Англия премьер-лигаси ташкил этилганига 20 йил тўлиши муносабати билан, мавсум якунланиши ҳамоно, АПЛ бир қатор номинациялар бўйича энг яхшиларни аниқлаб бормоқда.
Премьер-лига расмий сайтида ўтказилган сўров якунларига кўра, 2003/04 йилги мавсумдаги "Арсенал" АПЛнинг 20 йиллик тарихидаги энг кучли жамоаси дея эътироф этилди.
Ўша мавсумда Лондонликар чемпионат ўйинларида бирор марта ҳам мағлубиятга учрамаган эди. 2003/04-йилги мавсумда "Арсенал" 38 та ўйиннинг 26 тасида ғалаба қозонган ва 12 бор дуранг натижа қайд этган эди.
"Ушбу эътирофдан бошим осмонга етди. Бу юксак эътирофга эришиш шахсан мен учун катта шараф. Ўша мавсумда футболчиларга бунданда юксак натижа қайд этиш мумкинлигини айтган эдим. Умуман олганда, ўша натижа биз учун катта шараф эди.
"Айни пайтдаги мақсадим - "Арсенал" ўша пайтдаги савияга олиб чиқиш. Биз келаси мавсумда чемпионлик учун албатта курашамиз. Умуман олганда, "Арсенал" ҳар мавсум чемпионлик учун курашади",- дейди лондонликлар бош мураббийи Арсен Венгер АПЛ расмий сайтига берган интервьюсида.
Матнда хатолик топсангиз, ўша хатони белгилаб, бизга жўнатинг (Ctrl + Enter).