Бугун 3 апрель, 2025 йил, пайшанба.

Турнир жадвали

Жамоа Ў О
1 ОКМК 3 9
2 Бунёдкор 3 7
3 Динамо 3 7
4 Бухоро 3 6
5 Хоразм 3 6
6 Навбаҳор 3 5
7 Насаф 3 5
8 Пахтакор 3 3
9 Андижон 3 3
10 Нефтчи 3 3
11 Қўқон-1912 3 3
12 Қизилқум 3 3
13 Машъал 3 3
14 Шўртан 3 1
15 Сўғдиёна 3 0
16 Сурхон 3 0

Ўтган ўйинлар. 3-тур

3-тур Хоразм 1-4 Бухоро
3-тур Қўқон-1912 0-0 Шўртан
3-тур Қизилқум 1-3 ОКМК
3-тур Навбаҳор 2-2 Андижон
3-тур Бунёдкор 3-1 Сурхон
3-тур Насаф 0-0 Нефтчи
3-тур Машъал 1-0 Сўғдиёна
3-тур Пахтакор 0-1 Динамо

Сўровнома

  • Ўзбекистоннинг қаеридансиз?

  • Натижалар | Жами овоз: 20117 та.
  • Сўровномалар архиви

ТВ дастурлар

Блогдаги ўзгаришлар

Теглар булути

Хабарлар архиви

Манчестер «қизил иблислар» қўлига қайтадими?

Баҳо:
+ | -
ЕВРОПА / Миллий чемпионатлар / Англия Премьер-лигаси
Рукн: Таҳлил ва Мақолалар
A A A

Бундан ўн йил аввал Манчестер шаҳрида инқилоб содир бўлди. Ўша мавсумда (2011-2012) Англия премьер лигасининг бош совринини Манчестер шаҳрининг бошқа жамоаси қўлга киритди. "Манчестер Сити" бутун шаҳарни мовий рангга бўяди ва бундан буён бу шаҳарда иккита катта клуб борлигини эълон қилди.

Лекин ўша пайтларда "Манчестер Юнайтед" мураббийи бўлган Сер Алекс Фергюсон тизгинни қўлдан бой бермади. У кейинги мавсумдаёқ чемпионликни "қизиллар" қўлига қайтарди ва бошини баланд кўтариб жамоани тарк этди.

Фергюсон кетганидан буён орадан ўн йил вақт ўтди. Ўн йилдан бери шаҳар мовий тусга бурканган. Гвардиола қўлида "Манчестер Сити" борган сари ваҳшийлашиб бораётганда "Манчестер Юнайтед" турли хил мураббийлар қўл остида мухлисларини ранжитиб келди. Ўн йилда жамоа икки дона совринни қўлга киритди. Улардан бири Англия кубоги бўлса, иккинчиси Европа лигасининг бош совринидир. Лекин бу натижалар билан мухлисларни алдаб бўлмасди, чунки бу турнирлар иккинчи даражали эканлигини барча яхши биларди.

Бу йиллар давомида "қизил иблислар" ишқибозлари анча қийналишди. Мураббийларнинг бирин-кетин алмашиши, нотўғри амалга оширилган трансферлар, титулсиз қуруқ ўтган мавсумлар мухлисларни тинкасини қуритди. Лекин шу мавсумнинг аввалида уларнинг қуриб бораётган қалбларида умид новдалари куртак ёзди. Жамоага Роналду, Варан каби катта футболчилар олиб келинди. Ҳамма хурсанд.

Кўпчилик "Манчестер Юнайтед"ни чемпионлик учун асосий даъвогарлардан қилиб кўрсатди. Лекин бу футболчилар Сульшер бунёд этаётган жамоага мос келмади, натижада мураббий жамоани уларга қараб мослай бошлади. Ўз ғоясидан воз кечган Сульшер эса, бу қарори хато эканлигини кеч тушуниб этди ва истеъфога чиқарилди.

Навбатдаги мураббий Ральф Рангник эса жамоада жудда катта ўзгаришларни амалга оширолмади. Жамоа ҳали ҳам инқироз кўчасида, ўзига ярашмайдиган ўринларда юрибди. Мухлислар германиялик мутахассисдан умидларини узиб бўлишган, Рангникнинг вазифаси, жамоани эсон-омон йилни охиригача етказиб қўйишдир.

ЭРИК ТЕН ХАГ

Ҳаммаси аввалгидек, лекин бу сафар бошқача. Клуб раҳбарияти доимгидек муваффақиятсиз мавсумни мураббийнинг бўйнига қўйиб ишдан бўшатади ва ўрнига бошқа мураббийни олиб келади. Лекин бу сафар бошқача, жамоа ўз имзосига эга бўлган мураббий қўл остига ўтяпти. Ниҳоят "Манчестер Юнайтед" юлдузларига таяниб эмас, тизимли футболи эвазига натижа қайд этадиган бўлди.

Мухлислар ва кўплаган футбол экспертлари нидерландиялик мутахассис вариантини тўғри деб қабул қилишди. Нима учун? Уни тизимли футболидан бошқа нимаси бор? Шунча номзодлар ичидан нега айнан у? Буни етарлича сабаблари бор. Тен Хагнинг "Аякс"да тузган жамоасига эътибор қаратадиган бўлсак, қариялар ва ёш истеъдодлар ўртасидаги жарлик устига кўприк қура олганига гувоҳ бўламиз.

Бундан бир неча йил аввал "Аякс" Европа чемпионлар лигасининг ярим финалига етиб келганига асосий омиллардан бири шудир. Де Лигт, Де Йонг, Ван Де Бек каби ёшлар Блинд, Тадич, Шёне ва яна бир қатор қариялар билан яхши чиқиша олишган.

Нидерландия мутахассис шу услубни "МЮ"да ҳам жорий этиши керак. Бундан ташқари энди ёш ҳисобланмайдиган, ўрта ёшли, футболдан узилиб қолган Рэшфорд, Лингард, Марсьяль ва ўзининг "ўгай ўғли" бўлмиш Ван де Бек каби футболчиларни яна футболга қайтариши лозим.

Шу билан биргаликда янги мураббий жамоадаги катта футболчилар билан тил топишиб кетиши зарурдир, акс ҳолда биз Европанинг "Иккинчи Почеттино"сига гувоҳ бўламиз...

Тен Хаг агар шу довонлардан мувқффақиятли тарзда ўтиб олса, "Манчестер Юнайтед"ни чемпионлик пойгасига қайтариши ва шаҳарни яна қизил рангга бўяши мумкин...

Норбой муаллим.

Манба: stadion.uz
Киритилди: 13:13, 24.04.2022. Ўқилди: 3398 марта. Фикрлар: 2 та.

Матнда хатолик топсангиз, ўша хатони белгилаб, бизга жўнатинг (Ctrl + Enter).


Бўлимга тегишли қизиқарли хабарлар

Биласизми, Криштиану Роналду 15 ёшида юрагидаги муаммолар сабаб оғир операцияни бошидан кечирган.

Тўпурарлар жадвали

Футболчи Гол
1 Бунёдкор Луис Качорри 4
2 Пахтакор Игорь Сергеев 2
3 Хоразм Рустамжон Абдуҳамидов 2
4 ОКМК Али Абдураҳмонов 2
5 Қизилқум Элгужа Лобжанидзе 2
6 ОКМК Нодирбек Абдураззоқов 2
7 Сўғдиёна Люпчо Дориев 2
8 Бухоро Шоҳруз Норхонов 2
9 ОКМК Ислом Тўхтахўжаев 1
10 ОКМК Гиорги Папава 1

Сўнгги хабарлар

Бошқа хабарлар →

Конференция

Қаҳрамон Асланов

Онлайн савол-жавоб


Шуҳрат Шокиржонов

Фақат футбол ҳақида


Шерзод Ражабов

Кучли Бешлик


Ҳасанали Қодиров

Онлайн савол-жавоб


барча конференциялар »
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.