«Реал»нинг Мбаппе ва Холандни қўлга киритиш учун қилган ҳийласи ошкор бўлмоқда. Хўш унда жамоа Килиан учун 200 миллион евро тўлашга тайёрмиз, деб ёлғон гапирганмиди?
Айни дам «қироллик клуби» ҳар иккала футболчини ҳам қўлга киритишлари мумкин. Испаниялик журналист Чирол Лопес «Реал Мадрид»нинг таниқли инсайдерларидан бири ҳисобланади. У асосан стриминг билан шуғулланади ва матбуотда фақат мутахассис сифатида кўриниш беради, лекин аслида у El Chiringuitoдаги машҳур теледастур муаллифларидан бири эканлигини кўпчилик билмаса керак. У биринчи бўлиб Серхио Рамоснинг «Реал»дан кетиши ҳақида хабарлар тарқатган эди. Мадридда Рауль ва Алонсо мураббийлик учун асосий даъвогар эмаслигини айтган ва ҳоказо.
Энди эса Лопес Килиан Мбаппе ва Эрлинг Холанд ҳақида сўнгги маълумотларни тақдим этди. Бир сўз билан айтганда, «Реал» иккаласини ҳам сотиб олишни хоҳлайди, лекин атайлаб бу йўлда ҳаммани чалғитиши мумкин.
• Холанд билан келишув шахсан Флорентино Перес томонидан амалга оширилади, шунинг учун оммавий ахборот воситаларига бу хабарларнинг сизиб чиқиш имконияти камроқ. Музокаралар тафсилотлари ва бориши ҳақида фақат Переснинг ўзи ва унинг бир-икки энг яқин ёрдамчиси билади холос.
• Лопес қайд этади: «Боруссия» бош мураббийи Ханс-Йоахим Ватцке Перес билан учрашган, Холанднинг отаси ҳақиқатан ҳам Марбельядан сарой сотиб олган. Бу албатта, ниятларнинг жиддийлигини кўрсатиши мумкин. Бундан ташқари, журналистнинг таъкидлашича, «Реал»нинг ўзи аллақачон Холанд билан келишувга эришганини ҳам таъкидламоқда. Аммо улар фақат дастлабки музокаралар холос.
Норвегияликнинг хариди бутунлай Килиан Мбаппенинг эҳтимолий трансферига боғлиқлигини унутмаслик керак.
«Реал Мадрид» Мбаппе учун фақат бир таклиф билан чиққан холос. Ўтган ёзда «қаймоқранглилар» Килиан учун 100,50 миллион евро атаган эди. Бироқ Мадрид клубининг ПР бўлими журналистларга 220 миллион евро ҳақидаги махсус маълумотларни жўнатган, бироқ аслида бундай таклифлар бўлмаган. «ПСЖ» бундай маълумотлардан ғазабланди, чунки улар Перес нимага эришмоқчи эканлигини тушунишади. Асл гап ҳам шу ерда: «Реал Мадрид» Мбаппега ҳар қандай ҳолатда ҳам у билан шартнома имзолашга тайёрлигини кўрсатиб қўйди – токи франциялик футболчи парижликлар билан битимни янгиламаслиги учун. Мадридликлар бундан бир-икки йил олдин Килианни сотиб олмоқчи эмас эди, чунки улар 100 миллиондан кўпроқ тўлашга тайёр бўлмаган. «ПСЖ»га эса бу миқдор табиийки, ёқмаган.
Перес ҳаттоки «ПСЖ» билан музокаралар олиб бориш учун клуб президенти билан ҳам учрашди, 31 август куни шошилинч йиғилиш ҳам бўлиб ўтди, лекин аслида у ерда ҳеч нарса муҳокама қилинмади. Бу «Реал» томонидан амалга оширилган босимнинг очиқча кўриниши эди. Мадридликлар «ПСЖ»нинг рад этишини англаб, Хосе Анхель Санчесни Парижга музокарага жўнатган. Агар «Реал» ўтган ёзда Мбаппе учун 200 миллион тўлаганида, якунда Холанд учун кураша олмаган бўлар эди. Ҳозир эса Мадрид клуби иккала футболчи учун ҳам фаол кураш олиб бормоқда.
Хўш, Перес нега бундай қилди?
«Реал Мадрид» раҳбарининг фикрича, агар шартномаси тугашига бир йил қолган футболчи учун 200 миллиондан кўпроқ пул талаб қилинса, бу «ПСЖ»нинг мантиқий омиллардан анча узоққа чиқиб кетганини англатади. Парижликлар 2019 йилдан бери «Реал»нинг Мбаппега қизиқишидан хабардор, аммо уни клубда олиб қолиш учун айтарли ҳеч нарса қила олмаяпти.
Шу боисдан ҳам ўтган ёзда «ПСЖ» спорт директори Леонардо жуда ғазабланганди - бразилияликнинг клубдаги тақдири Мбаппенинг келажагига боғлиқ. Агар Килиан ёзда «Реал»га эркин агент сифатида кетса, Носир Ал-Хелайфи уни истеъфога чиқариши аниқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
