Сўнгги йилларда «Олтин тўп» можаролари сабаб France Football нашри кўплаб танқидларига учради. Аммо шунга қарамай, ушбу индивидуал мукофот ҳанузгача жаҳон футболидаги энг нуфузли мақомини сақлаб келмоқда. «Олтин тўп»нинг тарихи ва обрўси борки, бу сўнгги йилларда адолатсиз кўринган натижаларига қарамай, унга чек қўйишга имкон бермайди.
Хўш, ва энг муҳими: «Олтин тўп» тақдимоти қишдан ёзга қолдирилди. Энди футболчилар календарь йиллари бўйича эмас, балки «куз-баҳор» тизими бўйича ўтадиган чемпионатлар бўйича баҳоланади. Шундай қилиб, соврин учун даъвогарларнинг «Олтин тўп»ни қўлга киритиш учун икки ойдан камроқ вақти қолди.
Месси ҳам худди Роналду каби «Олтин тўп»га даъвогар эмас
Агар «Олтин тўп»га даъвогарлар рўйхатини тузадиган бўлсак, у ҳолда Роналду Мессидан юқорироқ ўринларни эгаллаши аниқ. Португалияликларнинг ўрни тахминан иккинчи ва учинчи ўнликларда жойлашиши мумкин. Мессида эса энг яхши 50 таликка кира олмаслик хавфи ҳам бор. Шу сабаб совриннинг асосий 10 та даъвогарига алоҳида тўхталиб ўтмоқчимиз.
«Олтин тўп» учун кучли 10 та даъвогар
Агар кучли ўнликдан четда турганлар ҳақида гапирадиган бўлсак, Эрлинг Холанд (жароҳатлар норвегиялик футболчининг юқорироқ бўлишига тўсқинлик қилди), «РБ Лейпциг»да мавсумни ажойиб ўтказаётган Кристиан Нкунку, Трент Александр-Арнолдни эслатиб ўтишимиз керак. «Ливерпуль» ва «Манчестер Сити»нинг яна бир қанча футболчилари - Бернардо Силва, Фил Фоден, Рахим Стерлинг. Шунингдек, Томас Мюллер, Чемпионлар Лигасида қаторасига еттита ўйинда гол урган Себастьян Аллер ва Душан Влаховични алоҳида таъкидлаш жоиз.
10. Кевин Де Брюйне (Манчестер Сити; Англия) = 35 ўйинда 14+8 (гол ва ассист)
Бельгиялик футболчи мавсумни қийин бошлади, аммо 2022 йилда у ўзининг энг яхши даражасига қайтди ва яна «Манчестер Сити»да муҳим роль ўйнашни бошлади. Айнан Кевиннинг голи «шаҳарликлар»га Чемпионлар лигасининг чорак финали доирасидаги қийин ўйинда «Атлетико» устидан ғалаба қозонишга ёрдам берди. Бельгияликнинг «Олтин тўп»га эришиш қийин бўлади, лекин агар «Сити» Премьер-лига ва Чемпионлар лигасида ғалаба қозонса ва бу муваффақиятларда Де Брюйне катта роль ўйнаса, кучли бешликка кириши мумкин.
9. Диого Жота («Ливерпуль»; Португалия) = 41 ўйинда 20+3
Жота нафақат клуб сафидаги ўйинларда, балки Португалия терма жамоасининг ЖЧ-2022га чиқишига ёрдам берди. Диого Туркия ва Шимолий Македонияга қарши плей-офф учрашувларида самарали ҳаракатлари билан ўзини кўрсатди. Шунингдек, у «Ливерпуль»нинг ҳужумидаги энг самарали футболчилардан бирига айланади.
8. Риёд Маҳрез («Манчестер Сити», Жазоир) = 37 ўйинда 22+7
«Манчестер Сити» футболчиларини шахсан ажратиб кўрсатиш қийин: Гвардиола яхши ҳаракат қилмоқда, аммо тизим индивидуал маҳоратдан муҳимроқ. Шунга қарамай, Маҳрезнинг статистик маълумотларини эътиборсиз қолдириб бўлмайди: у жорий мавсумда «шаҳарликлар» сафида 22 та гол уриб, 7 та голли узатмани амалга оширган.
7. Винисиус Жуниор (Реал Мадрид, Бразилия) = 41 ўйинда 17+15
Винисиус 2021/22 йилги мавсумда сезиларли даражада ўсишга эришди, аммо унда ҳали ҳам ўйинларини яхшилаш учун жуда катта имкониятлар бор: агар у тажриба тўпласа, дунёнинг энг яхши футболчисига айланиши мумкин. Аммо 21 ёшида ҳам бразилиялик «Реал Мадрид» ҳужумидаги иккинчи энг муҳим ўйинчи. Вини 30 дан ортиқ самарали ҳаракатларни амалга оширди. У бу йил эмас, эҳтимол бир неча йиллардан кейин «Олтин тўп» учун асосий даъворга айланар?!
6. Садио Мане («Ливерпуль»; Сенегал) = 38 ўйинда 15+7
Садио Манега энг юқори чўққига чиқиш учун голлар ва голли узатмалар етишмаяпти, аммо унинг жамоавий муваффақиятларини эътиборсиз қолдириб бўлмайди: у ўз жамоаси билан Африка Миллатлар кубогида ғолиб чиқди, шунингдек, ЖЧ-2022га йўл олди ва иккала ҳолатда ҳам ҳал қилувчи пенальтилар тепди. Бу эпизодлар камтарин Садиони миллий қаҳрамонга айлантиради.
5. Лука Модрич («Реал», Хорватия) = 36 та ўйинда 3+8
Ҳужумкор ўйинчиларда ҳар доим индивидуал совринлар учун имконият кўпроқ бўлади, гарчи Модрич аллақачон битта «Олтин тўп»ни қўлга киритиб, одатий тартибни бузган. Индивидуал ўйин фақатгина гол ва голли узатмалардан иборат эмас. Модрич ўйиннинг ажойиб меъмори ва ёши унга тўсқинлик қилмайди. Аммо биз Луканинг «ПСЖ» ва «Челси»га қарши ўйинларда ажойиб голли узатмаларини эсламасдан иложимиз йўқ.
4. Муҳаммад Салоҳ («Ливерпуль»; Миср) = 38 ўйинда 28+10
Салоҳнинг 40 га яқин гол уриши жуда зўр, аммо Муҳаммад терма жамоа билан ҳал қилувчи ўйинларда мағлуб бўлди ва ўтган йил охирида ажойиб ўйин намойиш этди, мавсумнинг ҳал қилувчи палласида эса мисрликнинг ўйинларида пасайиш кузатилмоқда: у 2022 йилда «Ливерпуль» таркибида бор-йўғи 3 та гол урганлиги, бунинг яққол исботи. Бироқ, бу билан Салоҳнинг натижалари пасайиб кетгани йўқ. Чунки у шунда ҳам ажойиб статистикага эга ва агар у апрель ва май ойларида ғалаба қозонса, «қизиллар» билан камида 1 та совринни қўлга киритса, ким билади...
3. Килиан Мбаппе (Пари Сен-Жермен; Франция) = 38 ўйинда 28+20
Мбаппенинг келажаги парда ортида ҳал қилинганига қарамай, у ажойиб мавсум ўтказмоқда. Агар Неймар ва Месси унга янада ёрдам беришса, Мбаппе ҳам «Олтин тўп» учун асосий даъвогар бўлиши мумкин эди, аммо Чемпионлар Лигасини эрта тарк этганидан сўнг, Килиан совриндан умидини узган бўлса ажаб эмас.
2. Роберт Левандовски («Бавария», Польша) = 39 ўйинда 45+4
Левандовски «Олтин тўп»га яна бир бор яқин келди, аммо Бенземадан ўзиб кетиш учун Чемпионлар лигасиҳал қилувчи баҳсларида иштирок этиш керак. Янги қоидалар жамоа совринлари аҳамиятини қанчалик камайтирмасин, «Олтин тўп» учунасосий даъвогарни Чемпионлар лигаси аниқлайди.
1. Карим Бензема (Реал Мадрид; Франция) = 36 ўйинда 37+12
«ПСЖ» ва «Челси»га қарши ўйинларда хет-трик билан кўпчиликнинг меҳрини қозонган Бензема томонида бу йилги «Олтин тўп»нинг асосий даъвогари ҳисобланади. Голлар бўйича Роберт олдинда, аммо Карим голларда кўпроқ қатнашган, шунинг учун биз самарали ҳаракатлар миқдори бўйича тенгликни кўрамиз. Хўш, нега айнан Бензема? Сабаби у Миллатлар лигасида Франция термаси билан бельгиялик ва испанлар дарвозасига ғалаба голини урган. Бу Бенземанинг плюс томонига ишлайди, аммо Чемпионлар Лигаси 2021/22 йилги мавсумда «Реал» ғалаба қозонмаса, Каримнинг натижалари пасайиб кетиши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
