Севимли жамоамиз - "Навбаҳор" яна мухлисларни ранжитишни бошлади. Бундай ҳолатлар доим бўлиб келган. Сўнгги йилларда "Навбаҳор" мухлислар кутган ўйинни умуман кўрсата олмаяпти.
Севимли жамоамиз - "Навбаҳор" яна мухлисларни ранжитишни бошлади. Бундай ҳолатлар доим бўлиб келган. Сўнгги йилларда "Навбаҳор" мухлислар кутган ўйинни умуман кўрсата олмаяпти.
Куни кеча жамоамиз Самарқанднинг "Динамо" клуби билан ўз майдонида беллашди. Тўғриси, шу куни ким мезбонлигини ҳам ёддан чиқариб қўйдим! Наҳотки, "Навбаҳор"нинг бўлиши шу бўлса?
Жамоа кўрсатган ўйинни умуман баҳолаб ҳам бўлмайди! Наҳот шу биргина жамоани ҳам шакллантириш қийин бўлса? Мавсум бошида Жаъфар Ирисметов ҳақида роса гапирилди. Аммо "Динамо" билан кечган учрашувда Ирисметов ўйнамади! Ҳа, умуман ўйнамади! Бундан ташқари, Санжар Асқаралиев, Алишер Маҳмудовлар ҳам ўз даражаларида тўп суришгани йўқ. Ғайрат Жўраевни нима учун асосий таркибга киритишганига ҳайронман! Тўғри, у гол урди. Лекин у ҳам сўнгги учрашувларда имкониятидан жуда паст даражада ҳаракат қилмоқда.
Яхшиямки, Денис Романенко бор экан. Бир нечта голлардан жамоани қутқариб қолмоқда. У ўзбекчани тушунмайдида, шунинг учун жонини бериб ўйнамоқда, деганлар ҳам анча топилади. Тўғриси, клубдаги ички ҳолат барчани ўйлантирмоқда. Футболчиларда ўйнаш иштиёқи йўқ. Оддий ҳолатларда ҳам тўпни бир-бирига аниқ етказиб бера олмайди. Минг қийинчиликлар билан тўпни рақиб жарима майдони атрофига олиб келган "баҳодирларимиз" осонгина рақибга тўпни топшириб қўйишмоқда.
Клименкога ҳам зўр баҳона топилди. "Мен жамоани тузмаганман, мендан катта натижалар талаб қилманг. Қўлдан келганча ҳаракат қиламиз", дейдиган мураббий "Навбаҳор"га керакми ўзи?
Ҳайрон қоласан, раҳбарлар нега мураббийни алмаштирди ўзи? Ўзлари билишмасмикин, янги мураббий жамоани барибир биринчи даврагача кучайтира олмаслигини? Нима бўлганда ҳам Усмон Асқаралиевга имкон бериш лозим эди. Гарчи Асқаралиев билан боғлиқ муаммолар юзага келган бўлса ҳам.
Мана энди кўраверинг жамоа аҳволини! "Насаф" билан учрашувда йигитлар йирик мағлубиятга учрмаслик учун ҳаракат қилишади. Кейин эса "водий дербиси"да яна бир очко учун ўйнаймиз, агар рақибимиз "розилик" билдирса! Кейин эса "Пахтакор"га бориб, 3 очкони қўш-қўллаб топшириб келамиз! Жамоа ҳозирги аҳволидан келиб чиқиб шундай фикр билдирмоқдаман!
Қарабсизки, биринчи даврани яққол аутсайдер сифатида якунлаймиз! Тўгриси бундай бўлишини умуман ҳаёлимизга ҳам келтира олмаймиз. Бироқ, шу ҳолда кетаверсак олий лигада мунтазам иштирок этаётган жамоалар сони биттага камайиши мумкин! "Навбаҳор" учун мухлислар қанча жон куйдиршмоқда. Лекин бизнинг фикрларни ҳеч ким назарга илмаяпти.
Ўйиндан олдин футболчилар чигал-ёзди машғулотларига чиқиб келишида ҳамда майдонни тарк этаётганида мухлислар қанчалик далда беришган бўлса ҳам, фақатгина Санжар Асқаралиев қўлини кўтариб миннатдорчилик билдириб қўйди! Қолганларчи? Ҳеч бўлмаса, маҳаллий футболчилар мухлисларнинг ҳаракатларига жавоб қайтаришлари керак эди. Тўғри, жамоа очко йўқотганида футболчиларнинг кайфияти тушкун ҳолда бўлади. Аммо мухлислар улардан ҳам қаттиқ афсусланишади. Футболчилар барибир қачондир жамоадан кетади, лекин мухлислар "Навбаҳор"дан кеча олишмайди!!!
Ўйиндан кейинги матбуот-анжуманларига энди Клименко кириши мумкин дейилганди. Аммо яна бу гал ҳам Мустафо Байрамовнинг ҳамма учун маълум бўлган сўзларидан баҳра олдик. Саволларга кўз ташлаб, вилоятимизда савияли журналист йўқлигига амин бўлдим! Саволларнинг савияси ҳақида гапириш ноўрин. Айниқса Аҳмад Убайдуллаевга берилган саволлар кишини беихтиёр кулгусига сабаб бўлади. Савол берган "журналист" Убайдуллаевни тергов қилаётганга ўхшаб қолган!
Юртимиздаги етакчи нашрлардан саналган "Чемпион" газетасида Игорь Шквирин бир гапни айтиб ўтганди:
- "Мени Намангандаги ҳолат ажаблантирди. Икки нафар журналист менинг исми шарифимни тўғри айтолмаганди", деганди. Хуллас, вилоятимиз ҳар томондан оқсамоқда!
Юқоридаги фикрларим ўз нуқтаи назаримдан келиб чиққан бўлиб, мақолада бирор шахсни тандиқ қилишдан йироқман. Шунчаки ўз фикрларимни сизлар билан баҳам кўргим келди. Яна келажакка умид билан боқишга мажбурмиз. Янги ўйингоҳимиз битгунча шундай даврлар бўлиб тураверади шекилли. Наилож, биз кутишга, умид қилишга ўрганиб қолганмиз.
Нима бўлса ҳам сени доим севамиз - "Навбаҳор"!!!
Фаёзбек ЛАТИПОВ
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
