Туркиянинг «Бешиктош» клуби хавбеки Миралем Пьянич Дибала билан суҳбати, Туркия сафари, Италия ва «Ювентус» ҳақида гапирди.
У Италияга қайтишни хоҳлаётганини тан олди ва Пауло Дибаланинг «Ювентус» билан шартномасини узайтирмасликка қарор қилганидан кейин у билан қурган суҳбатини айтиб берди.
«Истанбул ажойиб шаҳар, тирбандликдан ташқари ҳаммаси жойида. Лекин мен Италияни унутмайман, бу менинг иккинчи уйим», - дейди Пьянич La Gazette dello Sport нашрига берган интервьюсида.
«Италияни соғиндим ва очиғи, қайтишдан хурсанд бўлар эдим. Италиянинг жаҳон чемпионатига чиқа олмагани? - Бу хабар мени том маънода ҳайратда қолдирди.
Ўтган йилнинг ёзида мен Куман билан ишлашни давом эттира олмадим, у менга очиқчасига ҳурматсизлик қилди. Лапорта жамоага Хавини таклиф қилиб ажойиб қарор қабул қилди. Энди жамоа кучли ва ҳар жиҳатдан бирлашгандек кўринмоқда.
Нима қилиш кераклигини ҳамма жуда яхши билади. Ўша пайтда «Ювентус» билан бир неча бор алоқалар бўлган эди, аммо якунда иқтисодий сабабларга кўра бу трансфер қайта яна амалга ошмай қолди. Мен учун пул муҳим эмас эди. Мен ўзимни лойиҳанинг муҳим қисми сифатида ҳис қилиш ва скудеттони қўлга киритишни хоҳлардим. Мен ғалаба қозонишга чанқоқман, тажрибалиман, деярли 700га яқин ўйин ўтказдим. Ахир мен мураббийлардан ўзим учун муҳим нарсани талаб қилишга ҳаққим бор, шундай эмасми? Мен эркин ҳаракат қилишни, жамоада ўз ўрним бўлишини хоҳлайман.
Сарри? - У футболдаги том маънодаги ақлдан озган шахс, ҳақиқий топ-мураббий. Ўша пайтда мен ҳар бир ўйинда ўртача 150 марта тўпга тегинар эдим ва ўз футболимни ўйнашдан роҳатланар эдим.
Аллегри? - Мен уни мураббий сифатида, ҳатто шахс сифатида ҳам ҳурмат қиламан. Уни танқид қилиш аҳмоқлик бўлар эди. Ўйлайманки, у «Ювентус» учун тўғри танлов ва натижалар унинг яхши иш қилаётганини кўрсатмоқда. Ҳеч ким уни босим остида ишлаётган мураббий деб ўйламайди. 2018 йилни эслайман, биз «Интер»ни 3:2 ҳисобида мағлуб этгандик. Ўшанда у ажойиб нутқ сўзлади, у бутунлай хотиржам, лекин масъулиятни кучли ҳис этаётгани билиниб турар эди. Охир-оқибат айнан шу хотиржамлик бизни чемпионга айлантирди. «Нерадзуррилар» билан баҳсда менга сариқ карточка кўрсатмагани учун кўпчилик бош ҳакамни танқид қилади. Бироқ бу мавзу ҳақида гапиришни тўхтатиш керак. Бошқа нарса ҳақида гапирайлик. Мен тўп учун сакраб чиққан эдим, ҳеч кимга зарба бериб юбориш ниятим йўқ эди. Мен иккинчи сариқ карточка олишим мумкинлигини билар эдим, лекин биринчиси ноҳақ берилган.
Мен одамлар Орсатонинг ўша қарорини эмас, балки гўзал футболимизни эслашларини истардим. «Ювентус» ва «Интер» ўртасидаги бўлажак ўйиндан кутётган тахминларим кўп. Жамоалар имкониятини тенг баҳолаган бўлар эдим. Ўйлайманки, Пауло Дибала ўйин тақдирини ҳал қила олади. Назаримда, у ўйинни асосий таркибда бошлайди. Паулода ғалаба қозониш менталитети бор, у барчасига тайёр бўлади.
Мен Дибала «Ювентус» билан шартномани узайтирмаслигини билгач, дарҳол унга ёздим. У менинг дўстим ва мен у билан ўйнашни доим ёқтирганман. Суҳбат чоғида унга буюк чемпион эканлигини эслатдим, у эса менга раҳмат айтди. Мен унинг ҳис-туйғуларини яхши тушуниб турибман. У ҳар доим яхши формада ўйнаган, ҳеч қачон ўзини аяган ҳолда муҳим учрашувлардан воз кечмаган. Бироқ, мен раҳбариятнинг позициясини ҳам тушунаман. Раҳбарият тўғридан-тўғри кескин ҳаракат қилмоқда. Ўйлайманки, улар клубнинг муайян ғояларига кўпроқ мос келадиган ўйинчилар билан янги лойиҳани бошладилар.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
