Юртимизда футболга бўлган эътибор жуда юқори. Ўзбекистон футболини ривожлантириш учун амалга оширилаётган ишлар таҳсинга лойиқ.
Ҳозирги кунга келиб "Пахтакор" ўйингоҳи тўлиқ таъмирдан чиққан ва унга чим ётқизилмоқда. Футболчилар ва ишқибозларга ажойиб шароитлар яратилган. "Бунёдкор" клубининг янги қурилаётган ўйингоҳига ҳатто Европа клублари ҳам ҳавас билан қарашлари аниқ. 33000 мухлисга мўлжалланган ўйингоҳ Мустақиллик кунига қуриб битказилади. Шунингдек, "Локомотив", "Металлург", "Динамо", "Бухоро", "Шўртан" ва "Насаф" ўйингоҳлари ҳам мақтанишга арзийдиган бўлиб қурилди.
Аммо "Навбаҳор" ўйингоҳининг янгитдан қурилиши ишқибозларнинг юракларига ғул-ғула солмоқда. Йўқ, улар стадионнинг янгитдан қурилишига эмас, балки сиғими икки баробар кичкина бўлишига афсус чекишмоқда. Ҳозирги кунда Европа клублари стадион сиғимини катталаштириш йўлларини излашса, Наманганда эса "Навбаҳор" Марказий ўйингоҳини кичрайтириш билан оворалар.
Узоқга бормайлик, "Насаф" ва "Бунёдкор" жамоалари стадиони сиғимини катталаштириш йўлларини излашмоқда. "Бунёдкор" 15 минглик МҲСК ўйингоҳини 33 минглик қилиб янгитдан қурдирмоқда. Қаршида эса 20000 кишига мўлжалланган стадионни 30 минг томошабинни сиғдира оладиган катта ўйингоҳга айлантиришмоқчи.
Эндиликда эса юртимизнинг энг кўп мухлис тўплайдиган "Навбаҳор"нинг ўйингоҳини икки баробар кичкина қилишмоқчи. Бугунги кунда футбол ишқибозлар учун деб гапирилаётган пайтда "Навбаҳор" фанатларини ҳеч ким ўйламаяпти. Ахир бу кулгилику Наманган аҳли учун 20 мингилик ўйингоҳ. Керак бўлса, "Навбаҳор" ўринбосарлари ўйнаса бундан кўп мухлис киради. Шундай экан стадион сиғимини ошириш лозим. Шундагина футболимиз ривожланишда давом этган бўларди. ЎФФ ҳам кейинчалик мухлисларнинг кўплигидан керилиб юрарди. Стадион мавзуси етарлича ОАВ да ёритилди. Лекин бирор мансабдор шахс ОАВ га чиқиб бу ҳақда аниқ маълумот бергани йўқ!
Лиқ тўла стадионда тўп суриш футболчиларга ҳам ўзига хос далда бўлади. Биламан, "Навбаҳор" раҳбарияти ҳам стадион сиғимини ошириш борасида ўйлашмоқда. Улар ҳам футболсиз яшай олмайдику! Тўғри, сиғимни ошириш учун яхшигина маблағ талаб этилади. Ўйлайманки, бундай маҳалда ҳеч ким қараб турмаса керак. Айнан мухлислар ҳам ЎФФнинг обрўсини белгилаб бериши мумкин. Бизда мухлисларни қисқаритириш эмас, янада кўпроқ жалб этиш лозим. Шундагина футболимиз равнақи ошиб боради.
Обид РУСТАМОВ
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
