Рўзиқул Бердиев: «Бугун қимматли очколарни қўлга киритдик»
Суперлигаси-2022 8-турнинг марказий беллашуви деб қаралган «Сўғдиёна» - «Насаф» учрашувидан сўнг қаршиликлар бош мураббийи Рўзиқул Бердиев матбуот анжуманида иштирок этиб, журналистлар саволларига жавоб берди.
"Бугунги уч очко биз учун жуда ҳам қимматли. Чунки биз кучли рақиб майдонида, сафарда уч очкони қўлга киритдик. Бу жуда ажойиб.
Ўйин ҳақида гапирадиган бўлсам, биз биринчи бўлимда ўйинни тўлиқ назоратимиз остига олдик. Ҳисобда ҳам олдинда бордик. Тўпда ҳам, ўйинда ҳам. лекин иккинчи бўлимда майдон эгалари бизга қараганда анча яхши ўйин намойиш этди. Улар асосан қанотлардан ҳужум ташкил этиб, стандартларга таянишди. Биз эса бу ҳолатга етарли даражада ттаёр бўлмаганлигимиз туфайли стандарт вазиятдан гол ўтказдик.
Умуман олганда, бугун йигитлар кўрсатмаларни яхши бажаришди. Биз «Сўғдиёна»дек курашувчан жамоага қарши яхши курашдик. Бу эса бугунги ғалабамизнинг асосий омили бўлди"— деб Рўзиқул Бердиев ўз фикрлари билан ўртоқлашди.
— Сиз асосан битта ҳужумчи билан ҳаракат қилар эдингиз. Бугун эса майдонда иккита ҳужумчи ҳаракат қилди. Бу тактик ўзгаришми? Ёки тезкорликни хоҳлаган эдингизми?
— Бугун схемамизга озроқ ўзгариш киритдик. Соф учта ҳимоячи билан ҳаракат қилдик. Бугун 3-4-3 схемасида ўйнадик. Бу қайсидир маънода «Сўғдиёна» жамоасига ноқулайлик туғдирди. Бугун иккита ҳужумчи билан ўйнаганимизнинг сабаби улар иккаласи ҳам бош билан яхши ўйнайди. Улар бизга ҳужумда ҳам ҳимояда ҳам керак эди.
— Кейинги ойдан U-23 Осиё чемпионати бошланади. Тимур Копадзе жамоани 18 майдан бошлаб йиғади. Шерзод Насруллаевнинг жароҳати бор. Алибек Давронов катта эҳтимол билан У-23 терма жамоасига кетиб қолса қанотда юзага келадиган бўшлиқ сизга қийинчилик туғдирмайдими?
— Бизда ҳозир Ғолиб Ғайбуллаев сафга қайтяпти. Балки кейинги ўйинларимизни учта ҳимоячи билан ўйнашга мажбур бўламиз. Бугун Саитов билан Муҳитдинов қанотларда ҳаракат қилишди. Шу сабабли имкониятимизга қараб тактика танлаймиз ва вазийтадан чиқишга ҳаракат қиламиз.
— Ҳозирги кунда мутахассислар ва мураббийлар ўртасида Лига кубоги ҳақида қизғин муҳокамалар давом этмоқда. Турнирда қўшни Республикалардан ҳам жамаолар иштирок этиши ҳақида гапирилмоқда. Бу ҳақида сизнинг фикрингиз қандай?
— Бу ҳақида биринчи марта сиздан эшитаябман. Бу мусобақанинг қандай форматда ўтиши, қайси жамолар иштирок этиши ҳақида аниқ маълумот йўқ. Лекин бу жамоалар учун яхши. Чунки футболчилар учун ҳам кўпроқ ўйин амалиёти бўлади. Лекин бизнинг жамоага қийинчилик туғдиради. Чуни ўзларингизга маълум, «Насаф» учта турнирда иштирок этмоқда бундан ташқари футболчиларимиз терма жамоа ўйинларида ҳам иштиро кетишмоқда. Шу сабабли бу бизга қийинчилик туғдириши мумкин. Лекин ўйинлар кўп бўлгани ўйинчилар ва жамоалар учун яхши.
— «Насаф» жорий мавсумда қандайдир соврин ёки ўрин учун ўз олдига мақсад қўйдими?
— Биз ҳар доим совринли ўринлар учун курашишни мақсад қилганмиз. Иккинчи даврада жамоамизни янада кучайтиришни мақсад қилганмиз.
«Насаф» футбол клуби матбуот хизмати
Манба: fcnasaf.uz
Киритилди: 23:59, 12.05.2022. Ўқилди: 2658 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
