2020 йил Суперлигадаги 13-ўйин арафасида «Андижон» банкротлик ёқасига келиб қолгани сабаб мусобақадан чиқиб кетишини билдирди ва вилоят клубни молиялаштиришни бошқа тадбиркорга топширди.
Режа бўйича клубнинг янги эгалари эски қарзларни қоплаб бериши ва аввалгилар сувдан қуруқ чиқиб кетиши керак эди. Бироқ нормал жамиятда эскилар ўтган давр мобайнида қандай ишлагани, вилоят ҳокими ва GM томонидан берилган пуллар, чипталар савдосидан тушган даромад ва ҳоказолар нималарга сарф этилгани аудит қилиниши шарт. Гарчи улар ўз олдимиздан пул тикиб, клубни ушлаб турдик деган лофни илгари сурса-да, аслида вилоят ҳокимияти отамиз, GM онамиз деб ўзлари интервьюлар беришди. Клубни молиялаштириш ҳазилакам иш эмас. Бирор катта ишлаб чиқариши ёки қудратли заводи йўқ қандайдир тадбиркор клубни бемалол ушлаб туриши қийин масала.
ПФЛ бошқа таклиф билан чиқди. Биз клубнинг янги эгаларига Биринчи лигадаги «Андижон II» клубини молиялаштириш ва маҳаллий ёшлар билан вилоят футболини кўтариш таклифини бердик. Улар ҳам бунга рози бўлди. Ҳеч бир қарзсиз, ҳаммасини нолдан бошлаб, ёш футболчилар билан кўтарилиш энг тўғри йўналиш. 1-2 йил вақт кетади, муҳими тизим тўғри йўналишга ўтади.
Аммо вилоят бунга рози бўлмади. 29 август куни "Соғлом авлод" стадионида йиғилиш бўлиб ўтди ва клубнинг янги таъсисчиси таништирилди.
Янги тадбиркор клубнинг футболчи ва мураббийлар олдидаги барча қарзларини тўлашга рози бўлди ва ўтган давр ичида бунинг учун 2,150 млрд сўм пул сарфлади. Қолган қарзлар вилоят ҳокимининг кафолат хати асосида вилоят ҳокимияти гарданига тушди.
Кўринишидан ўша вақтда вилоятга футбол керак эди. «Андижон»нинг бирданига йўқ бўлиб қолиши катта минус эди. Бироқ иш битгач, кўряпмизки, вазият бошқа йўналишга ўтди.
Ваҳоланки, юқоридаги 2 млрд сўм ва 2020 йил якунига қадар эски клуб учун ишлатилган пулга «Андижон II» жамоасини маҳаллий иқтидорлар билан бемалол Про лигага олиб чиқиш ва тўғри тизимни кейинчалик янада ривожлантириш мумкин эди. Ҳозир эса клуб барибир ўша-ўша Про лигада турибди. Бироқ ҳолати оғир. Тадбиркор эса футболдан хафа. Айримлар кишилар эса мана бизнинг жамоа деб, «Андижон II» билан фахрланиб турибди.
Савол: ақл кечроқ кирдими ёки исталган тадбиркор бўйнига каттароқ муаммони қўйиб, кейин четга чиқиш урф бўлдими?
Диёр Имомхўжаев.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
