Деян Журжевич: «Мақсад ғалаба қозониб, курашни давом эттириш»
Осиё чемпионлар Лигасида иштирок этаётган Тошкентнинг "Пахтакор" клуби сўнгги турда БААнинг "Бани Яс" клубига қарши учрашувда майдонга тушади. Бугун "Вайсрой" меҳмонхонасида ўйиндан олдинги матбуот анжумани ўтказилди. Унда тошкентликлар бош мураббийи Деян Журжевич саволларга жавоб қайтарди.
- Учрашувга тайёргарликни яхши тарзда давом эттираяпмиз. Лекин иссиқ ҳаво бунга салгина халал бермоқда (ҳазиллашади, шу кунларда Абу Дабида ҳарорат ўртача 40-45 даражани ташкил этиб турибди). Ўйиннинг эса қийин кечиши аниқ. Чунки “Банияс” яхши жамоа ва бир қатор маҳоратли футболчиларга эга. Лекин улар уйда ўйнашлари сабабли қўшимча босимга эга бўлишлари табиий. Балки, бу ҳолат бизга ёрдам берар. Бизнинг вазифамиз эртанги беллашувда ғалаба қозониш ҳамда кейинги босқич йўлланмасига эга бўлиш. Таркибимизда баъзи муаммолар бор, лекин бу ҳолатдан чиқиб кетишимизга ишонаман.
- Кимлар эртага майдонга туша олмайди. «Банияс» ҳақида қандай фикр билдирасиз?
- Рақибни яхши ўрганиб чиққанмиз. Лекин мен биринчи навбатда ўз жамоам ўйинига эътибор қаратишни ёқтираман. Футболчиларимни рақиб ҳақидаги маълумотлар билан босимга солгандан кўра ўз ҳаракатлари ҳақида бош қотиришларини истайман. «Банияс»да тажрибали мураббий бор. Кальдерон кўп йиллардан Осиёда ишлаб келаяпти ва бу ердаги ҳолатдан жуда яхши хабардор. Эртага марказий ҳимоячи Егор Кримец қизил карточка олгани сабабли майдонга тушмайди.
- Босим «Пахтакор»да кўпроқ эмасми? Чунки сизлар ғалаба учун ўйнашга мажбурсизлар?
- Йўқ, бу нормаль ҳолат. Чунки футболда ҳамиша ғалаба учун ўйнашга интилиш зарур. Футболчиларга ҳам дуранг учун ҳаракат қилгандан кўра муваффақият қозониш мақсадида майдонга тушиш енгилроқ. Шуни айтиб ўтишим лозимки, биз Чемпионлар лигаси ва миллий чемпионатимизда ўйиндан-ўйинга ўсиб бораяпмиз. Ҳаракатларимиз тобора ижобий кўриниш олмоқда.
- «Манчестер Сити» куни кеча Англия чемпионига айланди. Ушбу жамоа хўжайини «Бани Яс» хўжайинлари билан қариндош. Бу вазиятга қандай баҳо берасиз?
- Мен «Манчестер Сити»га алоқаси бўлган барча инсонларни бу ғалаба билан табриклайман. Ўз навбатида ёшлар терма жамоасида қўл остимда шуғулланган Александр Коларов ва Стефан Савич учун жуда хурсандман. Улар Англия чемпионларига айланишди.
Манба: www.pakhtakor.uz
Киритилди: 17:43, 15.05.2012. Ўқилди: 5441 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
