ёш футболчиси ва 2015 йилда Лионель Мессига насиб этган "Олтин тўп" учун курашда учинчи ўрин соҳиби бўлган. Ҳа, Месси! Эслатиб ўтамиз, аргентиналик 30 ёшида бешта "Олтин тўп"ни қўлга киритиб бўлганди.
Роналду ва Месси ҳеч қачон Жаҳон чемпиони бўлмайди
Португалиялик Криштиану Роналду 37 ёшда, аргентиналик Лионель Месси эса июнь ойида ўзининг 35 ёшини нишонлайди. Ўзларининг буюклиги билан улар ҳалигача ўз терма жамоалари билан Жаҳон чемпионатларида ғолиб чиқмаганликлари ҳеч кимни ҳайратда қолдирмайди. Ва улар назарий жиҳатдан бу имкониятни сақлаб қолишса ҳам, бундай муваффақиятга эриша олмайдилар.
Месси учун Аргентина терма жамоаси ва унинг ғалабалари умуман оғриқли мавзу. У фақат ўтган 2021 йилнинг ёзида у фаолиятида илк бор (!!!) терма жамоадаги шериклари билан соврин қўлга киритишга муваффақ бўлганди. Бу Америка кубогида содир бўлди.
Португалия терма жамоасидаги Роналду совринлар билан бироз яхшироқ ишламоқда. 2016 йилда португаллар Францияда ўтказилган Еврони қўлга киритиб, 2018/2019 йилги мавсум якунларига кўра, УЕФА Миллатлар Лигаси ғолибига айланишди.
Қатарда бўлиб ўтадиган жаҳон чемпионати Роналду учун ҳам, Месси учун ҳам фаолиятидаги сўнгги жаҳон чемпионатидир. Кейинги 2026 йилга қадар улар катта эҳтимол билан фаолиятларини якунлашади. Аммо бўлажак жаҳон чемпионатида на Португалия, на Аргентина термалари чемпион бўлишига шахсан мен ишонмайман. Португалия ҳали Жаҳон жаҳон чемпионати йўлланмамасига эга чиққани йўқ, март ойида улар Туркия билан саралашнинг сўнгги босқичида ярим финалда ўйнайди, шундан сўнг ғалаба қозонса, Италия ва Шимолий Македония учрашуви ғолиби билан тўқнаш келади.
Аргентина бўлажак жаҳон чемпионатига ҳозирданоқ тайёргарлик кўриши мумкин.
Мбаппе ва Холанд ҳеч қачон битта клубда ўйнамайди
Кўринишидан, тарих Килиан Мбаппе ва Эрлинг Холандни футбол модасининг асосий тенденциялари ва келгуси йилларда турли чўққилар, рекордлар ва ютуқларни забт этувчиларга айланишларини хоҳлайди. Ўзларининг потенциаллари ва қобилиятлари нуқтаи назаридан улар сайёрадаги барча футболчилардан устун туриши мумкин.
Ҳозирда 23 ёшли франциялик Мбаппе "ПСЖ" шарафини ҳимоя қилмоқда ва биласизки, у келажакда ўзини Париж клубида кўрмаяпти. Ҳаммаси ёзда у Франция пойтахтини тарк этишига боғлиқ. Миш-мишлар ва турли инсайдерлар Килианни келажакда "Реал Мадрид" билан боғлашмоқда. Дортмунднинг "Боруссия"сида ўйнаётган 21 ёшли Холандга Галактикос ҳам катта қизиқиш билдирмоқда. Шунингдек, ушбу ёзда ҳужумчи 75 миллион евро эвазига "бамблар"ни тарк этиши мумкин.
Мбаппе ҳам, Холанд ҳам тан олиш керакки шон-шуҳрат ва муваффақиятга эришмоқчи. Ҳам жамоавий, ҳам шахсий даражадаги ютуқлар уларга кераклиги табиий. Катта шахсий мақсадларга улар бир клубда ўйнаб эриша олмайдилар. Ва жамоа муваффақиятлари ҳеч қачон шахсий ғалабаларга тўсқинлик қилмайди. Шундай экан, бу ҳужумчилар ҳеч қачон бир жамоада бирга ўйнамайди.
Гвардиола ҳеч қачон "Реал Мадрид" бош мураббийи бўлмайди
51 ёшли Хосеп Гвардиоланинг авлодлари каталониялик. 1971 йил 18 январда у ҳозирги 7000 киши яҳайдиган Сандепор шаҳрида туғилган. У футболдаги фаолиятини "Барселона" академиясидан бошлаган ва бу академияда, шубҳасиз, ўз она юртига, ватани Каталонияга бўлган туғма меҳрини кучайтирган.
Профессионал футболчига айланиб, у фаолиятининг 11 йилини "кўк-анорранглилар"га бағишлади. Хосеп 30 ёшидан кейингина легионер мақомига эга бўлган. У Италияда "Брешия", "Рома" кейин эса Қатарнинг "Ал-Аҳли" ва Мексиканинг "Дорадос де Синалоа" клубларида ўйнаган.
Гвардиола мураббийлик фаолиятини "Барселона"да бошлаган. Аниқроғи, унинг ёшлар жамоасида. Бироқ, бир йил ўтиб, 2008 йилда у асосий жамоани бошқарган. Клуб билан у жами 14 та совринни қўлга киритди, иккитаси Чемпионлар лигасида. Хосеп шундан кейин "Бавария"ни бошқарган ва ҳозирда "Манчестер Сити"ни бошқармоқда.
У кўп жиҳатдан "Реал Мадрид" каби клуб амбицияларига мос келадиган юқори даражадаги мураббий. Бироқ, Хосеп Гвардиоланинг "Сантьяго Бернабеу"да жамоа бош мураббийи ўриндиғида ўтирганини мен тасаввур қила олмадим, сиз-чи бу борада қандай фикрдасиз?
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
